عشق الظابط

🄿🄰🅁🅃22

چا عدله منك هاي تنطيني مگفاك
وانا النفس مرات اتقاسمه وياك.

__

شهد ... ب12 الا ربع و مكدرت انام اباوع للبنات ذبن
نفسهن من 11 هههه عبالك دجاج بس حكهن من الصبح كاعدات وبدعن بالركص مابطلن لاذان المغرب
ورى لعشاء كذالك حتى المواعين عسل وغادة وامنة
مقبلن يغسلنهن الا دي جي خلنها بالمطبخ ولان اخذن دي جي بالمطبخ كول لبنات لحكنهن واني وماما وخالتي هم على لواهس رحنة وياهن بس متنة ضحك على عسل واكفة على سينك تغسل ماعون
واحد وتاخذلها ركص بالعشر دقايق ولبنات وياها
اخر شي ماما اخذت دي جي وطلعتها من المطبخ وكالت
سعاد ... ولج عسولة عليج للفجر ماتخلصين المواعين كملن وتعالن بصالة اركصن
عسل ... ههههه اخذي دي جي المواعين وين رايحة
تلفونات وين رايحة غادة شغلينا بتلفونج ولج
...وصدوك كضتها بالمطبخ مشغلات تلفون ويركصن
وهسة مثل دجاج نايمات باوعت لغرفتي بس هليلة
ابات بيها وبالبيت بعد هل ليلة حتى عن بابا وماما
راح ابتعد باوعت لعسل حتى هي وعدنان راح افاركهم بس يلا هو لاسبوع جاي امتحاناتي ورعد كال اكظي فترة لامتحانات يم اهلي لان مقبل ينقلني
لجامعة البصرة كال امتحن هنا بغداد وهل شي احسن الية حتى مابتعد من عسولة بلامتحانات شفت ساعة دكت 12 اخذت تلفوني واتصلت بي بس
مارد علية 💔 كلت جوز يمة شباب مرجعت اتصلت
بي ذبيت تلفون وخليت راسي على المخدة وقريت
دعاء حسيت نفسي مخنوكة لان مجاوبني رغم انطي
اعذار بس كلبي مو بيدي حتى اقنعة...
عسل ... فزيت من نومي على صوت موسيقى عالي
واباوع كلها كاعدة ودور بالصوت
غادة ... ولجن سكتن هل صوووت مو محمومين
شهد ... فزيت من نومي افرك بعيوني وصوت موسيقى عالي من صدوك اباوع لعسل تفرك بشعرها
وتباوع عليهن شلون مخبوصات لحد ما صاحت بيهن
عسل ... ولجن صوت جاي من جوة جرباية
شهد ... اشوو هذن بس كالت هيج كلهن اجن على جرباية متتت ضحك واني اباوع لهن بس رجليهن
تنشاف فاتن جوة جرباية باوعت لعسل تضحك عليهن هم
عسل ... هههه الغبيات نسن اخذت تلفوناتهن لبارحة
وقتت تلفونات كلهن بوقت واحد ونغمة وحدة لان عرفت مراح نكعد بسرعة
شهد ... ههههه ولج مصيبةةة انتي والله
زينب ... ولج عسول اكوو احد يسوي سوايتج هاي دخلتينا نذار بصوت لموسيقى ملكيتي غيرهااا
عسل ... لا والله لكيت بس هاي مزعجة علمود هيج خليتها حتى بسرعة تكعدن شوفي ساعة ثمانية الا شوية
زينب ... اي والله خية زين سويتي يلاااااا بنات
اليوووم همجن من صدوك عاد لان يجون من وقت مو مثل لبارحة
عسل ... اي بسرررعة
غادة ... عسولة دخابري ابوج واقنعي ترحين وياي اني وخالتي
عسل ... اوووف يغادة والله اول مرة يرفض طلبي
هيج ماعرف ليش ولا اني شعندي غير شهودة ومااجي وياجن
شهد ... حضنتهااا حيل
... يعمري ولا يهمج خالتووو وغادة جايات وياي مو بوحدي وعمو انس اكيد مقبل لسبب معين فلا ضوجين
عسل ... 😔
شهد ... اجت ماما وكالت لي اكوم احضر علمود نروح
للصالون كمت اخذت ملابسي وفتت للحمام سبحت
وطلعت من طلعت ملكيت ولا وحدة بالغرفة سشورت شعري ورفعتة ذيل احصان اخذت تلفوني
وطلعت للصالة كولهن موجودات وماما كالتلي بابا
وعدنان بالحديقة رحت عليهم وكعدت يمهم لحد متجي خالتوا وماما ونروح للصالون
عدنان ... ولج اليوم تفاركيني صخلةة علمود هل اجكم لاجلح
شهد ... عابتلك اي والله ماكو غيرك اجلح يل املح
عدنان ... والله ماكو غير رجلج املح مو اني
شهد ... نانانانا
سعاد ... ولكم جهال انتم وانتي عود اليوم عرسها
امداج اي والله يلا كوموا نروح للصالون
عدنان ... مااوديجن الا شهد دكول رجلي لاملح مو اانت
شهد ... اروح نفرات ومااكول هيج
محمود ... لك عدنان يلاااا كوم كوم اخذهن للصالون بلا هل تاخير ترة اليوم ب3 يجون ياخذوها
