روايــه انـتـقـام طـفلـه 2🔥❤
بـقلمـي الـكـاتبـه Beshoo كـاتبـه روايـات ليـبيـه متنـوعـه 🔥❤✍️
الحـلـقه 10 والاخيــره 💔🔥
( كـما تـدين تـدان ) 🔥
اقري الحلقه من بدايتها لا نهايتها واعرفي اني قاصده كل حرف وكل قصه اندكرت في روايتي 💔🔥
.
.
.
حولت البطانيه من عليا ووقفت ، كنت خايفه ومتوتره في نفس الوقت ، خايفه نكون تسرعت في القرار الي خديته ونندم ، لكن نااار الحقد والغيره الي في داخلي هيا الي خلت قلبي اسود 🖤🔥
جبدت البطانيه وغطيت ليان وليال كويس ولبست ملايه الصلاه وطلعت
عميمه: صباح الخير يا بنتي
انا : صباح النور عميمه
عميمه: نايضه بكري اليوم
انا: اي عندي موعد مع وحده نعرفها
عميمه ضيقت عيونها: ومن بيرفعك مادامه معتز بيطلع بيرفع نسرين
انا وجههي تبدل: طلعو هما
عميمه: شوي تانيه وبيطلعو
انا زمطت ريقي وخشت للدار من جديد وفتحت تلفوني واتصلت بي عبد الله المحامي 🔥
انا بصوت واطي: ايوه
عبد الله: صباح الخير مدام رسل
انا بخوف: بشرني شن صار
عبد الله: كل شي جاهز وتوا الشنطه محطوطه في السياره من تالي وقاعد نراجي في تعليماتك
انا: تمام ميه الميه ، وتوا تعالالي هني للحوش ، بمجرد ماهوا والكلبه الي معاه يطلعو حني نطلعو وراهم ، بعد ربع ساعه نلقاك مدرس قدام الباب الخلفي تمام
عبد الله: تمام حاضر مدام
انا بخوف: عبد الله
عبد الله : نعم اي اوامر تانيه
انا عيوني تعبو دموع: انت متاكد من الكلام الي قلتهولي امس صح ولا
عبد الله: يا مدام اني محامي راهو وشن مصلحتي اني نكدب عليك مثلا ، والدليل اني نعزك ونعز بوك اني شاركت معاك في جريمه ليها اول ماليهاش اخر ، صدقيني يا رسل لو الشرطه تعرف ولا تحس بس تحس اني مشارك معاك في جريمه صدقيني للمشنقه طول
انا صكرت عيوني ودمعتي نزلت: تمام خلاص صكر
صكرت منه ومسحت دموعي وخديت نفس: ياربي قويني هالساعات بسسس هالساعات وسودلي قلبي وماتخليشي يحن عليه 💔
وقفت وقعدت نبدل في حوايجي وعقلي ومشاعري وتفكيري ملخبطات 💔
غزل: صباح الخير عمتي
عميمه ابتسمت: صباح الورد والياسمين والغزل يا غزل
غزل ضحكت: شنو رايقه اليوم
عميمه تحط في الصواني عالطاوله وهيا مبتسمه: وفرحانه زياده
غزل: وشن الي مخليك فرحانه لهدرجه هادي
عميمه: داعش
غزل ضيقت عيونها : خيرها داعش
عميمه عيونها تعبو دموع: داعش انتهت يا غزل انتهت ، كنت انتبع في النشره قالو ان البنيان المرصوص سيطرو علي سرت ، يعني خلاص بنروحو لي حياشنا
غزل انصدمت: بجدياااات يا عمتي
عميمه مبتسمه: اي يا بنتي اي
غزل حضنت عميمه وقعدت تبكي وتشهق: الحمد الله يااربي الحمد الله ، واخيراا بنروحو لي حياشنا يا عمتي واخيرا
عميمه بفرحه : وفرحتي التانيه وليدي سنوده الغالي عايش ورسل ومعتز ولو لي بعضهم ، الحمد الله الي ربي فرجها علينا يا غزل الحمد الله
طلع معتز ووراه نسرين من الدار
معتز قام حاجبه: خيركم شن في عالصبح
غزل تباعدت من عميمه وشافت لي معتز من فوق لا لوطه: وانت علاش شاغل روحك خليك مع نسرين وعايش في العسل وماتندري علي شي 😒
معتز ضغط علي سنونه بعصبيه : غزل لمي لسانك خيرلك
عميمه تفنص في غزل: اءءءءء برا توكل لي عملك يا ماما برا
معتز شاف لي غزل بحقد: الي يدّخل في حاجه ماتخصاش يسمع كلام مايعجباش يا غزل
نسرين واقفه ورا معتز وتشوفلهم وهيا ساكته
غزل ضحك بهزوه: مانا حياه اختي ماتخصنيش ولا كيف
معتز شاف لي نسرين: اقلبي وجهك اركبي في السياره
نسرين هزت راسها وطلعت زيها زي المرا الطيبه
معتز شاف لي غزل: شوفي يا غزل رسل فوتي امها ومعاش دخلك بيها ، حياتنا وحني حرين فيها انتي ماالدخلكش
غزل ضحكت بهزوه: رسل الي نعرفها اني مش زي الي تعرفوها انتم ، رسل في راسها موال وتبي تغنيه لكن مش عارفه شن هوا ، مفكر ان لو ابتسمتلك شويه معناها نست الماضي ههه مستحيل اختي ونعرفها كويس
أنت تقرأ
إنتقام طفلة(منقولة_ليبية)
Fiksi Ilmiah- بـديـت ﮼نكـره فكـرة ﮼التعمـق ، لأن عـارف حظـي ديمـا ﮼نهـايتـه،خـذلان💔😔. ﮼إنتقام،طفلة🔥. للكاتبة بيشو_Beshoo مكونة من جزئين❤.
