و احببتك

(8) و احببتك

استعدو لصدمات هذا الجزء
ـــــــــــــــــــ
كانت تمشي بجانبه في الحديقة...
احمد : نور .
نور : نحم .
احمد : فاكرة اليوم الي قولتلك فيه بحس معاكي بشعور مختلف و قولتلك ملقتهوش تفسير...انا لاقيتله تفسير اخيرا .
صمتت و هي تبتلع ريقها بقلق..
احمد بسرعة : نور انا بحبك .
تقدم خطوتين عنه لا تريد ان تفضحها عيناها مسحت الدمعة الذي سارت ع خدها بسرعة و رسمت بأبتسامة مزيفة كان صوتها منبوح لا تعرف الكلام كانت الكلمات قد تعلثمت عند لسانها لا تريد خروجها نظرت اليه مع الابتسامه و قالت : طب ما عادي كل الناس بتحبني .
ثم تقدمت خطوتين اخري و قد سالت دموعها من عيناها بشدة..ظلت تمسح دموعها لا تريده ان يراها...
احمد و هو مذال ينظر اليها : انا مش زي اي حد يا نور .
نور و هي تغير الموضوع : احمد انا عرفت اني في محل هنا حلو اوي للبدل تعال نروح .
تقدم معاه كان صامتا ايضا و صلا الي المحل اختارت نور بدلة له رائعة..
نور : كدة ناقص الكرافتة .
احمد : عايزها لون فستانك .
تبسمت بخجل ثم قالت : بس انا لسة منقتش فستاني .
احمد بأبتسامة صافية : تعالي نشتري طيب .
نور : اوكي .
ذهبت معه و اختارت فستان احمر رائع لسهرات للمحجبات..
احمد : انا بردو عاجبني دة خلاص يلا قدامي .
نور : احمد دة غالي .
احمد : لا مش غالي و يلا بقي .
نور : طب انا الي هدفع .
احمد : لا مؤخذة انا كيس جوافة .
ضحكت برقة : مقصدتش بس لية كل التعب دة .
نظر في عيناها ثم صمت..ذهبا الي الكاشير و دفع الحساب .
انتهي اليوم و عادت نور الي المنزل كان يوم متعب و مخيف بالنسبة لها..
اراحت جسدها ع الفراش و هي تتذكر اليوم بتفاصيله بدأت بالبكاء...
ثم قامت و اخذت كشكول سلكي و بدأت بالكتابة..
كتبت في  يمين السطر...
الي اعز احد الي قلبي "احمد"
ثم بدأت بالكتابة..و مع كل كلمة تشعر بهزة تسير في جسدها و تبكي مع كل حرف...
انهت الكتابة و كتبت "و حبيتك..."
ثم كتبت في يسار السطر..
"من نور"
وضعت الكشكول داخل احدي الادراج....ثم همت بالبكاء بشدة اتصلت بهايدي و هي تقرر ان تقص عليها كل شئ..
جاءت بالفعل هايدي و سلمت ع والد نور ثم ذهبت الي نور كانت في حالة لا تسر..
جلست أمامها..
هايدي : نور في اية .
نور : توعديني الي هقولك عليه مفيش مخلوق يعرفه .
هايدي : حاضر والله ما هقول .
قامت و اغلقت الشباك و الباب ايضا و جلست مقابلها..
تنهدت : انهاردة احمد اعترفلي انه بيحبني .
هايدي بفرحة : بجد .
نور : المشكلة انه مينفعش يحبني و لة يتقرب عني اكتر من كدة عشان....
ثم بالفعل قصت عليها كل شئ...
هايدي بشهقة : يا نهار اسود .
اخذتها في حضنها..
نور من بين بكاءها : المصيبة اني انا كمان حبيته .
هايدي و هي تأخذ نور بين كفيها : نور اول حاجة فعلا لازم تبعدي عنه..ثانيا لازم تشوفي حل انتي مينفعش تعيشي كدة علطول .
نور : هيقتلني...مينفعش انا كدة كويسة قولتلك .
هايدي : لا مش كويسة .
نور : هايدي ينفع توديني المكان الي ودتيني لية قبل كدة .
هايدي : اة طبعا يا حبيبتي .
اخذتها و ذهبا الي الشاطئ بكت هذه المرة بحرقة نفس..
ثم جلست امام البحر بعيون دامعتين..
كانت في الخلف هايدي تبكي..
__________________________________________
رغد بفرحة و خبث : شوفتي يا منال انا كنت متأكدة اني شوفتها قبل كدة...انا هروح لاحمد و اقوله .
منال : رغد فوقي بقي انتي مخطوبة و هتجوزي بعد كام سنة مركبة راسك معاهم ليه سيبي البت في حالها .
