روايــه انـتـقـام طـفلـه 🔥❤
بـقلمـي الـكـاتبـه Beshoo كـاتبـه روايـات ليـبيـه متنـوعـه 🔥❤✍️
الحـلـقه التـاسعـه 🔥💔
.
.
.
جدي خليفه: هوا حل واحد مافيش غيره
معتز شافلي بعدين شاف لي جدي: شن
جدي خليفه شاف لي معتز : تتزوج رسل باش تسكتهم كلهم 🔥
انا قمت راسي بصدمه وشفت لي معتز الي كان مصدوم زيني💔🔥
معتز وقف ونار شاعله فيه: عرفتك بديرهااااا ياا جدي عررفتك ، لكن صدقني الي في راسك ماهوش صااااير منه 🔥
وطلع وصكر الباب بقوه..........
انا حطيت يديا علي راسي وقعدت نبكي 💔
جدي خليفه: لي مصلحتك يا رسل
قمت راسي وشفت لي جدي ودموعي ينزلو: لي مصلحتي انك تزوجني لي ولد عممممي ، لي مصلحتي انك تزيد تكسرني اكتر ماني مكسوره 💔🔥🥺
جدي خليفه: اني ايامتي معدودات يا رسل ومافيش واحد يقدر يحافض عليك زي معتز
انا وقفت وقعدت نشوف لي جدي ونبكي وصوت شهقاتي يقطعو القلب : يا غيبتك يا وبيي تعال شوف بناتك شن صاير فيهم تعالاااا ، و اعرف ان اني مش موافقه علي الي قاعد ادير فيه 💔🥺
وطلعت وركبت فوق وصكرت الباب وطحت لوطه وانهرت بكي💔🔥
انا نبكي: تعالااااا يا ضي عيوني تعالاااا شوف بنتك الصغيره شن صاير فيها تعالا وخودني في حضنك تعالااااا 💔💔
ااااه يا ماما ااااه يا عيوووني اااه ، كسررتوني بي غيبتكم يا ماما كسرتووني 💔
وينك يا غزل تعالي شوفي شن صاير فيااااا ، بدل مانعرف من القاتل صبحت في زوااج يوخيتي 💔💔
وقفت وحسيت راسي لف بيا والدنيا ضلمت قدامي ومعاش نندري علي شي بكل 💔🥺
___________________________
سند طلع برا ولقي باب المربوعه مردود قدم بيصكره بس سمع صوت نوريه🔥
قعد يسمع وعلامات الصدمه علي وجهه🔥
نوريه ضغطت علي سنونها بعصبيه: تهدد فيااااا
فتحي: صدقيني يا نوريه لو ماوصلونيش 5 لف التانيات بعد يومين اعتبري روحك مفضوووحه وامرك منتهي
نوريه ضحكت بخبث: ومن بيصدق كلامك يعيوني راني نوريه مرت البي امحمد 🔥
فتحي: لو كان البي غالي عليك ماكنتيش قتلتيه هوا والمدام 🔥
نوريه بثقه: الي يخون نوريه ويتزوج عليها نهايته الموت صدقني 🔥
فتحي ضحك بهزوه: لو ماعرفوش توا سيورهم يعرفو يل نوريه
نوريه: غدوا يوصلوك الباقي ووجهك معاش نبي نشوفه فاااهم ولا لا
فتحي ابتسم بخبث: امرك يا مدام
نوريه: اقلب وجهك
سند تباعد بسرعه لما سمع فتحي بيطلع 🔥
سند في خاطره: شوف مايطلع منك يا نوريه ، طلع القاتل بينا وحني مش عارفين🔥
ومشي ركب سيارته وقعد يلحق في سياره فتحي باش يعرف مكانه 🔥
_________________________________
غزل قاعده مسكره علي روحها الباب وتبكي 💔
بعدين وقفت ومسحت دموعها وقعدت تفكر شن ادير في المصيبه الي هيا فيها 🔥
خدت تلفونها وقعدت ترن عليا يعطي فيها مقفل؟!
غزل تبكي: ردي عليا يا رسل انتي الوحيده الي تقدري تساعديني ردددي يوخيتي، ردددي عليا💔🥺
أنت تقرأ
إنتقام طفلة(منقولة_ليبية)
Ciencia Ficción- بـديـت ﮼نكـره فكـرة ﮼التعمـق ، لأن عـارف حظـي ديمـا ﮼نهـايتـه،خـذلان💔😔. ﮼إنتقام،طفلة🔥. للكاتبة بيشو_Beshoo مكونة من جزئين❤.
