My Man is A Bad Guy (Zawgyi And Unicode )

Ep ... 20

အထက်တန်း တတိယနှစ် ၏ ​နောက်ဆုံးစာ​မေးပွဲကြီး ပြီးဆုံးသွားခဲ့ပြီ ဖြစ်သည် ။ ​ကျော​ပေါ်မှာ တင်ထားတဲ့ ဝန်ထုတ် ဝန်ပိုး ကြီး ကျသွားတာမို့ Jungkook ​ပေါ့​ပါးစွာ ပင် ​ကျောင်းပြင်သို့ ထွက်လာခဲ့သည် ။ ဆူညံ​နေ​သော ​ကျောင်းသား ​ကျောင်းသူ​တွေကြားက တစ်စုံတစ်​ယောက်ကို သူ ​စောင့်​နေမိသည် ။

လာပါပြီ , ဘာသာရပ်​တွေကို ​အောင်မြင်စွာ ​ဖြေနိုင်ခဲ့ပုံရသည့် ထိုလူသား​လေးက ​မြောက်ကြွကြွနဲ့ ။ စာ​မေးပွဲမှာ ဘယ်လိုရလဒ် ထွက်လာမည်ကို jungkook စိတ်ဝင်မစားပါ , သူ စိတ်ဝင်စားသည်က Taehyung ဆီက အ​ဖြေသာ ဖြစ်သည် ။  ခုန်​ပေါက်ကာ သူ့ဆီ​​​ပြေးဝင်လာ​သော ထို ဝက်ဝံ​ပေါက်စ ​လေးကို သူ လက်​မောင်းဖွင့်ကာ ကြိုဆို မိ၏ ။ Taehyung က နှင်း​တွေထူ​နေတဲ့ ​နေ့မှာ ထွက်လာတဲ့ ​နေလုံး​လေးလိုပဲ , ​နွေး​ထွေးပြီး သူ့အတွက် သက်​​တောင့်သက်သာ ဖြစ်​စေတယ် ။

" Jungkook , စာ​မေးပွဲ​ဖြေနိုင်... "

" ဘယ်​နေ့တွဲမှာလဲ ? ဒီ​နေ့လား ? မနက်ဖြန်လား ? "

" လူ​တွေရှိ​နေတာကို ဘယ်လိုဖြစ်​နေတာလဲ Jungkook "

ခပ်စစ လက်သီးတစ်လုံးက သူ့ရင်ဘတ်ကို လာထုကာ ထို လူသား​လေးက ငြိမ်ကျသွားသည် ။ သူ ရင်ထဲ နည်းနည်း​တော့ စိတ်မ​ကောင်းဖြစ်သွားရသည် ။ တွဲဖြစ်ရင်​တောင် Taehyung က သူ့ကို လူကြားထဲ ချပြချင်တဲ့ပုံမရ ၊ ဒါ​ပေမဲ့ ဘယ်လိုပဲဖြစ်ဖြစ် Taehyung အနားမှာ ​​နေရရင်ကို သူ ​ကျေနပ်ပြီဖြစ်တာမို့ ။ ​မျက်နှာငယ်​လေးနဲ့ ​ခေါင်းငုံ့​နေတဲ့ Jungkook တစ်​ယောက် ​ခွေး​ပေါက်က​လေးလို အ​တော့်ကို သနားစရာ​ကောင်း​နေခဲ့သည်ပင် ။

" အဲ့တာဆိုလဲ အိမ်​ရောက်မှ ... "

Jungkook စကားမဆုံးလိုက် , သူ့နှုတ်ခမ်း​တွေကို တပ်တပ်မက်မက် နမ်းရှိုက်လာတာကို ခံစားလိုက်ရသည် ။ သူ့ ပါးနှစ်ဖက်ကို ထိုလက်​ချောင်းလှလှ​လေး​တွေက အုပ်ကိုင်ထားပြီး နှုတ်ခမ်း​နွေး​နွေး​လေးက jungkook ကို အာရုံ​တွေ​ထွေပြားသွား​စေတယ် ။ ​သေချာကြည့်မယ်ဆို ​အရပ်အနည်းငယ်ကွာတာ​ကြောင့် ​ထောက်ထားတဲ့ ​ခြေဖျား​လေးကိုပါ မြင်ရပါလိမ့်မည် ။