♡Unicode version♡
"ကဲ!...ရောက်ပြီ..."
ရှောင်းကျန့်ကျောင်းရှေ့အရောက်ကားရပ်ပေးလိုက်ရင်းနောက်ခန်းက ရှောင်းရန်နဲ့ရိပေါ်ကိုလှည့်ကြည့်တော့ကျောင်းလွယ်အိပ်ကိုယ်စီနဲ့ကားပေါ်ကအလျှိုလျှိုဆင်းနေကြပြီ။ပုံမှန်ဆို မနက်ခင်းအချိန်တွေရှောင်းကျန့်ကမအားတာမို့ အိမ်ကကားမောင်းသမားနဲ့သာ ကျောင်းကြိုပို့လုပ်ပေးနေကျ။ဒီနေ့မနက်မှ ရှောင်းကျန့်dutyမှာ 9နာရီမှဝင်ရ၍ မနက်ခင်းကျောင်းလိုက်ပို့တော့ ရိပေါ်ကပြုံးလို့ပျော်လို့။
"ကားကိုဂရုစိုက်မောင်းပါ ကိုကိုကြီး..."
"ဟုတ်ပါပြီ...ဝမ်လေးကစာကြိုးစားရမယ်နော်!..."
"ကျွန်တော်ကစာတော်ပြီးသားပါ...မွှ!...တာ့တာ့ကိုကိုကြီး!..."
"အဟက်!..."
ကားတံခါးပေါက်ကနေ ဆံပင်တွေလှမ်းဖွပေးနေသည့်ရှောင်းကျန့်ကို ရိပေါ်ကမျက်လုံးတွေမှိတ်အောင်ပြုံးပြရင်း မွှခနဲပါးကိုလှမ်းနမ်းလို့တာ့တာ့ပြတယ်။ရိပေါ်ဘက်ကဘယ်စိတ်နဲ့ ထိုအနမ်းကိုပေးပေး ရှောင်းကျန့်အပြုံးတွေပိုလို့အသက်ဝင်နေတာတော့ငြင်းမရပါဘူး။ကားနဘေးက ရပ်ကြည့်နေသည့်ရှောင်းရန်ကတော့ စိတ်ထဲစနိုးစနောက်ဖြစ်သွားပေမဲ့ ဒါဟာ အကိုနဲ့ညီလေးဆက်ဆံရေးကြားက အပြုအမူလေးပါပဲလို့တွေးထားလိုက်တယ်။ကိုကြီးနဲ့ရိပေါ်က မနေ့တနေ့ကမှ တွေ့ဖူးကြတဲ့သူတွေမှမဟုတ်ဘဲလေ။
ရှောင်းကျန့်ကရှောင်းရန်နဲ့ရိပေါ်ကိုနှုတ်ဆက်ပြီး ကားမောင်းထွက်သွားမှ သူတို့ကျောင်းဝန်းထဲဝင်ခဲ့လိုက်တယ်။ရှောင်းရန်ကအနေအေးသူပီပီတည်တည်တံ့တံ့ရှိသလောက် ရိပေါ်ကတော့တလမ်းလုံးခုန်ပေါက်ပြီးသီချင်းတညည်းညည်းဖြင့်သာ။
"ရိပေါ်!..."
"အွန်း!...ပြောလေ..."
အတန်းရှေ့အရောက်ရှောင်းရန်ကစကားမစ စဖူးစပြောလာ၍ရိပေါ်ကစိတ်ဝင်တစားနဲ့မျက်ခုံးလေးပင့်ပြတယ်။ရှောင်းရန်ပုံစံက ပြောသင့်လားမပြောသင့်လား ချင့်ချိန်နေပုံရကာ မျက်မှောင်ကျုံ့ကျုံ့သွားသည်က တခုခုကိုမတင်မကျဖြစ်နေပုံပါပဲ။
YOU ARE READING
More Than Life
FanfictionZSWW[Myanmar] XiaoZhan肖战×WangYibo王一博 မင်းက ကိုယ့်ရဲ့အသက်တမျှလေးပါပဲ... မင္းက ကိုယ့္ရဲ႕အသက္တမွ်ေလးပါပဲ... OTP-ZHAN SHAN WEI WANG(ZhanYi) Story Genre-Fan Fiction [Read the tags and make sure you're ready]