قصتي مع طبيبة ✨

الجزء 1✨

قصتي مع الطبيبة💕

الجزء 1 ✨❤️

قصتي بدات ملي فواحد صيف كنت خدام مع لواليد عندو واحد لمحال تيبيع فيه خواتم وداكشي نتاع دهب لمهم خدامين مزيان الحمد لله حتال واحد نهار بقيت معطل انا و الواليد فالحانوت حتال ديك 12دليل.. يلاه بغينا نسدو حتى تيدخلو زوج دناس واحد هاز موس و لأخر لا... قالو ليا عطينا داكشي لي فلفيترينا ومغادي يوقع ليك ولا هاد الراجل والو.. شفت فلواليد

مسکین حاط رزقو كامل فديك الفيترينا قلت ليهم غنعطيكم شويا ديال لفلوس وسيرو حتى حنا راه مقودة علينا... وهو يتعصب داك لي هاز لموس بحالا بغا يصرفقني بيه... انا حركت يدي ليمنا بلاما نحس وشديت لموس من لبلاصة لماضية خونا تيجر والو مطلقتش وخا يدي عااامرة دم وانا نعطيه واااحد مولاتي تصرفيقة بليد لأخرى وهو يطلق لموس وهرب... عشيرو شاف هادشي محس منين بواحد الدقة ديال العصا تا جاتو فالكتف وهو يتبع صاحبو ... لحت لموس وهو يتلاح ليا لواليد على يدي تحلات واحد لحلة مقاااودة كاملة سد بزربة ومشينا لواحد صبيطار حدانا دخلنا تنتسناو تنتسناو والو صبيطار عامر و بنادم تیتسنی و تيبالك شي وحدين جاو من وراك و تيدخلو مرضت انا قاليا لواليد يلاه لكلينيك قلت ليه شنو هنا وبديت تنغوت واااولاد وا واصبيطارات د *بي شعلت.... مع تيباليا دم نازل من يدي... ولا كلشي تيبرد فيا وهو يتحل لباب ديال واحد لغرفة حدانا وخرجات واحد لفرملية غلييييضة قالت ليا مالديمك تتعرعر ههههه شيبيث تخلعت انا تزعزعت شديت ليها من شعرها وقلت ليها شوفي يدي محلولة ومصطي بوراقيا غتخيطي ليا ولا لا... قالت ليا وغير طلق غادي نسبقوك نتا لول ، دبا ولا كلشي تيزرب بنادم کامونی دخلنا لواحد لبيت وبدات تتخيط ليا قالت ليا غدير 21 غرزة بلا بنج حيت مكينش وشدات لبري واهيا ناري تنحس باضو فيدي بديت تنغوت وهيا تحل واحد تيتيزة لباب مقودة ولابسة لبسا د لأطباء عرفتها طبيبة قلت ليها ختي يرحم باباك عدليلي يدي راه من صباح تنتسنى وهاد خيتي تتغرزلي فيها بحالا انا يهودي وهيا تضحك واحد ضحكة زوينة و وقالت ليا تبعني مشيت معاها لواحد لغرفة و الواليد تیتسنى حدا لباب قالت ليا شنو وقع ليك حتى تضربتي وانا نطلقها كنت مع لواليد و خرجولنا عصابة وانا مقود وضربوني بسيف بقات غير تتضحك عارفاني طالقها لمهم تتخيط ليا بلا بنج ومحسيت بوالو من عند لله... بقيت غير تنشوف فيها مفيها لا قمشة لا حبوبة لا والو وجهها بحلا مرسوم ....بقیت سارح فداكشي يمكن حب من أول غرزة و حتى تتقولي صافي سالينا لله يشافيك ضربت يدي فجيبي وجبدت تيلي وعطيتولها قلت ليها قيديلي نمرتك.... قالت ليا علاش لا والو غير باش إلا وقعات شي . حاجة وصافي كتبات نمرتها.... درت ليها فسمية حبيبة صبيطار ..وخرجت عند لواليد مشينا وصلنا لدار عاودنا لواليدة كلشي دارت ليا فيلم هندي... لله يسمح لينا
مهيم خديت تيلي شديت لويفي دخلت لواتساب وهيا تطلعلي نمرتها و أونلاين مزعمتش ندوي معاها صيفطت ليها سلام طلعات ليا vu.... وانا ندخل لكوزية شديت تحميرة خلطتها مع لما ولات بحال دم وكبيتها على يدي فوق الفاصمة وصورتها وصيفطتها ليها وقلت ليها انا دري لي خيطتي ليه راه يدي تتسيل بدم قالت لیا میمکنش دازت 6 سوايع غيكون تجمع لحم دبا قلت ليها راه تنحس بيدي منفوخة نسيتي ليا شي . حاجة لداخل يمكن ههه عرفاتني مطلعها عليها.... قالت ليا مزيان.... ناريبي شتدير لقميع قلت ليها مغسي على وقتك أ بنت ل *حبة شعلاتني..... وهيا تقوليا مالك علاش تتسب أزبي هههههه متيقتش قريت داك لمساج شي مرة وااع تتخصر لهظرة بحالنا ؟ يتبع...