شوگ و ورد

بارت 49

للكاتبه:  ود الباشا

سلام عليكم طولت عليكم حبايبي اعتذر ان شالله راح التزم وياكم ونختمها بدون تاخير بس صار عندي ضرف مكدرت اكمل واعتذرت منكم على الانستا وكتبتلكم السبب 🌺

الحياة عندما تكشف أقنعة الناس تكشفها بقسوة ، لدرجة أنك تحتاج وقتاً طويلاً لتستوعب بشاعة الوجه الحقيقي الذي تقاسمت معه ذكرياتك بشتى أنواعها ... فالحياة مفاجئات ، قد تأتيك من البعيد ، وقد تأتي من أقرب الناس إليك ... فهناك خذلان لا يغفر ، وفي النهاية :
"ليس هناك أناس يتغيرون ، بل هناك أقنعة تسقط .

غسق: شديصير بعدني ممكمله كلامي وسمعت طبه قويه

مهاب: مثل ما وصييتج صووت مااريد.

غسق: حجاها وسد الباب صارت ضلمه غمضت عيني بخوف احس روحي بكبر سحبت نفس سمعت صوتهم وهم يحجون

وحدك اهنا

مهاب: شتشوف انت وياي سبع جنونه طبعاً وحدي

وليش هيج حالتك

مهاب: تره سالفتكم متتسولف هاي دگه نواقيص نايم ابيتي وتصير عليه مداهمه كوول للدزك خليطمئن انه ماعوف شغلي ولا اغدر بي

احنا واثقين منك بس هم الاحتياط واجب

مهاب: هذه احتياطكم لا تعيدو مره ثانيه هلمره سكتتلكم وعديتها على خير مره ثانيه تشوفون غير وجهه

غسق: بقيت مركزه وياهم علما صوتهم صار بعيد
بقيت تقريباً فوك الساعتين احس روحي راح تطلع اختنگت كلش خفت اتحرك او ادك الباب وبعدهم موجودين ونتاذه شويه وحسيت صار صوت ونفتحت الباب متت بدمي من الخوف لأن ماكو صوت مهاب غمضت عيني بقوه فتح الباب شفته كدامي حالته مو احسن من حالي سحبني حضني حسيت اعضامي طكن
باس راسي وعيوني

مهاب: تاذيتي

غسق: لا بس حسيت بخنكه منو ذولي وشيردون
فرك وجه

مهاب: واصللهم حجييي اذا طلع البالي والعباس مااخلي يصبح للصبح

غسق: ابتعدت عنه منو قصدك

مهاب: سهله خلينا هسه من هاي السالفه متاكد كاعد يراقبون البيت ماكدر اطلعج

غسق: شيسوون يعني لا تخوفني مهاب لزم وجهي بثنين ايده

مهاب: لج ابويه مايسوون شي شحدهم يطخون شعره منج وراسي يشم الهوى

غسق: ذول خطرين مراح نخلص منهم بسهوله راح نتاذه

مهاب: خلي ايدج بايدي والباقي كله سهل

غسق: مجاوبته اصلاً الخوف اكلني
كعد علسرير

مهاب: لازم اشوف طريقه اطلعج منا

غسق: ميسم هم راحت ويا اهلك

مهاب: سفرتهم كلهم

غسق: زين احنا ليش هيج صعبه اكيد اكو طريقه هز راسه