موعد مع القدر(تحدى الإعاقة)

البارت الثانى عشر

#الصداقة
هي تلاحم شخصين في روحٍ واحدة، مشاعر أحدهما تتأثر بالآخر مهما كانت، فإذا كان أحدهما فرِحًا، صار الثاني كذلك بالتأكيد، وإذا ضاقت بإحدهما الحياة، فإنّ الآخر لن يكفّ عن محاولة إخراجه من ضيقته وتوسيع الحياة في ناظريه، فما أن يفعل ذلك حتى نرى صديقه بدأ يخرج من ضائقته تدريجيًا فتأثيرهما على بعض قويٌ جدًا، حتّى لأنه قد يكون من أقوى المؤثّرات في حياة الشخص

🌸🌹🌸🌹🌸🌹🌸🌹🌸🌹🌸

صديقي .. ستبقى من يؤنس وحدتي ويملأ عليّ خلوتي .. ويبعد عنّي وحشتي .. أنت يا توأم روحي.
مُجرد حديثي معك  في عز الضيق .. يُشعرني أنّي ما زلت أحيا وأتنفس وأني بخير.

🌸🌹🌸🌹🌸🌹🌸🌹🌸🌹🌸

تحدى الإعاقة بقلمي✍️_______لبنى دراز

  بيت عادل الألفى

خرجت هدير من المستشفى ورجعت بيتها بعد أسبوعين بإشتياق ..

هدير:: يااااه.. البيت كان واحشني بشكل..

سلوى:: حمد الله على السلامة يا حبيبتى ..ألف حمد وألف شكر ليك يارب..إنك  رجعتى بخير ياقلبي

هدير:: ياااه يا ماما ..قاعدة المستشفى وحشة أوى وتخنق
والجبس ده كمان مضايقني أوى وشالل حرك....... و قطعت كلامها ..وعيطت بحرقة على منة

عادل:: أهدي يا قلب بابا .. ياحبيبتى أنا حاسس بيكي ..بس ده نصيبها وهى راضية بيه ..أنتى كمان أرضى علشان تقدري تساعديها وتكونى جنبها

هدير:: بشهقات من كتر العياط قـ قـ قلبى و و و واجعنى  عـ عـ عليها أوى..يا باااباااا ..أنا أنا انا ات ات اتخنقت من الحبسة وقِلة الحركة و يادوب  ر ر رجلى متجبسة وهتتفك وهرجع أمشى تاااني

سلوى:: ضمتها لحضنها تهديها ..كلنا قلوبنا موجوعة عليها يا نور عيني بس ده قدرها و ده أمر ربنا قال سبحانه وتعالى
بسم الله الرحمن الرحيم (قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ)
والحمدلله إنها رجعت بيتها وموجودة وسطنا ومش هنسيبها ..

عادل:: أخدها من حضن سلوى و ضمها لحضنه بحنان .. وده بقى دورك يا قلب بابا إنك تقوي نفسك علشان تقدري تدعميها وتكوني سندها ..

هدير:: بأستغراب .. سندها ؟! أزاى يا بابا مش فاهمة؟

عادل:: حبيبة قلب أبوها ..الصديق الحقيقى بيكون أقرب من الأخ ..وقت الشدة بيبان معدنُه الأصيل.. وأنتى يا هدير معدنك أصيل يابنتى ..واجب عليكي تقفى جنبها وتكوني سندها الحقيقى أكتر من أهلها كمان.. فاهمانى يا حبيبتي؟

هدير:: أكيد يا بابا فاهمة ..حضرتك عارف منة بالنسبة ليا أكتر من أختى ..ومحستش أبداً إنى وحيدة لإنها جنبى على طول و إن شاء الله أكون قد المسؤولية ونعدى كلنا المحنة دى .