و احببتك

(4) و احببتك

(4) و احببتك
و كان في هذه لحظة كان احمد يمسح دمعته و هو ينظر الي السماء لعله يخفي وجعه..
نور : هايدي انا لازم امشي احمد عايزني .
هايدي : طيب يا حبيبتي استني اوصلك .
نور : لا لا ملوش لزوم .
هايدي بأبتسامة : طيب خلي بالك من نفسك .
ذهبت نور الي المكان الذي وصفه لها...كان يقف يسند ازراعيه ع السور و ينظر الي السماء..
وضعت يدها ع كتفه...فالتفت اليه..
احمد بدون اي مشاعر : نور..
نور : مالك يا احمد في اية قلقتني.
احمد : تعالي نروح اي مطعم عشان الدنيا برد هنا .
نور : طيب يلا .
ذهبو الي أقرب مطعم و طلبت هوت شوكلت ساخن و هو قهوة...
نور : قولي بقي اية الي حصل .
احمد : انا مصدومة و مش قادر اصدق الي الان .
نور : في اية يا احمد..
اغلق عينيه و استرجع ما حدث...
فلاش باك..
ذهب احمد الي منزل رغد و وجد والد رغد..
تقدم له كأي شاب مصري للمرة الثانية..
-انا يشرفني اطلب ايدك بنتك رغد للمرة التانية بس كان ليك حق المرة الاولي ترفض بس دلوقتي انا كونت نفسي و بقي عندي شقة و جبت عربية و بقيت جهاز لاي طلباتكو .
ابتسم والدها في سخرية و استهزاء اعتدل في جلسته و قال...
-لا حضرتك الي هتشرفنا يوم 20/11 يوم خطوبة رغد..اة علفكرة مش انا لوحدي الي مش عايزك..رغد هي الي وافقت ع العريس بسرعة و الرفض للمرة الاولي مكنش مني لوحدي كان منها هي .
احمد بذهول : نعم! !
والد رغد : انا مجبتش حاجة من عندي..ابقي اسئل رغد .
قام و قال بغضب : انت كداب! !
والد رغد : قولتلك اسئل رغد بنفسها .
كان سيتكلم و لكنه وجد رغد تدخل هي تمسك الموبيل و تضحك بصوت عالي..
لم تراه فدخلت الي الصالة و لكنها فوجئت بيه امامها...
احمد و هو يتمالك اعصابه : انا مكنتش اعرف انك زبالة اوي كدة..اتفو عليكي يا شيخة.
رغد بأنفعال : انت ازاي تكلمني كدة...عادي يعني اتخطبت لواحد بيحبني و هيعشني في عيشة محترمة مش فوق السطوح .
نظر اليها بحزن و كسرة نفس...
خرج و ظل يتجول في الشوارع..و لكنه رأئ يديه تتصل بنور...
نور بدهشة : اية انا مش مصدقة رغد دية الجامعة كلها عارفة بحبكو .
احمد بأبتسامة حزينة : عادي واطينة .
اخرج سيجارة و اخذ منها نفس و اخرجه مع كل همومة...
نور : احمد انا مش هقولك غير اني حاسة بوجعك ع الاقل انت تقدر تكمل حياتك و تحب تاني بجد...لكن انا مينفعش انتي قلبك اتجرح انا قلبي اتكسر و مبقاش في اي حتة تصلح للحب تاني .
نظر اليها نظرة غريبة : ازاي يعني .
نور : ينفع متفكرنيش بس ينفع الاول اطلب منك طلب اطفي السيجارة دية عمرها ما هتساعدك عارف لما تشوفها اوعي تبيلنها كسرك اضحك و هزر هو هيبقي صعب في البداية لكن مع التعود و انا معاك يا سيدي..
احمد : حاسس اني مقدرش اعمل اي حاجة حاسس اني حياتي وقفت...
نور : لا عمرها ما بتقف ع انسان انت بس هتشوف كدة في البداية لكن مرة مع مرة هتلاقي الانسان الي يستاهل حبك و يقدر يحبك .
احمد : بس انا حبتها بجد محدش يعرف انا كنت بعمل اية عشان اسعدها بس هي المشكلة اننا مش من نفس الطبقة ان تحت المتوسط و هي الطبقة العليا مع اني مش عارف مش حاسس ان دة سبب كافي علشان متوافقش عليا انا مخنوق.....انا تعبت .
نور : حاسة بوجعك جدا انت ارجع صلي ركعتين و اهدي...حاول بقدر الامكان متفكرش فيها .
احمد : هحاول علفكرة انا ارتحت معاكي مع اني معرفكيش اوي .
