التوقيت الساعه ال7مساءا السبت-3 12-2013
هلاو اني سفانا عمري 22سنه
خريجه تربيه قسم انكلش عندي خوات 2وحده توفت العام والثانيه متزوجه ببغداد خطيه الثانيه تدزلنا راتب شهري امي عمرها 72سنه
خلفتني وجان عمرها50وبعد وفاة اختي اثر حريق اصابها زهايمر كامت تنسى موتتني المهم اني وامي وحدنا بالبيت وبعرب جبور ماكو خوف ناس تحب ناس مزارع وعايشين بامان والدي توفى بعد ولادتي بسنه كان مريض وهو هم جبير بالعمر الله يرحمه كاعده بالبيت وانتضر تعيين اللي بعمري كلهم تزوجو اني يجوني هواي بس من اكولهم كعيدي وي امي ميقبلون واني استحاله اعوف امي دار عجزه ايست من زواجي وصرت عانس الحظ ووين ماكو واحد مطلك وعده جهال لو مريض لو ميخلف لو شايب دازي عليه واني ارفض شلت من بالي قصه الزواج لان ضجت من التفكير طلعاتي جدا قليله ومن اريد اتسوك عدنا بالمنطقه ابو ستوته يفتر يبيع مخضر اشتري من بالباب عندي هوايات كومه ومضيعه وكتي بيها وهسه صار عدي تلفون دزته اختي الي كمت اتفرج بي مسلسلات هاي وامي كلسا سائلتني وتعيد لان تنسى بس شسوي امي هاي سمعنا بدخول داعش للعراق واحنا قريبين عالرمادي انرعبت خاف يطبولنا واحنا شفنا شسوو بسوريا لازمني الخوف بيتنا صغير ومرتب كلش حتى اني اصبغه ابويه جان عده جوه مخزن معدات يعني جواكيج درنفايس عده مال بلايسات وهكذا جوه البيت
علكت بهاليوم الضهر جنت نايمه من كعدت العصر جان الجامع دينادي انه ناخذ الحذر والحيطه لان مساجين مهزومين طلعوا هاجمين عالسجن ومهزومين كل المساجين من سجن ابو غريب كمت ركض قفلت الباب خايفه
انداريت اصعد فوك اتاكد من باب السطح لان الضهر شريت هدوم ونسيتها ممقفوله صعدت اقفلها وحسيت واحد خله سجينه على ركبتي شاورني حسج ميطلع لا اذبحج ختليني وحسج ميطلع
سفانا- ردت اموت من الرعب نزلت وهو خانكني سجينه على ركبتي
مرحبا وياكم المجرم رقم7734
فيصل عبد الرزاق سكنه السيديه حي الاعلام
عمري 31سنه تهمتي كانت قتل محكوم مؤبد كتلت اخو حبيبتي لان زوجو حبيبتي
ححجيلكم قصتي جنت احب وحده بنفس منطقتي حب4سنين وبيناتتا حب واتصالات وطبه وطلعه واحضان اعشقها حد الموت يتيمه الام والاب وعدها اخوهاجلب حشا السامع
خطبتها وافقو مقابل مهر 40ملاين مقدما بس والدي مقبل ينطيني سافرت اجمعهم مده شهرين ورجعت لكيتهم مزوجيها وبيوم العرس حاركه روحها وميته بذاك اليوم متت وراها اخذت سلاح من والدي عده وفتت لنص بيتهم وضربت طلقه براسه راسا القو القبض عليه والحكم طلع ذاك الاسبوع مؤبد
الحمدالله فتحو بيبان السجن وكتلو كل الضباط والحراس فلتوً طلعنا مثل النمل اني انهزمت بالبساتين ختلت متت برد للمغرب عبرت على سطح بيت صغير وداير مدايره بستان جوله ممزروع وبعد البيت عن الشارع تقريبا 60متر ومتفوت بي غير ستوتات التكتك المصري المهم وصعدت من وره البيت وكمزت عالسطح ربكم جان باب السطح مفتوح فتت ختلت فوك اكو غرفه وحده فوك يمكن مال بنيه ختلت بحمام الغرفه سمعت احد باوعت من زرف الباب شفت تقفل باب السطح بنيه ركضت طلعت وخليت سجينه ع ركبتها
السجينه لكيتها بغرفتها كامت ترجف نزلت وياها جوه توقعت اكو رجال ماكو احد الحمدلله طبعا والله حسيت ماعدهم احد كيفت
عدهم عجوز نايمة وهاي البنيه
سفانا. عفيه الله يخليك اني بنيه وحيدي وهاي امي مره جبيره لتكتلنا
فيصل. عدكم رجال جنت مغطي وجهي بشماغ
سفانا. لا ماعدنه شتريد من عدنه
فيصل. دفعتها باعي لج اني مجرم وقاتل اني راح ابقه ابيتكم لحد مايفكون التفتيش انتي راح تسترين عليه والله اذا حجيتي متعرفين شيصير بيج لو اكتلج لو اكتل امج
سفانا. ماشي ماشي
امي . سفانا سفانا
هاا يمه ركضت عليها يمه انطيني الدوه اريد انام ماكدر
سفانا. يمه توني طيتجيا
امي. لا مااخذته كذاابه
سفانا. اهووو يمه هاجيا مره ثانيه
طيتهيا انداريت المهزوم مموجود جريت العوجيه مال امي غطيت امي طفيت ضوه الغرفه طلعت علكيفي اريد اضربه على راسه دادور عليه اجه من وره جر العوجيه بقوه وشمرها
فيصل. سمعي لج مرايد منج شي بس يومين يخف التفتيش واطلع والله ثم والله اذا سويتي اي شي اقتلج تره اني قاتل ديري بالج مني شاورتها ولازمها من وره ومخلي ايدي على حلكها خاف تصيح اصلا اذا صيحت محد يسمع داير مدايرنا جول
سفانا. خوش همست انداريت باوعت عليه مطلع بس عيونه انته شتريد.
