دجن الضليع

الجُرعـه _1_

نبدأ بذكر الله ﷽💛✨

قبل القراءة مُتابعه للحساب لطفاً akyta_98
تصويتكم + تعليقاتكم الحلوه ع الفقرات أشهباتي✨

بـدايه موفـقة بأذن الله ✨

الجـُرعه _1_

مـن هيَ الغريبه !؟
تـلك الغريبه الذي تعيش في وسط زخام وازدحام
وهيَ وحيده .

مـن اطُلق عليها هذهِ التسمه !؟
الـبشر .

ومـن هم هؤلاء البـشر !؟
المُحاربون لأنتهاك حق هذه الغريبه

مـن سبـب هذه التسميه !؟
عائلتها نعم انهم عائلتي أنا ....

#بقلمي_رهف_علي

♡♡♡♡♡♡♡

الـعماره_ ميـسان 1995/2/13 ..

توفيق : استاذ يامن صباح الخير

يامن : صباح النور توفيق شلون صرت طمني

توفيق : الحمد اللّٰه نعمه استاذ ، رايح للجامع تصلي صلاه الفجر مو ؟

يامن : اي انا رايح للجامع

توفيق : اخذ راحتك استاذ

يامن : اللّٰه وياك توفيق ..

لحظه جاي تسمع صوت ؟؟؟

توفيق : ياصوت انا سمعي قليل

يامن : هسسس اسمع ، أي هذا صوت طفل ، ترك توفيق وصار يمشي ع مصدر الصوت الى ان
تقرب من الجامع اكثر وتوفيق يركض ورى يريد يشوف شكو ..

الجو اظلم والشمس ماظاهره اجواء شتويه بارده والجو صقيع قارص البروده تقرب يامن وتوفيق وهم يشوفون مصدر الصوت صادر من كارتونه صغيره بالقرب من الجامع تقربو الها اكثر ..

وهناا كانت الصدمه !!!

نزل يامن عند هاي الكارتونه بعد عنها الغطه ونصدم وهوَ يشوف طفل !!!

توفيق : استغفر الله استغفر الله هذا طفل استااااذ

يامن : هسسس صوتك نصي بويه لحظه نشوف شبي هذا الطفل وليش هنااا

توفيق : بخوف ، اي اي سكتت

يامن : الغطه وردي يعني هاي بنت !! شلتها وهيَ تصرخ من من البجي وصوتها مخنوك وهي صايره زركه اثر البرد القاتل اباوع الكارتونه مال موز وبصفها جنطه بيها ملابس

مسحت وجهي وانا منتفض شلون طفله بهذا الجو وبهيج مكاااان ..

توفيق : شنو استاذ راح تاخذهاا وياك ؟؟

يامن : جاا اعوفهاا هنااا ؟؟؟ كل عقلك توفيق !

توفيق : مو قصدي استاذ بس اذا ورى صارت سالفه
و اجتك مشكله منهاا