نور بأبتسامة : اي حاجة عاوزها مني انا موجودة في اي وقت .
احمد و هو يبادلها الابتسامه : ربنا يخليكي .
نور : ينفع متشربش سجاير .
احمد : انا فين و فين لما بشرب .
نور : لا متشربش خالص .
احمد بأبتسامة : علشان خاطرك حاضر .
بادلته الابتسامه و خجلت..
احمد : طب تعالي اوصلك علشان الوقت اتأخر الساعة داخلة ع 12:00 .
نور بخوف : يلاهوي انا تلاقي بابا قلب عليا الدنيا و انا موبيلي فصل .
احمد : طب يلا طيب .
اوصلها الي منزلها..و طرقت الباب فتح حسن بضيق..
حسن بضيق : ينفع كدة يا نور تيجي البيت الساعة 12 بليل و تقلقي قلبي عليكي كنتي فين .
نور : انا كنت مع هايدي بس احمد كان عايزني و اتقابلنا في المطعم .
حسن : و يبقي عايزك في اية ان شاء الله .
نور بمزاح : بنغير اهوة يا عم..ع العموم متخفش هو بس كان عنده مشاكل و اتقابلنا في كافية .
حسن بضيق : متعملهاش تاني و ابقي خلي موبيلك مفتوح علطول .
احتضنته : حاضر يا احلي بابا يلا انا هروح انام بقي .
في اليوم التالي كانت نور في الجامعة
رأت احمد يجلس بجانبها و يبتسم ابتسامة عذباء..
احمد : سلامو عليكو .
نور بأبتسامة : عليكم السلام اية عامل انهاردة اية .
احمد : انا سهران من امبارح اصلا سيبك مني ابوكي عمل اية لما رجعتي .
نور بحزن : زعقلي عشان قلق عليا و موبيلي كان فاصل .
احمد : لية حق مينفعش يسيب القمر دة لوحده .
نور : بس بقي و بعدين كنت عايزاك في موضوع اي رأيك نقعد نذاكر مع بعض في البيت عندي و كدة و هايدي معانا بدل ما انت هتبلط هنا .
ضحك بشدة ثم قال و هو يغمز لها : اشطا لو انتي الي هتشرحيلي يا قمر .
رفعت حاجب و ظهر ع ملامحها الجدية : بص يا احمد ياريت قمر و موزة و الكلام دة مسمعهوش منك تاني عشان بجد بضايق .
رفع يديه في استسلام و قال بمزاح : خلاص من عنيا يا موزة .
قامت بضيق..فتراجع و هو يقول بلطف : هدي اعضائك خلاص هتكتم اهوة ..
جلست ثانيا : ايوة كدة اتعدل .
ثم اكملت و هي تنظر له : امال انت الكبير في اخواتك و لة الصغير .
احمد : انا الي في الصغير اخويا الكبير متجوز و التاني بيشتغل و هيتجوز قريب و هاخد اوضته الحمدالله .
ضحكت ثم قالت : باين عليك بتحبه اوي .
احمد بطريقة كوميدية : اووووي .
كانو يضحكون بشدة و عينين هناك تراقبهم كانت رغد تشتعل من الغيظ و هي تنظر لصديقتها..
رغد : بصي عمال يضحك عادي ازاي يا منال .
منال : و في اية مالك زعلانة لية مانتي الي سبتيه عشان التاني .
رغد بضيق : بس بس هو مش باين عليه الزعل معني كدة عمره ما حبني .
منال : رغد ربنا يهديكي يا حبيبتي انا هقوم انا علشان محاضرتي بدأت و متشغليش بالك بيه بقي .
قامت منال و ذهبت...
جاءت هايدي و قابلت نور و احمد اخذو يتكلمون و اتفقو ع ميعاد لذهاب الي بيت نور..
مر شهرين و نصف..
و كان احمد و نور اصبحو صديقين بشدة..
في بيت نور في الصالة...
احمد : امال هايدي فين .
نور بحزن : مامتها تعبانة و قاعدة معاها..
احمد : نبقي نزورها بقي المهم يلا نكمل مذاكرة .
نور بفرحة : بقيت متحمس للمذاكرة ما شاء الله .
احمد و هو يغمز لها : بركاتك ياختي .
اتي لهم حسن و هو يقول : يلا شدو حيلكو و خلو بالكو الامتحانات ع الابواب .
نور : ان شاء الله خير دعواتك .
بدأ كل من احمد و نور في المذاكر...
كان احمد ينصت اليها بشدة و يتشاور معاها..