رغد : مليش دعوة احمد هيفضل بتاعي . 
منال : ربنا يهديكي يا رغد ..
قامت ثم اتصلت بأحمد...
رغد : ايوة يا احمد عايزة اقابلك ضروري .
احمد : انتي يا بنتي مبتفهميش بقولك خلاص انا بقيت بكرهك .
رغد : الموضوع يخص نور يا احمد .
احمد بسخرية : رغد...نور اعترفتلها خلاص اني بحبها..مش عايزين حضرتك في الموضوع سلامو عليكو .
كانت سترد و لكنه اغلق الهاتف في وجهها...
اشتعلت من الغيظ..
رغد : طب وحياتك يا احمد لاكرهك فيها عبوشكلك .
__________________________________________
عادت نور الي البيت كان سمير ايضا قد عاد ع وجهه الابتسامه..
نور : سمير ازيك .
سمير : ازيك يا نور انتي متتخيليش انا فرحان ازاي .
نور : خير الحمدالله .
سمير : لسة راجع من بيت البنت الي بحبها خلاص اتفقت انا و ابوها ع كل حاجة .
نور بفرحة : مبرووووووووك يا سمير بجد انا فرحانة اوي .
سمير : عايزك تقابليها بقي...بفكر نتجوز ع شهر 6 الجي هي اصلا خلصت دراسة .
نور : متستعجلش اوي كدة بس مبروك يا سمير حافظ عليها بقي .
سمير : دية في عنيا .
بادلته الابتسامه ثم ذهبت الي بيتها .
دخلت و نامت من شدة التعب..
مرت الايام و جاء يوم الفرح كانت نور كالاميرة نزلت و كان احمد في انتظارها..
احمد : اوبااااا .
نور بخجل : اية رأيك .
احمد : زي القمر لا بقولك اية انا مينفعش اخدك كدة هتتعاكسي .
نور بخجل : بس بقي بطل .
ذهبت معه الي الفرح كانت الفرح في شدة الجمال..
رقص احمد بالطريقة الشعبية الهمجية كانت تنظر له بحب تسرح في ملامحه هذه هي الذكري التي اريد ان اتذكرها دائما...
"اصعب حاجة انك تحب حد و انت عارف انه عمره ما هيبقي ليك"
احمد بهمس : تيجي نرقص سلو .
نور بضحك : بقالي 3 شهور بقولك متمسكش ايدل تقول سلو يلا يا حج من هنا .
احمد : اة يا مجنناني .
ضحكت ثم نظرت اليه : بس الفرح حلو اوي ما شاء الله .
احمد : انتي احلي بضحكتك .
نور : بطل تعاكس فيا بقي .
احمد : بحبك بقي .
ابعدت وجهها ثم قالت : احمد قولتلك مينفعش تتعدي حدودك انت اخويا بس .
احمد : لية بتخبي عيونك عني خايفة لتفضحك طب قوليلي العيب فيا .
نور : لا العيب فيا انا فهمت .
احمد : طب بصيلي .
نظرت اليه : كدة كويس .
احمد بتنهيدة : طب تعالي نقتحم البوفية يا فقرية .
ضحكت غصب عنها : طب يلا انا اصلا جعانة .
احمد : انا اصلا جي الفرح عشان البوفية مش من حلاوة عيون اخويا .
نور : مش بقولك بتحبه اوي .
احمد : اوووي .
نور : بس قمور والله و شكله محترم .
احمد : دة اية البجاحة دية بتعاكسي فيه قدامي .
نور بضحك : خلاص يا عم انت كمان عسول .
احمد : طب منا عارف .
ضربت كتفه : يلا يا رخم .
جاء الاسبوع الذي قبل الامتحانات كانت هايدي و احمد متواجدين دائما مع نور...
هايدي : طب انا بقي للاسف انهاردة مش هاجي .
نور بحزن : لية .
هايدي : ماما تعبانة بردو .
نور : الف سلامة عليها بس متنسيش تذاكري .
هايدي : حاضر يا بيبي .
اغلقت مع هايدي و نظرت الي احمد..
نور : مش جاية .
احمد : طب يلا نكمل .
كان يذاكرا في وجود حسن...
حسن : طب ما تخدو راحة شوية...انا هروح اعملكو شاي .
نور : طيب يا بابا .
احمد : انا فعلا تعبت عايز اريح اوي دة انا معملتش كدة في الثانوية .
ضحك حسين ثم خرج...
نور : احمد دقيقة و راجعة .
خرجت من الغرفة...كان متواجد في غرفتها ذهب الي سريرها و كان بجانبه طاولة صغيرها لها ثلاث ادراج..
و ع الطاولة زجاجات دواء..
احمد بصوت منخفض : مسكن..منوم..مهدئ لية يعني دة كله .
