الحـب❤
حيـن قـال عليـا (؏)
انـي لـا اطـيق العيـش دون فـاطمهہ💍
__
رعد ... بليل طلعنا انا و وعد للوحدة وباجر ان شاء
الله يجن شهد وعسل دزيت رسالة الها وكتلها تحاول تخلص بحثها باسبوع واحد وترجع لبغداد علمود ظل
تحضر للعرس خليها تفرح بهل ايام لان ماتصور راح
تفرح بعد ليلة العرس وانا وراها مرات افكر واكول
اخليها تفرح باول ايامها واكمل انتقامي بس لا ماريد
اطول بنتقامي واعيشها بوهم الحب هواي
وعد ... رعد وين صافن ترى لباجر يلا تجي 😉
رعد ... مامنتظر جيتها ولاتنسى هي هسة طالبة جاية تكمل بحثها وانا ضابط هنا ماتجمعني اي صلة بيها
وعد ... تمام اذا هيج لعد ليش عيونك لشباك غرفتهن اكدر اعرف
رعد ... مامنتبه صدك
وعد ... رعد ارجع واكول يبن عمي ان جنت ماهاويها
لاتلعب بمشاعرها ولو بعد طاح لفاس براس متكدر
تتراجع حتى اذا جنت متحبها وللامانة يرعد كلبي
ناغزني من زواجك وستعجالك خايف سويها وتنتقم
من شهلاء بختها ياخوي ترى مالها ذنب لبنت
رعد ... انا ماكاعد اوهمها ولاكاعد انتقم منها عجبتني
وخطبتها وراح ازوجها وين لانتقام بالموضوع وعد
وعد ... رعد انت اخوي وابن عمي لجن لبنت امانةة
بركبتك وشاهد ربي هي حسبةة فرح يرعد واعتبرها
امانتي الك واعرفك تصون لمانةة يخوي
رعد ... ارخصني يخوي
وعد ... اااااخ اااخ يشهلاء كلةةة من راسج حيةة
ان شاء الله ماسوي شي تتندم علية يخوي وتخسر حبها الك
رعد ... فتحت خط عليها بدون ماحجي
شهد ... مساء الخير
... مساء النور
شهد ... اسفةة هسة يلا شفت رسالتك بس اكدر افهم
ليش تريد اكمل لبحث باسبوع ترى مايصير
رعد ... الا يصير كلت اسبوع يعني اسبوع علمود تلحكين جهزين نفسج للعرس
شهد ... ت تمام
رعد ... تصبحين على خير
... سديتة منها بدون مااسمع جوابها اني علقتها بية
بس مو كلش كتلها احبج مرة وتقربت منها لجن
تعاملي وياها جاف شوية ورغم هيج احسها تحبني
اكثر من لزوم وظاهر راح تتاذى اكثر من تصوري
بسبب هذا حبها غبيةةة شلون حبتني هيج وانا
اتصرف وياها بهل جفاف وين اكووو احد يحب
وحدة مايتصل بيها الا بوكت ضرورة او من يحدد
شي لو على تحضيرات العقد هاي لعد لو اتغزل بيها
لو اعبرلها على حبي جان صار بيها وشلون تحبني
اكثر من هيج لو غير وحدة جان كل وكت تعارك وتصيح لان هذا اسلوبي مايرضي احد وهي ولاحجت ولا كالت من هيج قررت انهي نتقامي باول
ايام من زواجي واطلق صراحها ومااستمر بنتقامي
شهد ... سدة بوجهي خليت تلفون على مكتبة جرباية
وكمت طلعت من الغرفة والبيت وللحديقة نوم مجافيني وكلام حجية عدوية يرن بذني شكد تعوذت من ابليس ورغم هيج صوتها باذني يرعد شراح سوي وليش كالت يكسر ويجبر يقسى ويحن
ادري بي وانااا كتاكدة تقصد اطباع رعد لان رعد
عصبي وبنفس لوقت حنين ممكن ماتحمل عصبيتة وممكن يجرحني من يعصب بكلامة ويرجع يراضيني😊اي اكيد هذا قصدها يقسى ويحن مرات
لبنات الي بعمرنا يردن واحد لطيف هادي بشوش
وانا وحدة منهن بس كلبي حب العصبي لاتفة اسباب
وبارد بالحب والمشاعر ورغم هيج حبيتة وعشكتة
ومستعدة اتحمل عصبيتة وكول تصرفاتة لمهم يكون
هو السند اليةة ومايسمح لاحد ياذيني ولاهم يسكت
شهلاء عني وصير تحترمني على لاقل تكف لسانها عني
رفعت راسي للسما واني اباوع للنجم هههه غريبة
يهل دنيا شلون مرت لسنين وكبرت وبطلت عد النجم
بالسما ومصدكة اكو ثريا وعكرب بالنجم كول فكري
جان ثريا كاعدة على وحدة من نجمات والعكرب كذالك دنكت راسي وقررت ارجع انام باجر وراي
كعدة من الفجر وروحة للبصرة ولازم ابلغ عسل
بسالفة لاسبوع اووف يرعد فتت للغرفة وشلت
تلفون وتصلت بعسل طلع مشغول شوية ورجعت اتصلت
