مِلك لـِفهد (داعش)

مَشـاهِـد مـِن القِـصة

                                المَشـهـد الــأول
                                    « رُعــــب »
                       ــــــــــــــــــــــــــــــــــــــ

ـ لزموني اثنين دواعش و وياهم بنية طلعوني من الغرفة الي بيها البنات الي راح يبيعوهن مشوني بممرات واماكن ما شايفتها حتى بالافلام رُعب من صدگ رُعب ضلوا يمشوني واني ادفع بيهم واصيح وابچي ما ضل عندي طاقة متت صوتي راح واني اگللهم عوفوني ما بگلوبهم رحمة ابد ولا عدهم غيرة چان واحد منهم عراقي و الداعشي الثاني چانت لهجتة سورية والبنية هم وصلوني لغرفة تقدمت البنية الداعشية وفتحت الباب دفعوني للغرفة و وگعت بالگاع واني ابچي راحو وقفلو الباب واعيط عليهم

ملك: يااااضلااااممم الله لااااا ينطييييكمممم الله ياخذذذذ حقنه منكمممم يا كفاااار ياااا چلاااب

ضليت ابچي بصوت عالي وحرگت گلب واني ما تحركت من مكاني الغرفة چانت بس بيها سرير ومثل الخانات وفارغة بعد ورة شوية

سمعت الباب جاي ينفتح لميت رجلي لحضني واني خايفة انفتح الباب وچان اشوف ذيچ الشوفة الما تنشاف ابووي يمتة وشوكت هو مو مات شنو هاي ليش هيچ شكلة ماكو بوجهه نور لحيتة وشعرة و وصخ قذارة مو طبيعية ما يختلف عن الدواعش البقية تقرب مني وووووووو..............

............................................................................

                                               •
                                               •

                                المَشـهـد الثـانـي
                                 « كـومـديــــا »
                       ـــــــــــــــــــــــــــــــــــــــ

ـ صليت وكملت وجاي الم بالسجادة وذبيت العباية مال الحجية من راسي وباوعتلها يرادلها غسل

ملك: بيبي اغسل عباتچ صايرة كلها ترابب

الحجية: اي بنتي اغسليهااا اني احسها ثقيلة من التراب

ملك: ماشي بيبي

اخذتها ورحت للحمام جبت الطشت وترستة مي نزعت حجابي ولفيتة ع راسي ورفعت ثوبي رجلي طلعت وصدري گعدت عالتختة وتوني اريد اغسلها درت وجهي وچان اسوف صرصور فتحت عيوني وصحت

ملك: يمممااااااااااااااااااا

گمزت من مكاني واني اباوعلة حشرت روحي بزاوية الحمام وشوية والتفت ع الحياط واشوف ابو بريص

ملك: يماااا عزةةةةة فههههدددددد الحگلي عموو محمممدددد

الحجية من يمها اتصيح علية تگلي شبيچ عبالها طبولنا داعش واني طلعت ارگض من الحمام چان انردم بفهد

فهد: شنو شبيچ يالعوبة شكو انصطرتي

ملك: روح شوف بالحمام

گتلة واني اشرلة ع الباب مال الحمام راح هو شوية وطلع اجة علية حط ايدة ورة ضهري وراسي ع صدرة