وبعد مابيا اعاتب ناس
عندي عتاب وي #روحي ..
عرفت بلغت كلبي انعصر سمعت صوت السيارت التمت عالبيت ----
وطبو الشرطه فيصل يباوعني بنضرات يعني انتي البلغتي دمعت عيني اخذو وقبل ليطلع اندار عليه اشكرج عالملح والزاد ماانساها الج كتفو ورفع حاجبه طلع وكمت ابجي وراه حسيته مضلوم هو قاتل لازم ياخذ جزاءه اكيد الرياجيل البارحه شافو باوعت على هدومه وغراضه رجعتهن لمكانهن اتصلت باخو الرقم مخزون كتله اخذو وهاي الفلوس والغراض حرجعها للسوبر ماركت تعالو اخذوها دزيتها بيد الولد جتي ام حسنين وضلت تحجي تكولي حسيت اكو شي من دااحجي وي ابو حسين كلي شفت ولد بليل خاف مسويلها شي عباله نسيبكم من وصفه الي كتله هذا موهو نسيهم كصير وسمين الحمد اله خو مااذاج
سفانا- لا الحمد لله تلحكتي بليل ارتب البيت شفت شعره بالحمام مزين ومخلي بجيس شكد مرتب ونضيف طلعت للحديقه افتر كاتب تاريخ السواها بي واسمه والله خنكتني العبره خطيه مرت الايام عادي وره شهر توفت امي كعدت لكيتها ميته خفت كلش دزيت على ام حسين وزوجها دفنها دزيت على اختي ورحنا للنجف وراها رجعت ويايه للبيت هي ورجلها كمل العزا
نسرين- ماعوفج تره امشي ويايه
سفانا- ماريد
خالد- خويه تره ماعوفج شنو وحدج
لتعاندين وامشي ويايه
سفانا- هناك شسوي متكلولي وين اكعد اني مستحيل اكعد عد عيالج
نسرين - زين عدي حل اجرلج مشتمل قريب عني واقدملج على تعيين ببغداد بلكن يطلع
سفانا- وبعدين
نسرين - اني ادفه اجار المشتمل لحد متتوضفين
سفانا- خوش بيت اهلي مابيعه تره
نسرين- لا شتبيعي هو شيجيب قابل وعوفي يجوز نحتاجه الملك مينباع واذا نباع لازم نشتري بمكانه ملك ثاني وهو ميجيب كومي تحضري بعد ساعتين تجي السياره
سفانا- كمت احضر ودموعي سبقتني هذا بيت ابويه اعوفه ذكرياتي امي وابويه والناس الطيبه جتي ام حسنين سلمت عليها وودعت بيتي وطلعت اول سبوع كضيته بيت عيال نسرين خوش ناس حبابين وره كم يوم خالد اجر مشتمل بعد بيتين صغير كلش بيت اختي يم شارع التجاري بالسيديه اجار المشتمل 250 قدمولي على تعيين واسطه خالد ونسرين والله توضفت بمدرسه بالاعلام مال متوسطه خليت خط وبديت دوام الحمد لله كلش مرتاحه صح مشتاقه لمنطقتي بس هنا اكثر ارتاحيت بديت شوي شوي من راتبي اجمع واسوي للبيت اول شي فراش بعدين للمطبخ طبعا مستعمل راتبي 650
250للاجار والباقي شوي شوي اجتي مره مرتبه رادت مدرس خصوصي لجهالها انكليزي وكالتلي تجين يوميه لبيتي انطيج 300بالشهر فتحت حلكي قبلت الضاهر همه المنطقه عدهم ياخذون هواي عالتدريس خلصت من الاجار وهي ساعتين بيت العالم احصل300بالشهر عدت الايام بلشت تدريس
فيصل- من لزموني الشرطه وطلعت كلش حقدت عليها اباوع على الحديقه السويتها صدك عالم ميغزر بعينها شي رجعوني للسجن وعذبوني عذاب شوفوني نجوم الضهر وبكل اذيه اتاذاها احقد اكثر مردت منها شي كله اسبوع هي حقيره رجعت الاوضاع نفس الشي بالسجن محكوم موبد اني وره سنه كالو عفو عام بس على جرائم الارهاب لا
وصدك طلعونا من انفتحت باب السجن ولكيت اخوي بالباب وكعت ممصدك رجعوني لمنطقتي ولاهلي امي خطيه ضلت تبجي طوني استراحه اول يومين وراها اخذني اخويه عادل للمزين ولحمام المغربي طلعني جديد ارتاحيت كلش
عادل- خويه نلزم الشركات اني وياك انت الزم مال بياع واني فرع المنصور
فيصل- اي خويه اني هم مقرر الزم شغل ابوك الله يوفقنا--والدي عده شركات تصدير واستيراد فاكهه واني واخوي ثنيناتنا مهندسين زراعه فكلش حابين الشغل
امي- يمه ماافرح بيك وازوجك
فيصل- يمه بعد وكت خلي اوكف على رجلي
مرت عادل-عدوله رواد محتاج لمدرس خصوصي هو ورفقه اتفقت وي ام الانكليزي مال رفقه وكتلها يوميه تجين وانطيج 300بالشهر
عادل- هاهي عاشت ايدج رفقه بابا شدي حيلج اريد درجات قويه وين رواد
رفقه- بالطرمه ديلعب بالبانسكل
عادل- يله خويه امشي نشتري هدوم باجر تتحضر حتى تداوم بالشركه
فيصل- اي خوش تذكرت الجنطه مال ملابس والفلوس الجانت يم سفانا ماادري بيا منطقه عايشه ببغداد عجبني اشوف الحديقه السويتها شون صارت
عادل الجنطه اخذتوها من هاي البنيه
عادل- اي خابرت وكالت يم السواق والفلوس بيها كامله والهدوم مالتك هم
فيصل- ها زين صفنت يرادلي ادور عليها خل اتفرغلي بس شكد حاقد عليها الحقيره حجيتها بداخلي
كمت اداوم بشكل يومي بالشركه جنت فرحان كلش
سفانا- بلشت تدريس اليوم حروح لبيت الطلاب اللي اتفقت وي امهم
وصلت جان بيت رئاسي وكلش حلو والناس البي خوش ناس بسيطين بيبيه الجهال كلش حبابه هواي حبيتها كلسا مقدمين شغله
بديت ادرس الجهال بديتلهم من الصفر ماعدهم معلومات ابد عن الانكليزي بس الحمد لله جانت بدايه حلوه بقيت هناك من 2للاربعه كملت المحاضره سمعت صوت رجال بالبيت
يوم يوم
هايمه
جوعان يمعوده شنو السالفه شوكت تصبون
ام رواد- اي هسه اصب انزل يله
يااللله
سفانا- هذا الصوت سامعته بداخلي كملت محاضره وطلعت رجعت لبيتي نمت وراها كعدت اكلت يعني عايشه حياتي بالطول والعرض
ثاني يوم هم كملت دوام ورحت لبيت رواد ورفقه
بدخلتي طبت سياره عاليه سوده نصيت ماريد انغر بفلوسهم بالعافيه عليهم
بلشت ادرس وانطيهم يدرسون
سمعت صوت يصيح رواد رواد وين الشاحنه
رواد- تعال عمي هيانها تعال بالصاله
سفانا- دخل للصاله دك الباب السلام عليكم
رفعت راسي وعليكم السلام صدمه!!!!!
للكاتبه مريم السعدي..
يتببببع ❤️🔥....
