بين يديه (ملاذي)

البارت : الرابع

بسم الله الرحمن الرحيم ♥️.
لِـ قُصه : بَين يدِيهُ (مَلاذِي) .
للـ كاتبة : مَلاك الأيادي .
البارت : الرابع 4 .

___

‏إنَكِ لاَ تعرِفِي إنَ حضوُركِ يخلُقَ مِني
شخصـاً اخِر شخصٌ لاَ يتذكِر إنهُ حزيَن🤍

**

تشكرت منهم ونزلت .
همه بعدهم برهَ بالسياره ينتضروني
نزلت على السُرگي اخرة الباب .

انفتح الباب ودفعته استحيت الوحلهم
سديت الباب ودخلت باوعت على حديقتنة الورد مفَتح والثيل طولان .كلت

- مَلك : اعدلك ان شاء الله بس خلي اخلص امتحانات .

هسه خلصت حجي واجتي ماما
سئلتني وتباوعلي بـ استغراب .

- ام مَلك : انتِ ويامن دتحجين .
- مَلك : دا أحجي ويا الزرَع
- ام مَلك : يا اسم الله تخبلت البنية .

باوعت عليها وكلت .

- مَلك : يا واذا احجي وياا ترا عادي .
دَنصي غمتني وكالت .

- ام مَلك : دُخلي دُخلي .
غمتني ودخلت وهيه تحجي .

- ام مَلك : حتى نسيتيني شنو ردت اكول .
- مَلك : شنو ردتي دكولين اتذكري .
لان داريد ادخُل انام .

- ام مَلك : شلونه الامتحان وياج ؟
- مَلك : يي زينه جاوبت .

- ام مَلك : اصعدي ارتاحي وانزلي اقري
بُقى امتحان واحد خلصي حتى تُقرين .

صعدت شُمرت كتابي وشُمرت ملابسي
ودخلت للحمام .

اخذت شَور وطلعت وطقوسي اهم شي .
نمت ..

فَزيت من حلم واني ألهث .
وافرك بـ اصابعي اريد اجُر نَفس ما اكدر .

باوعت على نفسي احس نفسي مبللة .
معقولة قبل لا انام غسلت ..

غسلت جسمي واني أتذكر تفاصيل الحلم
المُزعج . وارچف .

طلعت بدلت باوعت للساعة بـ ١ .
من الساعة ١ لِـ ساعة ٩ محد كعدني استغربت ونزلت جوه .

شفت ماما بالمطبخ كلتلها .

- مَلك : هلاو شعجب ممكعديني .
- ام مَلك : شفتج تعبانه وذابه نفسج ماحبيت اكعدج وهم عندج فراغة .

هزيت راسي بـ (أي) .سئلتهه .

- مَلك : شنو الغده .
- ام مَلك : فاصوليا وتمن .
- مَلك : اكو لبن لو اخابر بابا اوصي ؟
- ام مَلك : لا والله ماعندنا وابوج عندهم لجنه دتفتش ميكدر يجي هسه للعصر .

دكيت رجل كلتلها .

- مَلك : اريد لبن . .
زين اكو خاثر اسوي لبن ؟•

- ام مَلك : لا والله ماعندنا عادي اكلي بدونهن .

كتفت ايدي لصدري ودكيت رجل وكلت .