قصتي مع طبيبة ✨

الجزء 4 ✨

الجزء 4 ✨💕

بقينا خدامين حتال لعشيا سدينا و مشينا لدار دخل لواليد نعس وانا بقيت داوي مع لبنت طبيبة ولي سميتها فدوى بقينا تندويو حتال ديك 12 و أنا نعس كيف حطيت راسي وهو يصوني تيلي ديالي نمرة عمري شفتها جاوبت سلام متيجاوب حتى واحد بديت تنسب وهو يقوليا فين أخونا داير فيها مقود قدام البنت عنداك دبا تولي تبكي وتطلب باك يقدر يخرج صباح وميرجعش و ماماك تقدر تخرج فدرب ومترجعش... مبغيتش نبين ليه بلي خايف وانا نقطع وبقيت شاد تيلي وتنتسناه يعاود يعيط حتى تنسمع تيلي ديال لواليد تيصوني مشيت بزربا شديت تيلي فيدي نمرى أخرى فشكل قلت شكون معايا قاليا غير أنا تعاود تقطع غادي ندمك بالقانون بدراع لي بغيتي هنا عرفت خوتنا مقودين قلت ليه خويا علاش ماشي انا اول واحد يضرب واحد بغا يغريسيه قاليا هداك لي ضربتي ولد شاف لكبير دبا عاود لباه و داكشي لي درتيه ليه فوجهو وهو لي وصانا عليك قلت ليه ودبا شنو... من بعد باش ناوين تساليو هاد لفيلم وهو يقطع داكشي بحال ديال لأفلام بقيت بارك تنخمم مجانيش نعاس حتى فاق لواليد يشرب وهو يلقاني كشعل ضو وبارك قاليا مالك شكون لي عيط ليك قبيلا وجاوبتيه.. قلت ليه لواليد تيباليا كفستها دبصح هاد لمرة قاليا

-كيفاش مالك معامن تاني عاودت ليه كلشي من لول وهو يقوليا متخافش من لعبد خاف من لي خالقو موتا وحدا لي كاينا ...لواليد فرحني بهاد زوج كلمات نعست حتال غدا مشيت عند واحد عشيري حداد تيقاد سيوف قلت ليه قادلي شي واحد يكون صغير وكبير محتاجو قاليا ديجا موجود وجبد ليا واحد كيفما كنت باغيه أول مرة نستخدم شي حاجة بحال هادشي مشیت حطيتو تحت ناموسية ف بيتي باش حتى إلا وقعات شي حاجة منکونش انا ضحية رجعت فطرت مع لواليد و الواليدة تنفطرو حتى تنسمعو دقان فلباب حلات لواليدة لباب ناري صحاب لوقت هادو مقلبو حتى بلاصة مشاو ديريكة لبيتي قربلوه حتى جبدو داك لموس لي يلاه خديتو من عند سيد مخلاونيش حتى ندوي خرجوني لبرى ودرب كامل واقف عند باب دارنا شوهة و لواليدة تتغوت على باب جهدها ولواليد شادها طلعونی محسيتش بطريق حتى وصلنا للكوميسارية دخلوني لواحد لبيت بغاو يزربو عليا قاليا شوف عشرانك كاملين شديناهم و لقينا سلاح عندك فلبيت سيني ها لإعتراف وغنتعاونو معاك قلت ليه شاف متعاونوش معايا انا مداير والو غير هني راسك مغنسني والو قاليا غتسني غتسني ليوم غدا لعام لماجي معندنا ميدار حتى حنا وهو يصوني تيليفون ديالو وهو يقوليا هاك لك هاد لإتصال خديت تيلي وجاوبت لقيتو خونا لي تيعيط ديما قاليا أشنو كين دبا تيقتي باقي راسك قاسح مزال مشفتي والو منا... بغيت غیر نبرد هادشي ونخرج منو قلت ليه كيفاش أخويا دابا داك لولد لي ضربتو ميمكنش نطلب منو سماحة وندوزوها بجغيمة دلما بحالا ما وقع والو ...

( يتبع ).....