ثم رأئ الدرج لم يقفل جيدا ففتحه و كان به كشكول اخذه و فتحه و قراء اول سطرين..
الي اعز احد الي قلبي "احمد"
انا فعلا دايما بحاول اخبي مشاعري تجاهك بس مش بايدي لازم ابعد عارفة اني...
لم يكمل قراءه الا و سمع صياح نور...
نور بصياح : احمد انتي بتعمل اية .
ثم اخذت الكشكول من يده و وضعته خلف ظهرها..
احمد : دة اصلا ليا .
نور بتربك : مش احمد انتي احمد تاني دة مش ليك .
احمد : والله طب هنشوف الموضوع بعدين يلا نكمل .
نظرت اليه و هي تبلع لعابها...
نور في نفسها : يا تري انت قريت لفين يا احمد .
جلست بجانبه و اكملو مذاكرة..كانو ينظرون الي بعضهم نظرات جانبية..
كانت الامتحانات سهلة مرت بسرعة و كان كل يوم يتعلق احمد بنور اكثر...
الي ان انتهت الامتحانات..
احمد : اخيرا هع خلصنا .
نور : انا مش مصدقة .
احمد : نور بقولك اية بما اني خلصت تعالي انهاردة بليل نخرج .
نور : الساعة كام .
احمد : 7:30 كويس في نادي **** .
نور بأبتسامة : اوكي موافقة .
احمد و هو يميل الي اذنها : je t'aime (احبك بالفرنسية)
نظرت اليه مع رفعة حاجب...
احمد : خلاص يا ستي انا اانهاردة مبسوط مش عشان اني خلصت .
نور : امال .
احمد بغمزة : هتعرفي .
نور : اوكي انا هروح بقي عشان عايزة انام .
احمد : هتوحشيني .
نور بمزاح : و انت لا .
احمد : رخمة .
ضحكت ضحكة جميلة..نظر اليها بحب ثم رائ تذهب عكس طريقه ثم اللتفت برأسه رأئها تنظر اليه هي الاخري شاورت له بمعني "بااي"
_________________________________________
رغد : ايوة عارفة عنوانها ****** .
المجهول : متخفيش ليكي الحلاوة .
رغد بأبتسامة شر : ميرسي .
_________________________________________
عادت نور و نامت...حلمت حلم غريب..
رأت نفسها مع احمد تمسك يده و هي خائفة من شخص ما...و لكن احد ما يشدها الي ان اخذها من احمد...كان عنيف معاها و هو يضربها..
صرخت بشدة عندما استيقظت نظرت الي الساعة كانت السادسة...
قامت من النوم و ذهبت لتصلي و ارتديت ملابس شيك و رقيقة..
ذهبت الي النادي
كان فارغ ع غير العادة دخلت و كان احمد يجلس ع طاولة...يرتدي بدلة تعطيه اكثر وسامة...
جلست امامه..
نور : هو المكان فاضي ليه .
احمد : سيبك تحبي تاكلي اية .
نور : مش عايزة الله انا اتغديت بس نفسي في كوباية عصير..
احمد بأبتسامة صافية : انتي تؤمري .
خجلت فأتي النادل (الجرسون) و اخذ منهم الطلبات...
نور : بس مالك متشيك كدة .
احمد بأبتسامة و هو يعدل البدلة : حلو .
نور بخجل : اة قمور .
احمد : انا هروح في الحمام و جي .
نور : اوكي .
خرج احمد و كانت تجلس تدندن الي ان رأت الانوار تغلق..شهقت ثم قامت..
جاءت الانوار بطريقة خفيفة..
رأت عروض صورة لاحمد و نور وهم يضحكون و نظرة احمد لها المليئة بالحب..
و صورة اخري و فجأة عرضت صورة ضخمة يكتب عليها..
"تتجوزيني يا نور حياتي"
رجعت خطوتين الي الوراء و هي تهز رأسها بعنف...
رأت احمد يأتي و يمسك بوكية ورد..
احمد بأبتسامة صافيه : عارف انك مبتحبيش الارتباط الغير رسمي فعشان كدة انا بطلب ايدك و بقولك تتجوزيني .
هزت رأسها ناهية بعنف...
نور بصياح : لاا...لا...لا .
قام بغضب : يعني اية لا .
نور ببكاء : مينفعش يا احمد قولتلك مليون مرة ابعد عني .
احمد : لية يا نور انا بحبك و انتي بتحبيني لية مينفعش..
صاحت بأنهيار : افهم بقي انا متجــوزة .
___________________________________________________________________________________
رأيكم بقي و قوليلي اية اخبار الصدمة معاكو
ياريت متحكموش من هنا احكمو من اخر جزء تمام ^_^
Vote + comment