دجن الضليع

ضروري تعرفوا📍

اقروا للأخير لطفاً

اغلبكم يعرفون شنو الي صار بخصوص
قصه دجن الضليع
و كل شي وضحت الكم بالقناة ونزلت هواي
ادله حتى ما تصير اي اشكاليات بالموضوع
لان اكو اشخاص ديكذبوني وهذا حقكم
لكن مايعرفون اني حالي من حالكم
وتعبي كله راح وحتى مصداقيتي ديشكون
بيها بسبب سيلينا حسبي الله عليها

الله شاهد ع كل كلمه اكولها وكل حرف كتبته.

الي ما يعرف ف انبه عليه حتى يكون عنده
علم الروايه طلعت كذب من البنت الي ع اساس اسمها سيلين وبالروايه اسمها سيلينا ودازتلي الأحداث وصور وكل شي واخر شي طلع تخطيط منها كل شي وصلني
ومن بعد ما وصلني كل شي أجيت عليكم
سريع حتى ما انتظرت ولا ٥ دقايق
بلغتكم وبكل الحقيقه مالتها
واليحب يفهم تفاصيل الموضوع اني كل شي شارحه عنه بالقناة
مو بس هنا المشكله ، المشكله سيلينا ماخذه
احداث مال القصه من غير قصه واني ماعرف بيها ولا قاريتها خلتني بس اتصفن
والكاتبه اجتي بنفسها حجت وياي
وردت ابري ذمتي واكول حتى لا تنظلم هل كاتبه ويضيع حقها بسبب الي ما تسمى

اذا تسألون ليش ما تأكدتي منها
اني اجاوبكم والله تأكدت منها ومن القصه
هي دزت كل الدلائل حتى صور الهم
وصور لقبر اللهيم وكل شي شلون ما اصدك !!
وحتى اني حجيت ويا زوجها !!
كان المفروض منه هو يكول يابه زوجتي مريضه نفسياً وتألف قصص لا تصدكيها بس هو بقى ساكت ليش برأيكم ؟؟؟
وانتوا شفتوا بنفسكم .

يعني وبالاخص الشي الحقيقي الي ع اساس
هيَ دزته حقيقي هي وفاة الاء
هي فعلاً متوفيه اما اللهيم الي اسمه علي
بالقصه ف هو عايش ما متوفي
حتى دزت الي صوره قبر شخص ثاني ونزلتها
بالقناة والبنات كالن رهف ترى هذا القبر
مال فلان شخص ويعرفنه
واحد متوفي وعنده بنت يمكن يعني سارقه
صوره القبر وناسبتها  اساس هذا علي
يعني الاء صح متوفيه وبنفس التاريخ الي
دزته لكن علي ما متوفي
والباقي بخصوص ريفان ف دزيت
الجن كل المحادثات وشلون جان حساب وهمي
شخصيه وهميه ومسويتها سيلينا
وتسرق من غير حساب
وتنشر بحسابها والبنات هنَ دزن الي
سكرينات شوفني هل شي يعني حتى مو
اني الي شفتها لا البنات هنَ الي شافن
ومنا نكشفت الحقيقه

صارت هوسه بالموضوع وصار السب والقذف عليه اني بالذات واني ما الي علاقه الله شاهد
حالي من حالكم حتى مصدومه الهذا الوقت
مو كادره اتخطى ولا استوعب
بكل سالفه احجيها تحاول تحورها الصالحها حتى
ماتكون غلطانه ومع هذا ماسويت شي لا سبيتها ولا غلطت عليها مجرد كشفت كذبها

اخر شي كلت تجي تعتذر وتعترف بكل
كذبها كدام كل هل ناس وبعدها احذف الروايه
بس هي شنو سوت ؟ غلقت حسابها وراحت
ومع هذا هي وأهلها خبصوني خبص
كل شوي دازتلي واحد حتى يحذف القصه وحتى اخوها اجه هددني !!!
بس من راحت فقدت الحق ب اخر حل انطيته
الها هي تعتذر وتعترف وهي ما سوت هل شي
الهذا حبقي الروايه مو لأجل تعبي والله مو لأجل تعبي ..

السؤال هنا ! ياترى لو ما اجيت وحجيت الكم
كل الحقيقه ، اطلع اني الغلطانه ؟
مع ذلك خاطرت بكل شي وهواي خسرت وهواي اجوي كالوا انتِ السبب ولغو المتابعه مني وسبوني
ليش لان حجيت الحق ؟

مع ذلك والله احس بنفسي مرتاحه حتى لو
خسرت هواي المهم احس ضميري مرتاح
اتجاه ربي واتجاهكم انتوا

مانزلت هل شي حتى تغلطون لا عليها ولا شي
بس حتى ابين الكم كل شي
واني مراح اغلط ابد بس اكول حسبي الله ونعم الوكيل عليها و ع كل شخص ساعدها بهذا المخطط

بالنهاية راح ابقى احبكم حتى لو اسأتوا الظن بيه
وشكراً لكل شخص وكف وياي للأخير .