قصتي مع طبيبة ✨

الجزء 8✨

الجزء 8💕✨

بصح لواليدة لله يرحمها 😢 دبا تبدل كلشي مكملتش معاها لكلام قطعت وعطیت سید تيليفونو مبغيتش نبكي حيت غادي غير نعدبها بغيت نخلي دوك لى فرقوني عليها يبكيو فبلاصتى دخلت جردة وبقيت بارك وتنتفكر کلامها و تربيتها ليا دخلت لدار قاليا شيباني تنقوليه غیر با مصطفی قالیا مالك لون تبدل فوجهك قلت ليه لواليدة ماتة ديال بصح أعمي و قاليا لله يدخلها لجنة مديرش فبالك كلنا من تراب وغادي نرجعولو فلخر قلت ليه عمي انا سبابها قاليا عادي ساعتها وصلات قلت ليه ولله ما غادي نبدل رأي ديالي قررت نتبع هاد طريق حتى ندمهم ومغاديش نبكي على لواليدة حتى نبكيهم معايا وهنا دخل لعساس قاليا ديك نمرة ديال قبيلا
تتعيط ليك جاوبت قلت ليها فدوى سمحيلي عدبتك معايا أبنت ناس نتي ماشي ديال هاد تكرفيص لي داخل ليه انا دبا لله يجيبليك محسن مني وهاد نمرة غير ديال واحد سيد بلاما تعاودي تعيطي ليه وكملي حياتك وقطعت عطيتو تيليفونو خرج وقلت ل شيباني با مصطفى خرجو ليا على حياتي كيف كانت وكيف ولات ميهمنيش يكون ولد الصقي ولا برادة ولى التازي غادي ندير شرع يدي قاليا شنو غادي نقولك ريح هنا حتى ينساو مزيان بعدا... بقيت معاه داك سيد لله يعمرها دار متيخلينيش نغسل حتى كاسي و لفيرما ديالو جات وسط لغابة وفيرما مقودة ديال داكشي ديال لهييه...
بصح كنا تنفطرو واحد نهار وقلت لیه با مصطفی نتا مخدام موالو كيفاش درتي لهاد لفيرمة ولفلوس قاليا قصة طويلة ومبغاش يعاود ليا قاليا خلي حتى تجي وقتها ونقوليك أولدي.. بديت تنشد لمضى بزاااف حتى ولفاتو يدي ومع شجر تنبقى نشير بيه على شي شجرة تيجيب ليا لله بحالا تنتفرج فشي فيلم ديال نينجا أصلا لموس حسن ليا من شي حاجة أخرى حيت تنشدو فيدي ومتيساليش وحتی با مصطفی مقود تیوريني شي فانتات مقودین دوزت هاكا واحد 6 شهر تبدلت فيها ديال بصح وليت تنحس براسي قاصح كتر من لي كنت...انا لواليد فبعد ما ماتت الواليدة سد المحال ومعرف فين زااد...بالي مشطون علييه ولكن معندي مندير ..كنخاف غي يكون دار فراسو شي حاجة...اولا غي بغا يمشي لشي بلاصة لي تخليه يرتاح من كاع المشاكل لي طاحو علينا دقا وحدا...نهار مور نهار كنزيد نتأكد بلي خاصني نمشي ندير لي فكرت فيه شحال
هادي قلتها لبا مصطفى قاليا شنو غادي نقولك لله يعاونك...ولكن متنسااش خدم بالعقل .. لغد ليه جمعت حوايجي فصباح وغادي خارج حتى قاليا صبر صبر مبغيتينيش نعاود ليك قصتي ؟

يتبع ...