... ولج عوووبة تحجين وي غيري عابت
عسل ... ههههه جنت احجي وي جدو محمد
شهد ... هم جدج اجة بالنص شسالفةة عسل لما اليوم شفتي
عسل ... ولج والله دمة خفيف وكيوووت ههههه جدو
شهد ... الله يهديج لمهم يول رعد اتصل بية
عسل ... كلللللللوووووش واخيرا اتصل لمعقد
شهد ... عسللللللللل
عسل ... اسفة كولي عليج لعباس شكال شحجة
شهد ... كالي يريد نخلص لبحث باسبوع علمود
نرجع لبغداد ونكمل تحضيرات العرس
عسل ... تمام ترى مابقى شي النة وخوش منة كلنا
لان صدوك لازم نحضر للعرس واسبوع يادوب يكفي
شهد ... اي اعرف بس باسبوع نكدر نكملة
عسل ... اي حبيبتي نكدر ونص
شهد ... تمام يلا تصبحين على الف خير رجعي حاجي جدج
عسل ... ههههه لا خليتة يدعبل اريد انام يمعودة
شهد ... اوك باي
عسل ... بايات
شهد ... من جهة اني ومن جهة ثانية عسل دكول
ماتحبة لوعد ومجرد اعجاب واني متاكدة حب
لهفتها وحدها كافية من تحجي عليةة حتى من شافت جدها محمد قارنت بينة وبين وعد مابينت
الها وكتلها ليش تقارن بس هي مشكلتها ماتعرف
هل مشاعر لي دكول عليها اعجاب هي حب
وي لايام راح يكبر ويصير عشك واتمنى تحس بي
قبل ماتخطي خطوة وتوافق على جدو محمد
ذبيت نفسي على جرباية ونمت على بطني واني
احضن لمخدة وقريت دعاء حافظتة من صغيرة
😢وشلون انسى هل دعاء واني مجنت حافظة
غيرة وكت شهلاء حبستني بليل بالمخزن 😢
وكالتلي جني يجيج واني طفلةة وكول لجنت اعرفة
لجن ولعفاريت مايقتربون من ليدعي الله اذكر 😢 بوقتها ظليت ادعي الله اني ومغمضة ودعاء
هذاا جان بالسلامية وحفظتة ماما الية بنهار ماعرف
شكد بقت حابستني ومن فتحت لباب جنت ارجف
حتى طلعت اركض للمطبخ اريد بس اشرب مي
من الخوف وكعت دولكة وظليت ابجي لان ماكدر
اشيل شي وكل جسمي يرجف اااااااخ ااااخ اااخ
شوكت هل ذكريات تفاركني😢بكول ليلة
اذكر شي بكول ليلة احلم بيها سويتي بيةة يشهلاء
سويتي باختج 💔💔 غفيت ودموعي
تجري من هل ذكريات
سعاد ... شهودة ماما شهودة
شهد ... هممم
سعاد ... يلا كومي ماما مو وراج روحة لبيت صديقتج ومناك ترحن للبصرة
شهد ... اي صباح الخير
سعاد ... صباح النور بنيتي يلا ماما كومي اسبحي
والبسي ملابسج وهاي جنطتج ماخذتها للصالة كملي وراح اسوي ريوك الج ولابوج
شهد ... حاضر ماما
... كمت من جرباية واخذت ملابسي خطية ماما
محضرتهن وفتت للحمام سبحت ولبست ملابسي وطلعت انشف بشعري شسورتة ورفعتة كعكة ومخليت غير مرطب شفة وطلعت
سعاد ... تعالي ماما وين رايحة بلا ريوك
شهد ... مرايحة ماما بس اخلي لمسجل بالجنطة لاانساه
محمود ... تعالي بابا تريكي
شهد ... بست راس بابا وحجيت
... صباااح الخير بابا
محمود ... صباح النور حبيبة كلب ابوها
شهد ... كعدت يمهم تريكنا سوة ودك تلفوني رفعتة
عسولة دك فتحت خط
... هلو عسولة
عسل ... هلوو حب جاهزة لا
شهد ... اي اجي عليج تجين عليةة
عسل ... لاحياتوو اني وضمد جاينج
شهد ... تمام انتظركم
كملت وكمت ودعت بابا وماما واخذت جنطتي وطلعت من البيت وي طلعتي صفت سيارة ضمد
والخبلة طلعت راسها من جامة وتحجي
عسل ... ليووووم ترى مو عيد الحب ولابسة احمر
شهد ... ترى ملابسة احمر هذا ماروني ياحولةةة
عسل ... ترى من درجات لاحمر وكل شي الة صلة بلاحمر الو صلة بعيد الحب
شهد ... هنيالي على ذكاء اي والله امداج
عسل ... ننننننننن اصعدي مرت ضابط رعد
شهد ... دولة وعلم ترى 😆
أنت تقرأ
عشق الظابط
Storie d'amoreهاي القصه جديدة وحلوة اكيد راح تعجبكم 😍 اني متشوقه اكتبها لان كلش تعجب 🥰 بتاريخ 2022/8/2 تتكلم عن ضباط ولد عم م̷ـــِْن البصرة كل واحد يقع بالحب مع الايام والبنات مختلفات تابعو القصه وراح تعجبكم
