Olympia Sharlene Sagrado's life oddly seemed like a fairytale - her mother's death led to her father's remarriage to her evil stepmother, who tagged her equally wicked children to their home. After her father's demise, her stepmother, desperate to m...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
05: The Fairy Godmother Begins Her Oddventure
INSTEAD OF PROCEEDING to the next part of our training, I ended up making the dead back and front yard into a haven of flowers. Sa sobrang tuwa ko sa nadiskubre kong kakayahan ay ginawa kong flower garden ang palibot ng Batibot. I also took some flowers inside the shop to decorate it. Naglagay din ako ng mga bulaklak sa mga plorera sa loob ng bahay at kwarto ko.
Pinipilit ako ni Cosmo na magsanay ulit, pero ayoko na talaga muna kasi naaaliw na ako sa ginagawa ko. Nang hindi pa siya tumigil sa kasusunod sa akin upang pilitin ako ay ginamitan ko na siya ng sacred word-binding spell na koneksyon naming dalawa bilang amo at familiar.
"Hindi mo na ako pipiliting magsanay today, okey?" saad ko.
He groaned but still nodded his head involuntarily. Napahagikhik ako at nilampasan na siya upang mailagay ko sa ibabaw ng coffee table sa confessional iyong in-arrange kong mga bulaklak sa ekstra pang plorerang nakuha ko lang din sa shop.
"Bilisan mo r'yan at maghahanda na ako ng hapunan," aniya bago lumabas ng confessional.
Pagkatapos ko sa ginagawa kong pag-aayos at pagdedekorasyon ng buong Batibot ay tumungo na ako sa may dining area kung saan nakahanda na ang hapunan namin. Naupo kaagad ako sa pwesto ko kasi sa itsura pa lang ay masasarap na iyong mga pagkaing niluto ni Cosmo. Sumunod namang naupo sa kanya-kanyang pwesto nila ang tatlo.
Tahimik kaming nagsimulang kumain. Hindi ko kasi talaga ugaling magsalita kapag ka kumakain, lalong-lalo na siyempre kapag ka masarap iyong mga handa.
"Lady Olympia," tawag sa akin ni B1.
Binalingan ko naman siya at nginitian habang sarado ang bibig ko at lumulobo pa ang mga pisngi dahil puno pa. "Bakit?"
"Ang ganda na po ng harapan at bakuran natin dahil sa ginawa niyo po," papuri niya sa akin. "Natitiyak ko pong maraming spirits at souls ang dadayo na rito dahil para na pong pook-pasyalan ang Batibot ngayon."
"Hindi ko nagustuhan iyon," sabat naman ni Cosmo.
"Wala namang nagtatanong sa 'yo."
He groaned and heaved a sigh to calm himself down before answering me, "Mas gusto ko pa rin iyong mukhang abandonado at haunted itong Batibot. Mas maigi na iyon upang matakot ang mga taong naliligaw dito sa bundok at hindi maglakas-loob na pumasok. Dahil sa ginawa mo ay mas agaw-atensyon na tayo ngayon."
"Kahit naman wala akong kapangyarihan na patubuin iyong mga halaman ay gagawin at gagawin ko pa rin naman ang lahat para magtanim at magpayabong ng mga iyon nang sa ganoon ay gumanda-ganda namang tingnan iyong bakuran at harapan. Mas nakakagaan kaya sa loob kapag ka maganda iyong tanawin ng tahanan mo," giit ko pa. "B1, B2, sumama ba iyong pakiramdam niyo ngayong maganda nang tingnan ang bakuran at harapan ng Batibot?"
Sabay namang umiling ang dalawang bubwit bilang tugon sa akin.
