Our Married Life

10

Read up to the latest chapters now on my Patreon creator page Rej Martinez and/or join my Facebook VIP group! Send a message to my Facebook Rej Martinez to join. For 150 PHP monthly membership you will have access to the latest chapters in my ongoing stories on both Patreon and Facebook VIP! You can also read my exclusive stories there! Thank you for your support!

Chapter 10

Or So I Thought

Ilang araw bago ang kasal ay pinasamahan ako ni Hale sa babaeng secretary niya na magpaayos ng buhok ko at iba pang bagay. I had my hair trimmed and treated why it became more shiny. Unang beses ko rin naayusan ng kilay. Ang sabi pa nga nila ay maganda na raw ang kilay ko kaya inayusan nalang ng konti. Nagpa-manicure at pedicure din ako pagkatapos ay nagpa-massage pa pagkatapos din magpa-body scrub.

"Note po ba 'yang sinusulat ninyo para sa groom, Ma'am?" Tanong sa akin ng nag-p-pedicure na ngayon sa paa ko.

Malinis at maganda itong Salon and Spa. At ang dami rin nilang inooffer na services. First time ko lang sa ganito at mukhang nakaka-relax pala. Nakakatuwa naman. Kung marami ka lang pera ay pwede mong dalasan ang pagpunta sa mga ganito. Lalo na siguro kapag stressed ka sa trabaho. You can do this sometimes to treat yourself, too, after working hard. You also deserve a reward. And I think this is a good reward for women.

"Ah, opo..."

Ngumiti ito sa akin bago muling nag-focus sa ginagawa niya. Mukhang nakikinig din pala siya sa pinag-uusapan namin ng sekretarya ni Hale.

Ang sabi kasi ng secretary ni Hale sa akin ay naghahanda raw ng letter si Hale na ibibigay niya sa akin sa araw ng kasal namin. Kaya naisipan ko na ring gawan din siya. Inuunti-unti ko na ngang isulat ngayon habang narerelaxed ako dito. At agad na rin akong may naisip na mga sabihin kay Hale sa letter ko para sa kaniya.

Mabait ang secretary ni Hale at nakakatuwa. Mas matanda siya sa akin ng ilang taon pero mabilis naman kaming nagkagaanan ng loob. May isa pang secretary si Hale na lalaki. Kung ganoon ay dalawa ang secretaries niya. Isang lalaki at isang babae.

"Ngayon ko lang nagawa ang ganito..." Nasabi ko habang tinitingnan kung paano maingat na inaasikaso ng manikurista ang mga kuko ko.

Nasa tabi ko lang ang secretary ni Hale habang inaayusan ako sa lahat mula sa buhok ko hanggang sa paa. "Naku, dalasan mo ang ganito, Ma'am. Kapag mag-asawa na kayo ni Sir Hale dapat ay palagi kayong fresh at maganda! Dahil kung hindi..."

Nakuha noon ang atensyon ko at mabilis na bumaling sa secretary ni Hale. Natigilan din naman siya sa pagsasalita at awkward na ngumiti sa akin.

"Ang ibig ko pong sabihin... Gwapo si Sir Hale, at marami ang ibang mga babaeng naghahabol sa kaniya..."

Mukhang natataranta siya sa mga sinasabi. She looked like she's in trouble. "Naku! Sorry, Ma'am. Hindi ko po maayos ang mga sinasabi ko. Kanina pa kasi ako nagdadaldal! Sorry, po..."

Mahilig nga siyang magsalita. At nakakatuwa naman. Kanina pa nga ako tumatawa sa mga kwento niyang kung ano-ano lang. Tungkol sa mga tita niyang palagi siyang tinatanong kung buntis ba siya dahil tumaba raw siya kapag nagkikita sila sa reunion ng pamilya. Pati tungkol sa nangangagat na aso ng kapitbahay nila at kung ano-ano pa.

"Pero huwag po kayong mag-alala! Alam ko namang kayo ang pinili ni Sir dahil kayo ang pinakamaganda!"

Hindi ko alam kung binobola niya lang ba ako dahil bumabawi sa mga nasabi kanina. Ang alam ko ay bagong secretary lang siya ni Hale. Kasi nag-resign na iyong dati dahil may edad na rin at secretary pa rin iyon ng Daddy ni Hale noon.

Alam kong kinuha siya ni Hale dahil magaling din siya sa trabaho at base pa sa kwento niya kanina ay mukhang nagtapos siyang top ng batch niya.

Ngumiti ako sa kaniya. "Ayos lang. Naiintindihan ko ang sinasabi mo."