عشق الظابط

🄿🄰🅁🅃45

ليـش بس أنت بـقيت برأسي تفتر
ليش كلمأ تعبتني الي وأهس آتعب آكــثر 😊

____

محمد ... جنت واكف باب المركز ب5 ونص هذاا الوكت الي تطلع بي لبيتهم هي اشوو اجاني ضمد
كولش ضايج
... ضمدد شبيك ليش هيج ضايج
ضمد ... سيدي كل هذاا لبيك وتسال ليش ضاايج شلوون مااضووج وانت ضام قهرك بضحكك وشقاك
ويانة 💔💔
محمد ... شنوو؟؟
ضمد ... سيدي اعذرني بس اني شفت اوراق تحليل مالتك 💔بدون ماكلك والله جنت ناوي اخليهن بالجكمجة بس شفتهن بالغلط سيدي دام المرض بمراحلة الاولى اخذ اجازة وابدي بالعلاجات لاتهمل روحك وان شاء الله ترجع النا مثل لاول واحسن بعدد
محمد ... ابتسمت الة واجيت احجي بس هي جانت
واكفة خربالحظ حضنتة وكتلة
... ابووو ايااد لاتهتم محد يمووت غير بيومة وان الله كاتب الية اموت بهل مرض امووت وان مامتت بي اموت بوحدة من لمداهمات لو بحادث سيارة لو بجلطةةة سببها للواء وبنتةةة
ضمد ... اسم الله سيدي بعد عمر طويل ان شاء الله
محمد ... تسلم النمس تسلم
اميرة ... رجعنا للمركز واني كل فكري يمة شبي ليش هيج سااكت والله ورى بلووة مايسكت هيج هذاا
التهيت بشغلي بس بين فترة وثانية اباوع لة للخمسة
ونص اخذت سلاحي وسويج سيارتي وطلعت بس
وكفت اني واسمع حجي ضمد ويااه استغربت حجي ضمد ليش شبي هوو بس من كمل فتحت عيووني
ماعرف ليش هل غصةة صارت بكلبي ودموعي نزلن
من سمعتة يحجي بالموووت مسحت دموعي ورحت
الهم وضمد بس شافني ترخص ودخل جوة كتلة
... شبيك محمد
محمد ... هوووا يعالم هووا محمد يروحلج محمد وعشيرتة سبع فدووات ولك ضمددد تعال ابوس صلعيتك لوماانت مادكلي باسمي تحمحمت وسويت نفسي عود اجذب وحاولت اخلي حزن بعيوني وابتسمت
... م مابيةة شي ليش سؤال حضرة لضابط اميرةة
اميرة ... ابتسم مثل لعاادةة عمة بعيني واني لجنت اكوول ماعندة هم كل لنهار يتمضحك ويبتسم طلع
شايل هل مرض ويبتسم بدون مايحجي لاحدد على
مرضةة كتلة
... وحجي ضمدد وتحاليل عن شنوو جان يحجي
محمد ... هاا هيج مايحجي شنوو راح ترحين
اميرة ... لاتغيير الموضوع محمد كولي ليش متاخذ
اجازة وتبدي بجلسات علاجك ليش هامل نفسكك
محمد ... نقهرررت من شفت نظرة لشفقة بعيونهاا لااكثررر واني لجنت متامل اشووف غير نظرة انعل ابو لخطةةة لابو لينفذهاا هم كتلها
... حضرة ضاابط لامغير لموضوع ولا شي مابيةة اي
شي عن اذنججج وشكرراا لهتمامج
اميرة ... باوع عليةة بنظرة كلها قهر يلا حجة بضوجةة وبرسميةة وياي هو ويصعد بسيارتة بس طلع رجعت للمركز وحجيت وي ضمد
... ضمد محمد اقصد لضابط محمد شبي شنوو مرضة وليش هيج حجيت وياه
ضمد ... اسم الله عليج وعلى اليسمع مريض بالمرض الخبيث وبعدة بمراحلة لاولى اااخ شكد مقهوور علية
والله مامصدك لهسةة حيل مقهووور
اميرة ... عفت ضمد وطلعت كوة لازمة دموعي صعدت بالسيارة مستغربةة خنكة كلبي ودموعي كزميل الية بالشغل يمكن انقهر واضوج واشفق علية
بس هل خنكةةة مو طبيعيةة ولاهل دموع الي نزلت