عدنان ... صاررر يلا نطفر للصالون
شهد ... 😔 حضنت بابا وطلعنا الطريق كولة
كضاه اغاني ويركص هو ويسوق خبلنا والله لان
يعوف لاستيرن ويركص
سعاد ... خايب اثكل ولك
عدنان ... خالة لثكل لعندي ويكف
شهد ... لا يهز جتف من يوصل يمك
عدنان ... هلااا بي ويهز شكو يعني 
شهد ...مابطل ركص كول الطريق وصلنة للصالون وكال بس تخلصن اتصلن بية فتنا اني وماما وخالتو
للصالون ماحست بالوكت شلون يمر كضيتها حجي
وي سناء وميامي وميس كول حركة ماخذة صور
خبلتني تكولي تبقى احلى ذكرى بحياتج اذا صورتي
كولشي وماما وخالتوا ايدنها للثنتين يلا خلصنا
عدنان اجة اخذنا من الصالون ب2 وثلث يلا وصلنا
للبيت ميامي اجت ويانة وعدنان زحف عليها ههه
وهي ولاجن يمة من فتنا للبيت باب الحوش
وصوت دي جي يطرش لاذان والله بابا صار كدامي
قبل مايفوتني باس راسي وباركلي هناا صدوك مكدرت الزم دموعي اكثر حضنتة وبجيت وميامي
كبت انو لمكياج راح يخرب وخرني من حضنة ورجع
باس راسي وماما وخالتي فوتني للصالة من طبيت
وهلاهلهن صارت وي صوت دي جي  كعدني وهنا
يركصن وعسولة اخذت الكامرة من ميامي وهي كامت صور
عسل ... اخذت الكامرة وظليت اصور واكثر شي
من شهد تضحك على ميامي وغادة شلون وحدة تقصف بثانية بس بشقة
... تذكرين شهودة اول موقف صار ويانا بالمرحلة الاولى
شهد ... ههههه لاذكريني بوكتها ولاطقتج والله
عسل ... ولا اني مجنت متخيلةةة راح صيرين بهل قرب من كلبي اخيتي
شهد ... اجيت احجي وياها بس زنوبة خلت ابنها بحضني
عسل ... ولج شيلي ابنج ليش مخليتة بحضنهاا
زينب ... وسم الفاهية علمود الله يرزقها بولد
عسل ... ولج شهد اذا نفس وكاحة غيوث تبري منة
شهد ... هههه قابلة لمهم بحلاتة
زينب ... 😛على عناد لمكهورين
عسل ... امداجن اي والله
... كملت تصوير شوية واجت خالتو سعاد وكالت عدنان يكول وصلوا مااكول مجنت حاسة بهل شعور
بس هسةة زاد حتى دموعي حضرن صعبةة افاركها
بس هي لاسبوع ليجي يمي علمود لامتحانات حاولت
اخلي نفسي مبتسمة بس مكدرت ومن فاتن نسوانهم
ويهلهلن طفرت للمطبخ متحملت من فتت للمطبخ
جانت خالتو ام عدنان موجودة وهي هم تبجي
ام عدنان .... اوووف وانا لجنت مقهورة من لحيةة
لماعدها كلب ومااجت ولافرحت لاختها ثاري صدك
لخوة مو خوة دم
عسل ... حضنتها واني ابجي
... يلااا يمة خل نمسح دموعنا ونروح ترة مايطولون ويرحون
عسل ... تمام 😢
...مسحت دموعي وطلعنا اني وخالتوا ماما بس شافتني اجت علية ورحنا سلمنا على بيبي غاتن وباقي نسوان وخالة هاجر ام وعد وفروحة وباقي
لبنات بعدين رحت يم شهودة الي مبينة كوة حابسة
دموع بعيونها شوية وكالن رعد راح يدخل حضنتها
وباركت لها بس مكدرت ماابجي وهي كذالك خالتو
سعاد اجت باستها وباركت لها وبجينة زاد ميامي
وغادة كامن يحجن علينا وخاصة على شهد بس مو بيدنا والله...
شهد ... من حضنتني عسولة ودموعي نزلن وراها
ماما مكدرت ماابجي وميامي وغادة فوك راسي يحجن علية وعليهن وبيبي غاتن شوية وكالت رعد
راح يدخل ميامي كعدت تمسح بدموعي وتحاول ضحكني من فات هي وخرت مرفعت عيوني احس
مغناطيس صار بالكاع يسحب نظري الة مكدرت حتى اباوع لة ولا شلون طالع ماسمع بس هوساتهن
حتى من كومني وباس راسي مرفعت عيوني الة
بس اشوف دشداشة والعباية سودة لابسها شكد
تمنيت اتشجع واشوفة مكدرت ولا هو حجة دقايق
ماطول وسمعتة يحاجي بيبي غاتن وخالتو ندى
علمود يمشون رفعت راسي ادور على ماما وعسل
شفتهن واكفات سوة وي خالتو ام عسل من بين
دموعي ابتسمت لحركة عسل تاشرلي ابتسم وامسح
دموعي اجت خالتو حنان وخلت عباة على راسي
وغطت اديا بس حركة رعد جمدتني من لم العباية وغطة دلعة البدلة من الصدر😶..