فيصل. كم يوم هنا واطلع بدون خسائر واذا سويتي اي شي كتلج قبل لو اكتلج لو اكتل امج باوعت لامها شنو مريضه درت وجهي عالغرفه البيها امها
سفانا. تنهدت اي زهايمر
فيصل. الله يشفيها اريد اكل من البارحه مماكل عدكم اكل
سفانا. انت مراح تكتلنا من تطلع موو
فيصل. لا اني اريد بس انهزم وارجع لاهلي بس هاليومين يخف التفتيش عالمنطقه واطلع
سفانا- فكرت بداخلي من ينام ابلغ عليه بس ردت التلفون مالتي فوك عالشحن
تصرفت بهدوء رحت للمطبخ وهو يتلفت وكلسا يوخر البرده ويباوع من الشباك
فيصل- عدج اخوه متزوجه عدج رجال
سفانا- لا
فيصل- منو يصرف عليكم جنت شاك بيها تكذب وخايف يسوون كبسه جنت حاس بخوف مو طبيعي
سفانا- اختي تدز شهريه
فيصل- زين انتي تطلعين السوك بقيت ادور بالبيت واحجي وياها ردت معلومات حتى اكدر اختل بهالبيت
سفانا- اباوعله يمكن خايف اكثر مني
فيصل- ولو حكلفج بس يجون اهلي انطيج فلوس باوعتلها تباوع عليه شبيج ممصدكه
سفانا- هه انت خايف اكثر مني
فيصل- اي ودير بالج من الخايف تره يكتل من يحس بروحه بخطر من خوفه
سفانا- اي وصلت الفكره شتريد هسه
فيصل- اي شي يسد جوعتي
سفانا- اكليلك طماطه وبيض
فيصل- بس طماطه كافي
سفانا- كيفك كليت هو جان كاعد مرتبك كملت تكلاه وخليتها بالماعون كدامه
فيصل- شكرا اخذت الخبز بديت اكل مثل المخبل من قبل يوم كلشي مماكل جنت خايف من قرار المؤبد فرصه جديده للعيش بيها
سفانا-وخر اليشماغ من وجهه ماشاء الله ملامح رجوليه خشنه بس مع الاسف قاتل ضليت صافنه عليه من ياكل ركض ركض
صارلك كم يوم مماكل
فيصل- 3ايام احجي والاكل بحلكي خليت ايدي على حلكي
سفانا- طلعت بيضتين كليتله وخليتها كدامه هاك حتى تشبع
فيصل- اي والله مشكور باوعته بس يجوني اهلي اخليلكم فلوس والله
سفانا- هزيت راسي اي دااطلع من المطبخ كام لحكني
فيصل-وين وين تعاي كعدي كدامي
سفانا- شكو لزمني من ايدي ودفعني
فيصل- اكعدي كدامي تردين تبلغين ادري بيج
سفانا- مابلغ لتصيح تروح امي تكعد
فيصل- لعد كعدي وسكتي ماريد اسوي جريمه ثانيه
سفانا- تنهدت خايفه شسوي اذا بقيته يعتبر تستر بس مع التهديد ليش قتلت
فيصل- وكفت عن الاكل باوعتلها ونصيت عيني معليج
سفانا- صار شكد من كتلت
فيصل- شهرين
سفانا- شنو السبب
فيصل- كمت من الميز واباوع على ايدها خاف تسوي شي كتلج معليج غسلت ايدي ورجعت كعدت تنهدت شكرا عالعشا
سفانا- شبعت
فيصل- اي الحمد لله
سفانا- هسه شنو فهمني اريد انطمر
فيصل- متروحين اني حضل سهران لان ممامن بيج
سفانا- شسويلك حفوت انام بالهول امي اذا كعدت وشافتك تتخبل
فيصل- اي روحي اني حكعد واي شي تسوي تره اقتلج راسن المهم ماارجع للسجن
سفانا- مراح اسوي شي
فيصل- تنهدت ماشي راحت للهول مشيت وراها نامت على جربايه اني كعدت بالكع كدامها دورت بالغرفه لكيت موبايل
هذا يبقى يمي اي رساله اي شي اني ارد خليته بجيبي