محمد الشخص الي جنت اشوفة مجرد ضابط بالزي
وبس تصرفاتة جنت اشوفها كلها غلط بغلط وحتى كرهتة من جان يتغزل بية وهو خاطب عسل بس شوية شوية وبمعرفتي الة عرفت شكد جنت ظالمتة بنظرتي الة المركز من يدخلة ولحد مايطلع هو يضحك ويشاقي لكل حتى عقيد انس مايسلم منة
وتالي هل ضحك وهل ونسةة لان يدري راح يفاركنااا اسم الله
ايات ... جنت بالحديقة كاعدة اقرا بالجذب لان تلفون بيدي بس مخليتة بنص الكتاب واكنك وبس يجي بابا او ماما اخلي جوة لكتاب واسوي نفسي اقرا 😆 بس سمعت صوت سيارة اميرة كبل خليتة
صامت وجوة لكتاب باوعت لها من نزلت ضايجة مبين من ملامحها فاتت من كدامي بلا سلام او كلام
... شبيهاا سيادة لضابط هيج ضايجة
اميرة ... اياات شكعدج هنااا
ايات ... كاعدة اقرا تعالي اكعدي وياي شوية
اميرة ... رحت لها وسحبت كرسي كاعدة بصفها اني واخلي لمسدس على طاولةة
ايات ... شيلي من عيوني دخيل الله ترة يخوووف
اميرة ... ولج شنوو يخوف شكدد جبانةة لعد
ايات ... يخوف يخوف عوفينا منا شبيج هيج ضايجةة
اميرة ... ماعرف
ايات ... اكو احد مايعرف ليش هوو ضايج
اميرة ... اني ايات اني ماعرف والله ماعرف كول الطريق كاعدة اسئل نفسي ليش ضايجة علية ليش 😢😢
ايات ... اميرةةة حبيبتي شبيج ومنو هوو لضايجة علية اميرةة
اميرة ... خليت راسي على طاولة وكمت ابجي ماعرف ماعرف والله ماعرف ليش هيج ضايجةة ومقهورةة
ايات ... شوو ارفعي راسج وباوعيلي منووو لي مخليج تبجين لادكوليلي شفتي ميدوو وي وحدة ثانية وضجتي كوولي حجي مضبووط موو
اميرة ... ميدوو منو لخاطر الله ايات😢
ايات ... حميدوو ميدوو اقصد ضابط محمد
اميرة ... وانتي ليش دلعي كولي محمدد شنو قصتج
ايات ... محمد يلا كوليلي شفتي وي غيرج موو وضجتي هااا
اميرة ...😢لااا ولج لااا
ايات ... لعددد شبيج خطب غيرج وضجتي حقةة يخطب غيرج اذا انتي وبابا مبين جوابكم الرفض قابل يظل ينتظر وهو يعرف نتيجة كال اروح اشوف مستقبلي
اميرة ... تسكتين لو شلووون ياخطوبة ياصخااام محمد مريض بمرض خبيث 😢
ايات ... ش شنوووو صدوك كاعدة تحجين
اميرة ... اي والله صدوك ايووو صدوك ولج احس روحي مخنووكة وكلبي مقبوض مامصدكةة 😢
ايات ... سوودة عليةةة ولج بعدة بعزز شبابة يربي
ان شاء الله مشافة ومعافة ياااارب
اميرة ... امين ايوو امين
ايات ... زين وانتي لهسةة ماتعرفين ليش ضايجة علمودة هاا اني اكولج لان زميلج بالشغل
اميرة ... ما مااعرف
ايات ... شفتي مااكدتي جوابي وكلتي اي تعرفين ليش لان انتي تحبيه اميرةة والا ماغرتي عليةة وكت ادلعة وكت كلت ازوجة بدالج
اميرة ... مااحبه لاظلين جفصين😢بالحجي
ايات ... ظلي بعنادج هذااا لحد مايموووت كدام عيووونج وبذاك الوكت كووومي لومي نفسج
اميرة ... بيش طالبتةة فال الله خير من فالج
... اخذت سلاحي وفتت للبيت اسم الله بعد عمر طويل ان شاء الله نزلن دكوعي واني افووت للغرفة
معقوول احبةة واخسرة ويموت لاسامح الله اسم الله عليةة