مِلـك لـفَهد قصة عـراقيـة
بقلمـي انا الكاتبـة: مَنـة علـي
........................................
المـا يريـــــــدك
غيــــــم
لا تمطـــر عليـه
.........................................
ــــــــــــــــــــــــــــــــــــــــــ
احداث مــن البارت السابـق
ــــــــــــــــــــــــــــــــــــــــــــ
رتبت الغرفة وعدلتها ورتبت روحي گعدت مثل المخروشة ما اندل دربي وكفشتي عدلت روحي ونزلت
دورت بالبيت ماكو احد رحت للمطبخ هم ماكو احد دخلت للديوانية لگيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين موجود وتوة مكمل صلاتة يلم بالسجادة لابس دشداشة سودة وطالع يخبل ومن
شافني گال
حسين: صباااحوو يمللللكككك
ملك: وجع شبييكك تصيح
حسين: هههههه محد بالبيت
ملك: ليش وينهم؟؟
حسين: راحو لبيت عمي اليوم الغدة يمهم
رحت گعدت يمة: وانتَ ليش ما رحت؟
اخذ تلفونة وگام يلعب بي ويحچي: گلت انتصرچ لبين متگعدين
ابتسمت بسرعة واني اباوعلة: هيچ تهتم بية ومتگعدني
رد باوع علية وهو مبتسم ولزم خدي وگرصة: شعندي غيرچ ملوكتي
كرص خدي حيل بالاخير دفعتة: اييي وخررر شكم مرة گتللللك لا تگرص
حسين: هو انتِ مو صوچچ دروحي حضري روحچ خلي نولي
باوعتلة واني مبتسمة بخباثة: نوليي مو؟ ليش؟؟
رد باوع علية ويتسأل: شنووو؟؟
بعدين استوعبت اني چان قصدي ع رقية بنت عمي مو هية تحبة ونسيت روحي عبالي هو هم
ملك: لا هيچ لا تهتم
گمت ورحت حضرت روحي ولبست جبة وحجابي ورتبت روحي وعطر كلش خفيف ورجعت
رحت للديوانية ما لگيت حسين طلعت برة لگيتة واگف ينتضر قفلت الباب ورحت
ملك: يلة حسوني
حسين: يلة
رحنة لبيت عمي هو قريب وطول الدرب حسين يگلي نزلي راسچ
وصلنه وطبينة للبيت تلگتني رقية و چانت كلش خايفة وبوجها العتب شگد فطيرة
رقية: ولچ شبيچ شو اليوم ما اجيتي للمدرسة
باوعت لحسين و رديت باوعتلها يمكن حسين ما يدري بالسالفة
أنت تقرأ
مِلك لـِفهد (داعش)
Mistero / Thrillerفتاة تبلغ من العمر 16 تعيش حياة قاسية مع عائلتها وتعامل قاسي تحت مسمىٰ ( انتِ فَتاة ) حاولت عدة مرات الانتحار وحتىٰ اتىٰ يوم وذهبوا لزيارة اخت والدها في الموصل حتىٰ وصلت هذه الزيارة الىٰ قتل افراد عائلتها امام اعينها من قِبل الذين يدعون اسمهم بالدول...