مع انتهاء الوقت وقف احمد : يلا انا هستأذن بقي متنسيش تيجي بكرة يوم مهم .
نور : حاتر متخفش .
ضرب الكتاب ع رأسها ثم مد لسانه و ركض..ركضت خلفه و هي تضربه..
احمد : اي اي خلاص يا مجنونة .
نور : احسن .
احمد : يلا يا ولية من هنا .
نور بمزاح : انتي الي برة .
تنحنح بأحراج : اة صحيح اية الاحراج دة سلاموز بقي اشوفك بكرة .
خرج و دخلت الي غرفتها تعد كوب شاي ثم بدأت بأعادة ع اشياء في المذاكرة و لكنها رأت ع غلاف الكتاب رسمة قلب و يكتب داخلها احمد..
ابتسمت بخجل ثم اصطنعت عدم رؤيتها و اكملت المذاكرة...
في اليوم التالي بعد انتهاء محاضرتهم ذهبا الي الكافتريا..
احمد و هو يرتدي ال(مريلة) : مالك من و انتي في السكشين و انتي شكلك غريب .
نور بتعب : مش عارفة صداع رهيب و مفطرتش و امبارح سبت الشباك مفتوح تقريبا جالي برد .
احمد : طب اية الي جابك .
نور : هو مش انت بلسانك قولت ان انهاردة يوم مهم بعدين عادي يعني .
احمد : طب يلا ياختي بس لو تحبي تروحي هوصلك .
نور : لا لا .
دخلت الي المطبخ و بدأت بأعداد الشاي كانت تتأرجح يمينا و يسارا شعر بدوار بشدة فجلست ع اقرب كرسي لها اقترب منها احمد و هو يسألها عن حالتها قاطعهم..
دخول المدير..
المدير : اية في اية يا نور انتي و احمد مش بتشتغلو لية..في حاجة يا بنتي .
هزت رأسها بالنفيان ثم قامت و هي تقول : لا لا يا مستر مفيش .
لم تلبث حتي وقعت مغشية ع الارض..
احمد بخوف : صبحي هات ماية بسرعة .
انحني ع الارض بتربك و هو يحاول ان يفقيها و هو يضربها ع خدها بلطف حتي تفوق اخذ الماء و تجمع حولها الكل..
كانت تردد : انا اسفة ارجوك...حرام عليك .
تعجب الكل و لكن احمد اكمل محاولة افاقتها الي ان بدأت في فتح عيناها ساعدها احمد ع القيام قامت بحرج منهم ثم دفنت رأسها بين صدر احمد بخوف...
احمد : يلا يا نور قومي قولتلك ارجعي..اسمحلي يا مستر هوصلها بس البيت .
المدير : اة طبعا يا بني تحب تاخد عربيتي .
احمد : شكرا انا معايا..
قامت و هي مذالت تستتد ع احمد..
نور : عايزة ماية .
جاء صبحي لها بكوب و شربت الماء..
نور بتعب : خلاص انا كدة كويسة مش لازم اروح .
احمد : بس يا هبلة معلش يا صبحي الشيلة عليك لمدة ربع ساعة .
اخذ نور و خرج و ركب السيارة..
احمد بمزاح : بت متجيش تاني الا و انتي فطرة .
نور بحرج : حاضر .
احمد : تعالي نروح ناكل الاول احسن لو ابوكي شافك يلبس فيا التهمة .
ابتسمت بخجل ثم اسندت رأسها الي نافذة السيارة و هي تتذكر كيف كانت تسند الي صدره و هو يضمها بيده توردت وجنتيها بشدة..
احمد : مالك تاني .
نور بحياء : لا مفيش .
احمد : تحبي نروح ناكل فين .
نور : اي حتة .
ذهب احمد الي مطعم و طلب بيتزا..
ثم اشتري من البائع الكثير من الحلوي و ذهب اليها..و ركب
و بدأت بتناول البيتزا مع المشروب الغازي (البيبسي)
نظر اليها بأبتسامة..
احمد : اتفضلي يا ستي .
كان كيسا مليئا بالمقرمشات و الشوكولاتة و البسكويت و ايس كريم اخذت منه الكيس بسرعة و قال بسعادة : دة ليا ميرسي ربنا يخليك ليا يارب و يزيد من امثالك .
ضحك ع جملتها ثم اعادها الي البيت..
عادت الي البيت و كان والدها نائم فدخلت و  نامت ايضا و كان اول مرة لم تحلم بكوابيس الماضي و رأئت في منامها احمد ♡
____________________________________________________________________________________
ياريت يا جماعة الي تعجبو
Vote + comment
و يساعدني في نشرها :'(  plz