سفانا- اخر امل راح تنهدت زين نمت وتغطيت خايفه لو اصبح لو لا خفت على امي اني طبيعتي سبعه من صغري مااخاف ابد معتمده بس هسه خايفه من المجهول شون هسه على حضي عاف البيوت واجه على بيت بي نسوان بس نمت وكعدت على صوت امي سفانا سفانا
فيصل- كمت اغفي واخاف منها كمت ربطت ايدها ورجلها بالسرير بدون متحس ولكيت كم بطانيه مصفطه جريت وحده وتغطيت بيها ونمت بالزاويه فزيت على صوت العجوز تصيح سفانا يمكن اسمها لو مو اسمها موهاي العجوز فاصله كعدت وكامت تصيح ليش رابطني افتح الرباط خل اروح لامي يمعود حتموت
فيصل- اي اي شخبصتينا فتحت الرباط وكامت ركض على امها ركضت وراها خاف تسوي شي
سفانا- ها يمه شبيج
امي- مخنوكه لحكيلي مخنوكه
سفانا- ليش يمه اسم الله شبيج شو كومي عدلت كعدتها ضلت كوه تسحب النفس
فيصل- ركضت اخذت من السله جدر مال طبخ خليت المي الحار عالنار هاي مخنوكه البخار يفتح صدرها تصرفت بعفويه فار ورجعت للهول
شو خاله هاج طيني خاولي باوعت للبنيه خليته على راسها سويته مثل الخيمه على راسها والبخار انحصر خاله نفخي عالمي واتنفسي البخار كم مره بعد خاله
امي- اي يمه اي الحمد لله فك فك اه اه الحمد لله انت خوش طبيب
فيصل- عدج العافيه يمه
سفانا- ضليت صافنه عليه جان ماتت امي لان ماعدي اوكسجين لا شي هاي اول مره تصير عدها هاي الحاله احتمال الحبوب تتنك الصدر احجي وي روحي
التفتت عليه يباوع على امي قاطب حاجبه
يمه تنامين
امي- اي يمه تعبانه اريد انام
سفانا- ماشي يوم غطيتها وطلعت
باوعت للولد انت دكتور قطبت حاجبي
فيصل- لا
سفانا- لعد شون عرفت
فيصل- باوعت عليها تنهدت اني يومين واروح لتضلين تتسالين
سفانا- عفته ورحت للمطبخ سمعت ابو الستوته يصيح عالمسواك المخضر ركضت دااطلع
فيصل- تعاي هييي وين طالعه
سفانا-دااتسوك مخضريمعود هذا كل يومين يجي واني ماعدي مسواك بعد وين احصله ركضت عالمجر البي فلوس باوعتله شفت دار وجهه من شاف الفلوس مبين ابن ناس
فيصل- باعي تره اي حركه امج بالبيت رفعت حاجبي
سفانا. افتهمناا رحت تسوكت من ابو الستوته كلشي معتازته فاكهه ومخضر وبيض ووصيت على كيلوين لحم وتمن كلي ادزهن بيد ابني العصر طيته فلوس وراح كمت اطبب المسواك شوي شوي ثكيل
فيصل- جيت ساعدتها اشيل وياها لان ثكيلات يمكن تتسوكً مال شهر
سفانا- والله عمي متربي ساعدني بشيل المسواك هذا شدخله للسجن
فيصل- ضليت كاعد واراقبها امج متمشي
سفانا- عاجزه متكدر
فيصل- والحمام شون
سفانا-ااا تلبس حفاض
فيصل- شكلي اني هم حلبس هه
سفانا- انداريت عليه قاطبه حاجبي
فيصل- اخاف اعوفج
سفانا-درت وجهي عالطباخ روح مااخبر اطمان
فيصل- لا مااكدر جريت ايدها رجعتها للغرفه الجانت نايمه بيها ربطت ايدها ورجلها قوي باوعت بعينها عفتها ورحت فتت للحمام ارتاحيت وباعت للدوش فتت ماتحملت بعد وصخ صارلي شهر جايف سبحت ركض ولبست نفس هدومي بس الريحه التلعب النفس راحت وحكه راسي راحت طبيت للغرفه
سفانا- بالنسبه للجاي الي عالنار غده بوذه شكو ساعتين....
