عشق الظابط

🄿🄰🅁🅃 8

#رجع_طيري_حزين_وجنحه_مايل

#اضنك_شاگها_گباله_الرسايل

#فطوم

ــــــــــــــــــ
شهد ... هههه اي والله خية
وعد... اباوع لها تضحك وسولف ولاهمها شي شخصيتها مرحة وطفولية بس مو كلشي بالضحك
والشقة هي ماشايفة شي من دنيا الله يديمج على هل حال وماتتغييرن يعسل

_
رعد ... جنت راجع للغرفة بس شفتها طلعت من غرفتها لحكتها وشفتها راحت كعدت يم عسل وعد
جان موجود وجنود مارحت يمهم وكفت بعيد شوية عليهم وادخن اسمعهم شيحجون بس
كل نظري عليها معقول هل براءة خدعة مثل
اختها عيونها الي تلمع مثل عيون جهال تطلع
وراها شيطان كل هما الفلوس بس شلون
شلون يكدرن هيج يمثلن اني الي اعرف
اختها كلش زين هسة حاير اذا هذا تمثيل
لو صدك بريئة ضحكتها ملامحها الي نعكس
عليها ضوءه نار وخدودها صارت بيهن لمعه مثل
ذهب من يكون بظلمة وضوي علية يشع بدو
واحد واحد ينسحب واجة نظرها علية ظلت تباوع
الية بس بعدتة عني خجلت اووف ربي ماريد
هل برائة الجذبية توكعني مرة ثانيةة اليغلط مرة
وحدة بحياتها ومايكرر هل خطأ هذا واني مراح
اكررة راح انتقم من شهلاء بشهد شنو ذنبها ذنبها
اخت شهلاء ذنبها كاعدة تمثل البراءة عليةة
البراءة الية صدكتها باختها ولعبت بكلبي خلتني احبها وازوجت غيري علمود الفلوس انتبهت الكل
راح الا هي وعسل وعد بس ساكتين رحت عليهم
وكعدت كبالها بس ماباوعت عليةة  لاتخافين
يشهد هل مرة انااا الي راح العب وانتي اساس
العبة بس كل ضرر راح يصير شهلاء صدكيني راح
اخليها تتندم وتعض اصابعها ندم بالي سوتةة
شهد ... ليةة هيج يباوع عليةة تمنيت الكاع تنشك
وتبلعني ابد منزل نظراتة كل مااباوع لة يباوع علية
اويلي على عيونة وشكلة بس الخاطر الله شكد يدخن هو وصديقة وعد مابينهم اي فرقد عدة الحرف لاول من اسمائهم رعد و وعد عبالك تؤم
اجة وكعد كبالي عسل جانت تشوف تصوير الي
صورتة و وعد كاعد بصفها يباوع على تصوير وياها
واني ظليت بمكاني بس دك تلفوني شفتها شهلاء
ماريد اجاوب بس اخاف بيها شي خاصة اخر ايام
ماما كالت عدها مشاكل وي زوجها كمت بدون ما
احسسهم بس اكيد رعد عيونة علية ابتعدت شوية
وفتحت خط اول مافتحت فشرت وغلطت ولاكانو اختها صغيرة عبالك بنت عدوتها مو اختها من ابوها وامها مرديت عليها من فشرت وغلطت
... شلونج شهلاء
شهلاء ... هو ليسمع صوتج شلون يصير عاد ثووول
ولج لية مرديتي هااا بيا حضن جنتي
شهد ... عيب عليج والله لج اني اختج شنو هل حجي هذا شخليتي للغريب لعد
شهلاء ... لاسوين نفسج شريفة ست الحسن
شهد ... شهلاء لخاطر الله كااافي شبيج وياي اني
ماتصلت عليج انتي لمتصلة
شهلاء ... طبعاااا ماتتصلين كاظيتها لاتخلين احجي حجي رخيص
شهد ... على اساس ماحجيتي هسة
شهلاء ... ولججج صايرة تراددين اني الج بس تجين
شوفي ولج اريد رقم اخت المعيد بسام هذا الي بقسمكم
شهد ... ماعندي رقمها اصلا ماحاجية وياها
شهلاء ... طبعا ماصادقيها ماعدها لدروب لعندج
شهد ... استغفر الله سديتة بوجهه كافي عاد زودتها
ردت ارجع بس دك تلفوني جان ابن خالتي عدنان
ظليت اسولف واضحك وياه
عدنان ... ولج شهددد هاي شهلاء لازم سموها صخلاء
شهد ... ههههه لية بس لا اكلت رزالة منها
عدنان ... ولج هي لو رزالة لحمد لله ماخلت شي ماحجتة شكددد مكروهة لخاطر الحسين ادري
امج شايلة من طينة شيطان بحملها بيها مالها صلة
بيكم صح تشبهكم بالشكل بس تصرفات وطبع عووذة ابليس
شهد ... عوفك منها خل تولي
عدنان ... اي اني شلي بيها وملاكي يمي
شهد ... فديتتتت اي كولي وين شفت شهلاء
عدنان ... لج مو هي بيتكم زعلانة وسمعت من خالتي رافعة دعوة طلاق
شهد ... والله
عدنان ... اي والله ادري بيها ماتخلي خالتي دكولج
على خبارها لعار عبالها راح نشمت بيها ثول شكد غبية اووف هم رجعنا عليها كوليلي شلون اول ايامج بالبصرة حب
شهد ... والله تخبل صح الجو حار بس المكان حلو
عدنان ... بربج ششوفين وحلو وهما كل نهارهم تدريب
شهد ... لا بالعكس عبالك عائلة وحدة كلهم سوة
صدكني بس ارجع يحتاج لنة كعدة مرتبة علمود احجيلك كولشي صار
عدنان ... انتظرج عيوني شكد عوبة عفتيني وحيدي
شهد ... حبيبي كلها جم يوم ونرجع الا اخليك
تمل مني ههههه
عدنان ... دولي هو اني شعندي غيرج يلا عوبة اروح
اكمل كتابة البحث باي
شهد ... تمام روح كملة باي
... سديتة من عدنان ولتفتت ارجع بس مجان احد موجود وحتى رعد لحد ما سمعت صوتة باوعت لجهة الي اجاني صوت منها جان على بعد جم خطوة
متجي على شجرة بس لكالة الي خلاني استغرب
شبي وياي
رعد ... ماعرف ليةة يمكن فضول او شي عمري مجنت فضولي بخصوص اي شي بس من كامت
من يمنة وعد وعسل ثنينهم ورى شوية كامو واني
ظليت اباوع لها ماعرف شلون رجلية اخذتني للمكان
لواكفة هي بي وسمعتها شكالت
...حبيبي كلها جم يوم ونرجع الا اخليك
تمل مني ههههه
😠 كلجن نفس شي طالعة لاختج اكيد منو هل مسكين الي كاعدة تلعبين عليةة من لتفتت ترجع
صحتها وهي لتفتت الية ماعرف بس لحظة تخيلتها
شهلاء
... ماعرف شلون تكدرين تخلين هل براءة بوجهج
وانتي شيطان
شهد ... مامكفيتني شهلاء انوب رعد محجيت شي
ومشيت ارجع الغرفتي اني وعسل احسن شيطان والي شوفني رخيصة هو اني
شترجة من الغريب واختي بنفسها شوفني بهل نظرة
لية استغرب تصرف رعد جوز هو سمع حجيي وي شهلاء وهيج حجة والله ماهتم الكم بعد شلون مايشوفوني خل يشوفوني اني اعرف نفسي شنو
رعد ... وعد يشهد وعد مراح اخليج تكملين لعبتج على هل ولد وانتقم منج ومن اختج

