دجن الضليع

الجُرعة _6_

نبدأ بذكر الله ﷽💛✨

لاتنسون التصويت وتعليق ع الفقرات
اشهباتي 🫂💛

الجُرعة _6_

أنا المصلوبُ في حزنٍ عميقٍ أنا المقذوفُ في بردِ الشتّاتِ.♡

_________

ريفان : بعد ما رجعت وعرفوا خبر أنا رسبت وبأخر السنه اتخبلو
ماما ماخلت شي ما حجته عليه
انتِ ليش تضيعين مستقبلج بولدنتج وانتِ وانتِ
هوواي اخر شي استلمني رهبار جان راجع
من برى وشاف الهوسه
تفاجئ وسأل ..

رهبار : خير حجيه شكو شو اصواتكم طالعه برى

الحجيه : ولك يمه اليوم منطيهم النتائج
وهل شتوي هاي ام السان هم راسبه وهاي راح تعيد
سنه هي وصويحباتها

ريفان : هي كالت هيج لو لتفت عليه وعيونه بكصته اردف بعصبيه بعد ما قبض ع ايده

رهبار : ولللج صخخخام شنو هذا الي سمعته
لج وتاااالي وياج جاا بنص السنه واكعه وكلنا ميخالف
اما هسه لاااااا شسوي بيج فهميني شسوي

ريفان : شفته تقدم بتجاهي توقعت راح يضربني
سريع خليت ايدي ع راسي وبجيت واني خايفه منه
اي اخاف منه هووواي

رهبار : ضرب الباب بقوه حتى ما يأذيها اردف بعصبيه ، لج بويه مااضرربج أنا راييدج تلزمين شهادتج بيدج ترى محد يفيدج لا انا ولا امج ولا احد غيرنا بس انتِ تفيدين نفسج
ليش هيج مهملة جاا الحجيه مو جاي ادرسج
مو مرات تجيج لو انتِ ترحين يم صديقاتج
وتدرسين جااا شجااج ليش هيجج مهمله وكسلانه

ريفان : فتحت اصابعي وشفته من بين اصابعي شلون خازرني بقوه رجعت سديتهن من الخوف وهمست اله ،
شعليه انا هي المعلمات شدن ويانه
انا وسيلي ودهليز
وغسبونه ومانجحونه يعني شسوي اناا

رهبار : عليج الله !!!!! تحجين صدك ، حجيه سامعه هي شجاي تحجي يا الله راح تخبلني انااا راح اتخبل

الحجيه : بسسك ابني شجاك جا هو هيج الي يريد يفهمها حتى لو رادت تفهمك من خوفها منك تبطل

رهبار : حجيه ترى مستحيل تفهم اذا طبطبنا عليها
قبل حاجيتها بالين مافاد عاد هسسه نجي بغير
طريقه لنشوف شنهوو عذرها بعد

الحجيه : زين يمه درسها انتَ

رهبار : يا يمه ما تشوفيني انا مو دائماً بالبيت وعندي دوام وطيحان حظ ومن ارد جاي ادرسها ع كد ما اكدر
ماتوقعتها هيج كسلانه ومايفيد بيها اي شي

الحجيه : جا شلون خلي احد يدرسها أنا هم ما افهم شي لا اعرف بس اخليها كدامي وهي تقرأ
تروح للفرخه الي بالمدرسه يدرسن سوا

رهبار : ناظر الها وهو يزفر انفاسه بعتب ، اخر شي اردف ، اي يمه لكيتها

الحجيه : شنو