ها گلبي ؟ شتذكرت ؟
شو انت ما تنسى ؟
علمني بيك السبب ؟
باحساس التحسه ؟
ما مات ذاك القبل
من عفته يتذكرك
جاهل وكضله جرح
عنده الوجع ونسه
ها گلبي چنك وفي
مروا عليك شكثر
مابدلت دگتك باقي عليه نفسه
________________
وصل عمري 21 والسنين ماعرف وين ضيعتها
گعدت وباوعت لامي وگلتلها
يمه
_ ها يمه
: اريد ادرس
_ شتدرسين؟
: سادس
_ شلون؟
: خارجي
_ تگدرين؟
: اي اگدر ان شاء الله
_ ان شاء الله
: امي تكفلت بالموضوع وولد خالي جابولي كتب علمود ادرس باوعت للكتب منو يشرحلي؟
عفت الكتب ورحت اشتغل شفت جنة الصارت صديقتي رتبت ولبتسها وهي تبتسم بوجهي سألتني سؤال اجه بوقته
_ شبيج؟
: هاي أنتِ شلونج تفهميني؟
_ مادري احس بيج
: جبت كتب السادس واريد ادرس خارجي بس ماعندي احد يشرحلي المواد وذبيت الكتب وكلت اخدم احسنلي
_ انه ادرسج
: والله تكدرين؟
_ اي ماتشوفيني خريجة ترى انه
: يعني تكدرين تدرسيني تتذكرين؟
_ اي اتذكر اذا مااعرف اخابر على اخوي هو هسه بالسادس وشنو يشرحوله يدزلي واشرحه الج ولايهمج حبيبتي
: گمت بسرعة رحت حضنتها وهي تضحك بصوت وامها اجت گالت
_ عالخير وبالتوفيق يارب ان شاء الله اشوفج باعلى المراتب
: انه شلون اوافيكم؟
_ اذا تردين فد مصرف عليج الله مايردج الا لسانج
: ياخالة شنو مصرف على شنو تصرفين ؟
_ صدقة او دفع بله عن اولادي
: لا خالة امي مامقصرة شكرًا على هاي حجايتج ماانساكم بدعائي والله
وحضنتني وبنتها مبتسمه بوجهي وانه طلعت مشي وابچي من الفرحة انسدت بوجهي لحظة وانفتحت بوجهي سبحان من يغير الاحوال
ردت اسجد شكر بالشارع وصلت لحديقة بيتنا سجدت دخلت لامي كلي تراب
_ هاي شكو شنو طايحه؟
: لا شنو طايحه وكعدت اسولفلها شنو كلولي
_ ناس خيره هواي ربي يفتحها بوجهج بنيتي
: تسليميلي امي الغالية
رحت ثاني يوم خذيت كتبي وهي تشرحلي وانه مره افتهم ومره ماافتهم اذا حفظ تخليلياه ثاني يوم تسألني بي ومره ماعرفت خابرت اخوها هو الشرحلي يكلي غلبتيني بالدروس
أنت تقرأ
الحِكـاية
Historia Cortaيغمرني الحماس وانا استمع إلى تلك الحكايات بصوتهم الخافت المبحوح من الالم والآمل والفرح والحزن
