موعد مع القدر(تحدى الإعاقة)

البارت الخامس والعشرون

بجد اتمنى الاقى تفاعل مُرضى ..لانى بجد  تعبت جدا فـ البارت ده ..ياترى هتفرحونى ولا ايييه؟

💕🌱💕🌱💕🌱💕🌱💕🌱💕
اللهم اصرف عنا نظرة حسد للرزق ممسكة أو للجسد ممرضة أو للأبناء مفرقة أو للبيوت مشتتة، اللهم اجعلنا فى كنفك وحفظك يارب العالمين اللهم رد عنا عين الحاسدين والحاقدين والمؤذين يارب العالمين واحفظ مصر وبلاد المسلمين واجعلها سخاء رخاء وسائر البلاد".

🌱🌹🌱🌹🌱🌹🌱🌹🌱🌹🌱

اللهم إني أشكو إليك ضعف قوتي وقلة حيلتي وهواني على الناس يا أرحم الراحمين يا أرحم الراحمين يا أرحم الراحمين أنت ربي ورب المستضعفين إلى من تكلني إلى بعيد يتجهمني أم إلى عدو ملكته أمرى، إن لم يكن بك على غضب فلا أبالي ولكن عافيتك هي أوسع لي.

تحدى الإعاقة بقلمى✍️___________________لبنى دراز

أيمن اتصل بهيثم وقاله موافق احط إيدى فـ إيدك وياريت تيجى النادى انا منتظرك الساعة 5 سلام
وبالفعل راح هيثم فـ الميعاد وكان أيمن فـ انتظاره ومعاه أيهم و ساجد و رامز

هيثم:: شافهم متجمعين و استغرب ولكن قال ..مساء الخير

أيمن:: مساء الخير ..اتفضل يا استاذ هيثم ..تحب تشرب ايه

هيثم:: لا شكرا مش عايز وياريت بلاش استاذ دى احنا شباب زى بعض .. ممكن ندخل فـ الموضوع ؟

أيمن:: بكل تأكيد بس احب أعرفك الاول ..أستاذ رامز وكيل النيابة و دول

هيثم::بمقاطعة ..عارفهم ..أيهم  طنطاوى صاحب ومدير طنطاوى جروب وساجد السويفى المدير التنفيذي لمجموعة أيهم باشا والضلع التالت فـ مثلث صداقتكم

ساجد:: يااااااه ..ده انت مذاكرنا كويس بقى يا هيثم باشا

هيثم:: أكيد يا باشمهندس ساجد ..اتعلمت ما اخطيش خطوة  الا وانا دارسها و مذاكرها وحافظها كويس

أيهم:: حضرتك جيت وطلبت من أيمن انك تساعده ياخد حقه وحق مراته ممكن اعرف مقابل ايه

هيثم:: بتساؤل ..أعتبره تحقيق يا  أيهم باشا؟

أيهم:: لا العفو تحقيق ايه بس يا باشا ده مجرد استفسار

أيمن:: لـ أيهم  استنى ثوانى بس كدا لو سمحت ..و بص لـ هيثم ..انا قولتلك موافق احط إيدى فـ إيدك بس بشرط ..وسكت أيمن يشوف رد هيثم

هيثم:: سامعك ..كمل شرط ايه

رامز:: كمل كلام أيمن لـ هيثم..انك تقول كل حاجة تعرفها عرفتها ازاى وامتى وبكل صراحة..

  هيثم:: بتفكير.. امممم .. ولو رفضت يا رامز باشا

رامز:: اسمحلى اقولك مافيش مجال للرفض دى قضية تحريض ع القتل والتسبب فـ عاهة مستديمة ..فى بنت فقدت الحركة وقاعدة على كرسى متحرك ودى لوحدها جناية واصابة اتنين بكسور وكدامات تخطت مدة علاجهم شهرين تقريبا ..فـ لو فعلا عايز تحط إيدك فـ إيد أيمن لازم تقول كل حاجة تعرفها وبصراحة