وقعت في حب نيزك

الفصل التاسع

بسم الله الرحمن الرحيم والصلاة والسلام على اشرف الخلق سيدنا ونبينا محمد صلى الله عليه وسلم

اسفه جدا علي التأخير بس غصب عني فصل النهارده اتمني ينال اعجابكم الفترة الجاية هتأخر تاني بس اكيد كلنا عارفين ان امتحانات نص السنه خلاص ودي اول سنه ليا في الجامعه هخلص علي اخر الشهر وان شاءلله وبعد كده هنزل كل اسبوع فصل يوم الجمعه 

قراءة ممتعة فوت بقا عشان اكمل 💞
💕💕💕💕💕💕💕💕💕💕💕💕💕💕
الفصل اللي فات خلص عند وصول مجدي وفريال نفس الفيلا التي دخلها ذلك الرجل الغامض
دخل مجدي وفريال والمحير ان دموعهم كانت تسبقهم

المجهول بحزن مخفي: واه ليه البكي دلوكيت خلاص هانت وكل له يد في فراقنا ها ياخد جزاته ومش هينجي من العجاب(العقاب)

فريال بعياط جريت حضنته: بابا وحشتني اووي اوووي علي عيني فراقكم والله هموت في بعدي عنك وعن امي بس اعمل ايه منه لله اللي كان السبب
حسبي الله ونعم الوكيل في انه كان السبب اني ابعد عنكم في اللي خلاني ما اشوفكش 19 سنه ان كل مكالماتنا تليفونات كل فين وفين في اللي خلاك ما تحضرش كتب كتاب بنتي وتفرح معايا في ان امي تبعد عني كان نفسي امي تاخذني في حضنها وتبارك لبنتي كان نفسي تبقى وكيل بنتي قدام الماذون

الحاج بدوي دموعه نزلت باشتياق: اتوحشتك جوي يا بنت جلبي اتوحشت كل حاجه فيكي حتي لسانك اللي كيف العجربة بس وحياه غلاوتكم عندي لجعله يتمنى الموت ولا يطولوش وبعدين ان كان على الفرح  هنحضره ان شاء الله وساعتها هاكون وكيل كارمن بنت اخوكي مجدي  في كتب  كتابها على ولدك  مش ده اللي نفسك فيه هجوزهم لبعض ده اللي هيربي ابنك لان سمعت عنه كلام كتير جووي

فريال بعدت بشغب ومسحت دموعه: طب حاسب للعقربة تقرصك يابودي بس خلاص لو هتجوز علي لكوكو  قول اللي انت عايزو بس الاول نقنع ابو العروسه انا مش عارفه متنك علي اي هو هيلاقي زي علي حبيبي فين

مجدي بهدوء: ابنك مش ملاك ولا قديس ده بنى ادم ميعرفش اي حاجه عن دينه وبيعمل كبائر ربنا حرمها مش بس ذنوب عادية ابنك زنا وشرب خمره
وانا مش هامن انه يتقي ربنا في بنتي لانه ميعرفش ربنا اصلا

الحاج بدوي بهدوء: طب سلم عليا وبعد كده طلع الجطط الفطسة في ابن اختك

مجدي جرى باس ايد ابوه: ازيك يا حاج وحشنى وكيفها امي بوسلي ايدها قولها ان فراقكم تعبني كل كل حاجه حصلت ولادي اللي ميعرفوش ان لهم علية واني كمان معرفش كل يوم اصحي ابوس ايد امي واسمع دعوتها ليا تعبت بجد

الحاج بدوي بحزن مغلف بالهدوء: خلاص ياولدي بكفاية بكي إن شاءلله ربك يحلها من عنده وبعدين ده امتحان ولازم نصبر ونجوي ايمانا بربنا اصبر ياولدي

مجدي مسح دموعه: خلاص مفيش بكي تاني انت اكيد عندك خبر جديد عشان كده كلمتني

الحاج بدوي: اه بس قبل ده كله عايز اسمع منك موافقه علي جواز كارمن من علي