__

علي ... صباح الخير سيدي
فيصل ... صباح النور علي
.... احس راسي راح ينفجر مكدرت انام بسببة وسالفة البلاغ الي وصلنا لبارحة هم شاغلتني من رحنا داهمنة لمكان جان فارغ ومابي اي شي يدل
انو جان متواجدة بي مخدرات بس البيت مشبوه وخاصة بمنطقة بعيدة عن عيون ناس وشبه مهجورة
كل بيت بجهة ومسافة بعيدة بين لبيت وثاني خليت
ثنين يراقبون لمكان من بعيد بزي مدني جتى لاينشك بيهم بس من لبارحة لهسة ماكو شي جديد
ندك الباب وفات علي شايل صينية خلاها على لمكتب وخلة لكهوة كدامي
... تسلم
علي ... ولو سيدي
... اشرب الكهوة وراك وجع راس خاصة بجية دلال
فيصل ... شبيك علي
علي ... مابية شي سيدي
... اوف والله يومين بعد وهل دلال تخبل سيدي مثل ماخبلتنة كل لاسبوع لفات بجازنة من نزل بس لحظة هي جانت تجي علمود بلاغ صديقتها اكثر من صديقتها لو لبلاغ الها تبات بالمركز لحد مانسوي
الي تريده هي بعد ساعة وشرفنا كل يومية بالعشرة
تجي والمركز يكوم مايكعد من صوتها رحت وكعدت
كدام الحاسبة اني لمسؤل عن لقلم ماحسيت على لوكت بس عرفت صارت ساعة عشرة من اجاني صوتها يلعلع باوعت لساعة عشرة ضبط فاتت وكفت كدامي
دلال ... صباااح الخير علوشة
علي ... علوشةةة بعينننج شني صديقتج اني
دلال ... هههههههه 😂 لك علوشة احترم سيدك
علي ... والعباس انتي مخرفة احددد يكل لهلج خل يودوج لسيد لية احنا مبتلين بخبالج انوب سيدي شني هاي
دلال ... اي لان اني قررت اقدم للكلية العسكرية واصير ضابط
علي ... نهجم العراق لعد
دلال ... نهجم راسك كون اصبر بس ثلث سنوات بعد واجيك اني واصير ضابطة هنا بالقسم اذا ماخليك
كل 5 دقايق تضربلي تحيةة انا مو دلال
علي ... والعباس اقدم طلب نقل ماظل لو دقيقة
بالمركز لو صدك صار حجيج
دلال ... ههههه انقل وراك وين ماتروح واخليك تضربلي تحية
علي ... يعني تردين صيرين ضابط بس علمود علي المكرود ياخذلج تحية
دلال ... ههههه لا هذا واحد من لاسباب الي يخليني
اصير ضابطة
علي ... هو صوجج لا والله صوج حظي لمصخم وين لخبل ينذب براسي
فيصل ... يعني اني وجع راسي والمشاكل مامكفيتني
علمود اسمع علي يتعارك وي مرة بس صوت كانو سامعة طلعت وشفت علي واكف وبنية واكفة كبالة ومنطيتني ظهرها اهووو هاي نفسها اكيد ام لسان
خير اليوم صاير مو نحلت سالفة لبلاغ بعد شكو

.... شكو صاير هنا ليةة هل صوت علي ادري مركز
لو بدالة
دلال ... اويليييي بس صوتةةة عسل وانوب معصب
لتفتت الة وو...

يتبع،،،، 💟