بين يديه (ملاذي)

البارت : العاشر

بسم الله الرحمن الرحيم ♥️.
لِـ قصة : بين يديهُ(مَلاذِي)
للـ كاتبة : مَلك الأيادي .
البارت : العاشر :10

__________________

والودُّ
‏لو أنَّ وَجهكَ
‏يُلاح أمامِي
‏في كُلَّ إتجَاه

***************
"المشهد وقت حادث مَلك
ماذكرنا لان اني جنت كاتبتة .
بس اشوو ماكو اختفه نحذف مدري شنو
اني مانتبهتله لمه نبهوني .

لزمت رجلي بـَ وجع شاغت روحي مَن لزمتها رفعت رأسي على صوت الشخص والناس جانت مَلتمه .

- الشخص :- تأذيتي ؟!! .

جَنت ابجي مَن الوجع .
- مَلك :- شنو تشوف ؟! .

- الشخص :- تكدرين تكومين لو اكومج ؟؟ .

- مَلك :- اي اكدر اكوم .
سندت نفسي بأيديه وردت اكوم بس وكعت .
هيه منا توجعني والناس ملتمه مَن الفشله بجيت لزم ايدي انتفضت كلي .

- الشخص :- بـس اكومج اخذج للمستشفى يمكن مكسوره رجلج ؟! .

- مَلك :- شنو لا مابيه شي هسه يجي بابا وياخذني .

اشو هوه تعصب وصاح بالطالبات.

- الشخص :- تعالو كوموها وركبوها بالسياره متشوفوها متكدر تمشي .

اجوي شالوني وهمه خايفين منه اذا اني خفت منه وسكتت شلون بيهم اجه بابا بالي .

- مَلك :- وين مأخذني هسه يجي بابا .
أتنهد ومسح وجها مدلي موبايلي .وكال .

- الشخص :- خابري ابوج .

أخذته جان مَكسور سوده بوجه الي كسرك شلون جنت مداريته يا على سيره الدعمني هوه نفسه دعمني ديساعدني بس ونبي يخبل دشوف القميص راح يطك وشكو هل كد نافخ عضلات ايي اني شدخلني .

دكيت على بابا فتح الخط
- مَلك :- بابا وينك ؟؟ .

- انس :- اني باب مدرسج وينج ادك عَليج متشيلي .
- مَلك :- بابا شوف انسحكت قصدي هذا اي اندعمت ااا ..

- انس :- شنو اندعمتي وينج انتِ هسه لج دحجي

- مَلك :- بس اصبر أنتَ خليتني مَجال أحجي شوف هوه إلي صار ا ...

- انس :- مو وكت تشرحيلي أنتِ وين الله بلاني بـ وحده فاهيه .

- مَلك :- اني فاهيه فوك ما اخابرك وأكلك تعال تلاحكلي بس مو صوجك صوجي اني .

- انس :- مَلكك مَن دنعل ابوج لابو هل فهاوه مالتج دا اكلج وينج .

- مَلك :- شـمدريني أني ؟؟! .
- انس :- لعد منو إلي يدري ؟!! .

اشو هذا اخذ موبايلي وصار يوصفله المكان جان كبال المدرسه اجه بابا وفتح الباب .

__________________