وقعت في حب نيزك

الفصل السادس

وفي صباح يوم جديد في فيلا يوسف السويفي
علي السفرة
علي نزل هو وصفا: صباح الخير

فريال و يوسف: صباح النور

صفا بهدوء: النهارده انا وكارمن وصحابها خارجين وهنروح نحضر فيلم

علي ببرود: انا مش مطمن لي خالو ومراتو وكارمن دي كمان حاسس في حاجه مش طبيعية

يوسف بهدوء: اكيد يعني ده توتر لان ممكن يكون في خطر علي حياة مجدي وحياتهم كمان

علي ببرود: هنشوف

فريال: علي انت رايح الشركه النهارده

علي: اه بس الاول هاروح انا وحمزة وعدي الجهاز عشان نستلم الشغل

فريال: اصل كنت عايزة اروح مشورا وانت تيجي معايا

علي بتسأل: فين

فريال: مفاجأة بس تيجي بدري شويه

علي قام باس دماغها وخدها: حاضر يا ست الكل هخلي حمزة يبعتلي الشغل هنا وهنخرج في اي مكان انتي عايزاه

يوسف بغيره: لا انا هروح معاكي

فريال بنفي: لا انا عايزة علي في موضوع مهم وهو اللي هيجي معايا

يوسف وافق بغيظ وغيره وعلى مشي راح جهاز المخابرات
🍒🍒🍒🍒🍒🍒🍒🍒🍒🍒🍒🍒🍒🍒
في جهاز المخابرات وصل على وكان حمزة وعدي هناك في مكتب اللواء سامي وكان كامل ومصطفي موجودين
سامي بترحاب: اهلا فريق الوحوش نورتوا المكان

حمزة بمرح: منور بيك يا سيادة اللوا

علي دخل ببرود وقعد من غير كلام

كامل بصوت واطي لمصطفي: مش بيفكرك بحد

مصطفي بهمس: الا بيفكرني ده احنا هنشوف ايام عنب

سامي بصوت عالي شويه: اعرفكم كامل رائد من فريق النيزك لقبه الذئب ومصطفي رائد لقبه العنكبوت

عدي وحمزة: اهلا تشرفنا

كامل ومصطفي: اهلا بيكم

سامي بتعريف تاني: ودول عدي النانو حمزة الثعلب واخيرا علي قائد فريق الوحوش والفرعون والمارد

حمزه بحماس: امال فين النيزك انا متحمس جدا اتعرف علي اسطورة المخابرات

سامي بهدوء: النيزك في مهمة ومش جاى النهارده

عدي بفضول: مهمه ايه

سامي: النصاب اللي اسمه طارق السنهوري مكلف بالقبض عليه وكشف اي حد متورط معاه

علي اخيرا نطق: مش ده اللي نصب على مجدي المهدي انا كنت هناك امبارح لان مجدي المهدي يبقى خالي وعرفت الموضوع وعرفت انه كارمن بنته متعاونة معاكم كمان عرفت ان مرات طارق متورطه في الموضوع بتاع شقق الدعاره والحاجات دي كمان في شحنة هتتسلم كمان ثلاث ايام دي عباره عن بنات مخطوفة واطفال و اعضاء وبلا ازرق على دماغهم