روايــه انـتـقـام طـفلـه 2🔥❤
بـقلمـي الـكـاتبـه Beshoo كـاتبـه روايـات ليـبيـه متنـوعـه 🔥❤✍️
الحلـقه السـااابعـه 🔥
عـوده الحـياه ❤
.
.
.
معتز خش بسرعه ورمي روحه عليا وقعد يبكي بالعبره💔
وحتى اني ماقدرتش نسيطر علي روحي وانهرت زيه💔
معتز يبكي ويبوس في يديا: سامحيني يا رسل سامحيني يا روحي انتي سامحيني يا دنيتي كلها
انا نبكي ونشهق ومش قادره نتكلم بكللل💔
د. صالحه تشوفلنا وعيونها مليانات دموع💔
معتز ماسك يدي ويبوس فيها ودموعه خط واحد: سامحيني ضلمتك معاي يا رسل والله مش قادر نحط عيوني في عيونك والله💔🔥
انا نبكي بالعبره: قتلتني يا عزو قتلتني وررربي، حرقتلي قلبي وبكيتني وعدبتني بدي لا ليلي ليل ولا نهاري نهار ، خداتك مني يا عزو خداتك من مرتك وصغارك وربي حرام عليها ربي ياخدلي حقي من كل حد ضلمني وعدبني عداب مايعلم بيه الا ربي 💔
معتز وقف وقعمز عالسرير وجبدني بقوه وضمني لي حضنه 🔥💔
د. صالحه انسحبت من بينا وجبدت الباب وطلعت....
معتز يمسح في دموعه: حقك علي راسي من فوق يا عمري اني اسف
انا قمت راسي وشفتله وعيوني تعبو دموع: استاحشتك ياعزو استاحشتك ورررربي ، ليييش دارو فينا هككي ليييش ، ليييش باعدوك عليا وجرموني وحرمو صغاري من شوفتك ليييش ، ليييش عدبوني وحرقو قليبي علي فراقك ليش 💔
معتز دمعته طاحت وضمني لي حضنه وغمض عيونه وكان خايف يخليني 💔
انا حولت البرنوص من علي راسي واني منهاره: شوووف شووفني كيييف وليت ، شوف شعررري كيف طاااح شوف وجهي كيف ولا شاااحب شوف جسمي شوفني كيف ضعفت ، لو تقارني بين توا وقبل شهرين تقول ايااااه قديش ما المرض يدمر فعلا 💔🔥
اني انتهيت اني فعلا قاعده معاكم جسد بس ، الروح الي فيا ماتت ، عييت من البكي تي دمووعي جفو يا عزو ورربي 💔
اني بديت انسانه تانيه اني مش رسل ، رسل ماتت قديش ليها ، ماتت من لما تخليت عليها وقارنتها بي غيرها 💔🔥
من حقدها وغيرتها دارت فينا العمايل ، وانت ماتعدبتش اصلااا.، اني الي شفت الويل اني الي حياتي ولت جحيم بسببها هيا 💔
تي اني نقول كلمه ومرات يولي عليا خاطري ونقول يا الله الستر وهيااا ماتخافش من ربي؟!
مش حااسبه حساب لي يوم غدوا؟! ، مانقدر نقول غير حسبي الله ونعم الوكيل 💔
من غير ماتقول الدكتوره حسيت ان في حاجه في جسمي انشالت ، حسيت بي شعور غريب 💔
حسيت روحي خفيفه هلباااا يا عزو ، قاومت علي خاطر صغارنا قااومت علي خاطر الروح الي في رحمي ومع هادا خسرتها وخسرت انوثتي كلها 💔
الشعور الي اني حاسه بيه مستحيل حد يحس بيه ورربي يا عزو كنت نستنى فيه بالساعه وباليوم ، نقول في خاطري غر نولد الي في رحمي رحمي معااش نبيه اللهم لا اعتراض على حكمه لكن حرااام قسم بالله حراااام💔
الي عشته الي ماعاش حد ، تخلطت عليا من تعبت الحمل من جرعات الكيماوي من التعب النفسي ، حالتي النفسيه صفرررر ، صدقني يا عزو كنت جسد بلا روح 💔
وانت رديتلي روحي توا 💔
معتز مغمض عيونه ويسمع في كلامي ودموعه ينزلو مش متخيل هادا كله صاير فيا 💔🔥
_________________________________________
أنت تقرأ
إنتقام طفلة(منقولة_ليبية)
Fiksi Ilmiah- بـديـت ﮼نكـره فكـرة ﮼التعمـق ، لأن عـارف حظـي ديمـا ﮼نهـايتـه،خـذلان💔😔. ﮼إنتقام،طفلة🔥. للكاتبة بيشو_Beshoo مكونة من جزئين❤.
