روايــه انـتـقـام طـفلـه 🔥❤
بـقلمـي الـكـاتبـه Beshoo كـاتبـه روايـات ليـبيـه متنـوعـه 🔥❤✍️
الحلـقـه الرابـعـه🔥
.
.
.
{لا اغار عليك ..
فقط اموت وجعا حين يقتربون منك ... 🔥💔.}
واني نازله من الدروج لفتت انتباهي صوره معلقه عالحيط 💔
قعدت مركزه عليها ونبي نعرف من هادم!؟
وعرفت شخص واحد الي هوا بابا الي مستحيل ننسى تفاصيله وملامحه لين نموت 💔🔥
معتز وهوا نازل من فوق: عجباتك
انا ابتسمت وعيوني مليانات دموع: عجبتني هلبا 💔
معتز: في صوره تانيه مصورين فيها حني لما كنا صغار تلقيها في مكتب جدي
انا ابتسمت: قصدك انتم مش حني!؟ ماتجملش الكل
وخليته واقف وكملت الدرجات الي مزالو وخشيت للصاله
اما معتز ورافع حاجبه: هادي خيرها
ولحقني
انا ابتسمت لما لقيتهم ملتمين و مقعمزين كلهم علي طاوله وحده ♥
انا ابتسمت: صباح الخير
الكل: صباح النور
وخش معتز وقعمز في كرسيه وهوا يتبع فيا بعيونه.....
سند نخص معتز وتكلم بصوت واطي : عندنا ضيفه ولا شن
معتز: اسكت تو تفهم
سند شافلي وضحك : صااااروخ بنت الكلب
معتز: 😒😒
جدي: تعالي يا رسل قعمزي بحداي
مشيت قعمزت بحدا جدي واني متوتره!؟
جدي: افطري ما تتحشميش
انا هزيت راسي وقعدت ناكل ومره مره نشوفلهم
نوريه: امتى بيعطوه خروج يا عمي
جدي: اليوم المغرب يكون هنايا
رفعت راسي نشوفلهم واني مش فاهمه شي
سند: دقيقه دقيقه فهموووني
جدي: شن تبي تفهم
سند شافلي: هادي مني
انا وقفت: دايمه
جدي: قعمززززي ماعنديش حد ينوض من الطاوله قبل ما انوض اني يا رسل
انا قمت حاجبي: ناكل بالسيف مثلا!؟
جدي رقاله: رسللللل 😡
انا رجعت قعمزت واني خانقتني العبره 💔🔥
جدي : هادي رسل بنت عمكم امحمد الله يرحمه
سند وزيد وزياد: شنوووو 😳
سند مصدوم: هاااااادي بنت عمي امحمد 😳🔥
جدي وقف: ايي ومن اليوم حاتعيش هنايا بين اهلها وخوتها ولالا يا نوريه
نوريه شافتلي وتنهدت: الحوش حوش بوها ولا اني ولا اي واحد من الموجودين نقدرو نتكلمو علي وجودها في وسطنا ، البنت ماليهاش دنب في الي داره بوها ، زي ماهي بنت امحمد حتى هيا بنتي يا عمي ❤
قمت عيوني الي مليات دموع وقعدت نشوف لي نوريه 🔥❤
جدي ابتسم: هادي نوريه الي نعرفها، وطلع
انا مسحت دموعي ووقفت: صفره دايمه
نوريه تنهدت: استني يا رسل
انا: نعم يا خالتي
نوريه شافت لي بسمه: نوضي اعطي لي اختك توته باش تبدل وتتريح فيها وبعدين تو نكلم واحد من الشباب يطلعنا وناخدولك الي ناقصك يا رسل
بسمه وقفت بدون ما تتكلم وركبت فوق لي دارها
و انا لحقتها واني مرتبكه
بسمه دفت الباب بقوه وخشت
انا قمت حاجبي: هادي خيرها 🤨 وخشيت
انا: بالشوي عالباب معشوي قلعتيه
بسمه تلفتت وشافتلي من فوق لا لوطه: اني نبي نقلعه عندك مانع!؟
انا نفخت: ايااااه علينااا عاااد
بسمه فتحت الدولاب وطلعتلي توته وداخليات وفوطه
بسمه: اطلعي للحمام الي برا حمامي مانحبش حد يخشله
انا قمت حاجبي: وعلاش 🤨
بسمه: هكي مانحبش 🌚
انا خديت منها الحوايج: تمام
بسمه: حولي عبايتك هنايا خير ماتقعدي تكركري فيها
انا: لا عادي اصلا لابسه قفطان تحته ومانقدرش نطلع مرات يلاقيني واحد من الشباب
بسمه قلبت عيونها : لا ماتخافيش كلهم لوطه
انا هزيت راسي ورميت عبايتي
بسمه حلت فمها 😳
انا ابتسمت: ماتستغربيش امس جابوني من حفله اختي وماخلونيش حتى نخش نبدل ونلبس حاجه مستوره ونقدر نجي بيها
بسمه مصدومه: اختك😳!؟
انا تنهدت: اي عرس اختي واختك يا بسمه
وخليتها وطلعت 🔥
و لما صكرت باب الدار قمت راسي وجت عيني في عين معتز 🔥
أنت تقرأ
إنتقام طفلة(منقولة_ليبية)
Science Fiction- بـديـت ﮼نكـره فكـرة ﮼التعمـق ، لأن عـارف حظـي ديمـا ﮼نهـايتـه،خـذلان💔😔. ﮼إنتقام،طفلة🔥. للكاتبة بيشو_Beshoo مكونة من جزئين❤.
