احمد"أحب اقدملك زوجتى المستقبلية الانسه
ماهى إلا صوت طرق حذاء التف الجميع
احمد "اقدملك ملك خطيبتى
ملك بابتسامة"عاملين ايه
سهام "بقى تخطب من غير ماتقولى
احمد"انا قريت فاتحه مع أبوها وأن شاء الله هنروح كلنا علشان نحدد الفرح
سما كانت تتحكم بدموعها لكن لم تستطيع فرت هاربه لغرفتها ركضت خلفها جنه
سليم بستغراب "مالها سما وجنه
اسيل"لا أبدا يا حبيبي هى كانت بتقول أن بطنها وجعها شوية فراحت ترتاح
سليم "انا هطلع أشوفها
اسيل فى إذن سليم"لا مينفعش سيبها علشان دى حاجة خاصة
سليم باحراج "اه أحم تمام
احمد"اقدملك اختى أسيل وزوجها سليم من أكبر رجال الأعمال عنده سلسلة شركات للعقارات
ملك "تشرفت بحضرتك يا استاذ سليم وانتى عسوله خالص شبه اخوكى
اسيل"بتقولى كده عادى راح فين الحياء
ملك باحراج "مقصدش انا اقصد انك
أسيل"على العموم تشرفت بيكى
احمد "اسيل
اسيل بصت لاحمد وسابته وراحت قعدت جنب والدتها وحماتها
سهام "انا مش عارفه ازى يروح يخطب من غير أهله
اسيل"لازم أعرف اى اللى ورى البنت دى
سهام"مش عارفه بس حاسه ان البنت كويسه
اسيل "دول شويتين بتجر ناعم
فريده"انتى منزعجة منها ليه
اسيل "مش عارفه بس مش مستلطفاها
فريده"حبيبتى المفروض تفرحى لاخوكى
اسيل "طيب بعد اذنكم هطلع فوق
سليم انا طالعه فوق اغير هدومى علشان مش مرتاحة فيهم واجى
سليم"ماشى
ذهبت أسيل لغرفة سما طرقت الباب
ودخلت وجدت سما تبكى بحضن جنه ،اقتربت منها لتربت على كتفها
اسيل "متعيطيش أحمد أخويا وميستهلش دمعه وحده من عيونك
سما"بس انا حبيته ليه بيعمل معايا كده
اسيل "بص يا حبيبتي مش كل حاجه بنتمناها بتحصل وبعدين مش يمكن ربنا بعدك عنه علشان كان ممكن مترتحوش مع بعض وان ربنا هيبعتلك اللى أحسن منه ربنا قال
(وعسى أن تكرهوا شيئا وهو خير لكم وعسى أن تحبو شيئا وهو شر لكم والله يعلم وانتم لا تعلمون)
طيب عارفه إن أهل السفينة عاشوا وماتوا، ميعرفوش إن سيدنا الخضر لما خرق السفينة كان بينقذهم من ملك ظالم..
ويمكن أهل الغلام فضلوا طول عمرهم بيدعوا على اللي قتل ابنهم..
حكاية سيدنا الخضر مع سيدنا موسى مش بس بتقول إن فيه حكمة إلهية في كل إبتلاء، لأ كمان بتقول " إن مش لازم أهل الإبتلاء يعرفوا الحكمة منه" ، ودا الاختبار الأصعب!
مش لازم تعرفى الرواية التانية للحكاية، عشان كده الصبر مش مجرد صفة محمودة، الصبر بيقصقص جناحات الإنسانية اللي بترفض التسليم بـ أمور متعرفش الهدف منها، الصبر معجزة. وربنا سبحانه وتعالى قال (وبـشـر الصـابـريـن)
والله ياسما بكره ربنا يكرمك بشخص مكنتيش تتخيليه هيحبك وهيحطك فى عيونه هخليكى تنسى كل حاجه
سما وهى تمسح دموعها "بجد انا بحبك أوى يا أسيل رغم أنه اخوكى وانا أخت جوزك بس وقفتى معايا أنا
اسيل"أولا اى أخت جوزى دى انتى اختى وثانيا انا واقفه مع الحق وشايفه أنك جوهرة متتعوضش وهو اللى خسرك بقولك اى قومى كده فرفشى وتعالى معايا اه نسيت اقولكم بكره هننزل علشان نجيب لبس للطفل ماشى
جنه "مش عارفه
اسيل بغمزه"هل لديك موعد ام ماذا
جنه "موعد اى
اسيل"زى مراد مثلاً
جنه "أقولكم على حاجه
اسيل"قولى ياختى سمعينك
جنه بابتسامة "مراد طلب منى احدد معاد مع أخويا علشان يجى بخطبنى
سما واسيل بفرح"بجد ألف مبروك جوجو
جنه "لسه لما اشوف تامر
أسيل"تحبى اتكلم معاه
جنه "لا مش ناقصة غيرت جوزك وبعدين انا هتكلم معها
اسيل"ماشى يلا بقى ننزل وانتى ياسما انا قولت لسليم انك عندك مغص فى بطنك فهمانى
سما "فضحتينى على الفاضي
اسيل بضحك"لا واى اخوكى بيفهمها وهى طايرة يلا يا ختى منك ليها ،نزلت أسيل وسما وجنه وجلسو بجانب بعض
،مر الوقت وذهب الجميع
كانت أسيل جالسه على السرير تحاول فك رباط الكوتشى لكن لا تستطيع بسبب بطنها
سليم بضحك "مالك
اسيل"زى مانت شايف مش عارفه اعمل حاجه بسبب البطيخة اللى انا شيلاها
سليم جلس على ركبتيه و فك رباط الكوتشى
اسيل "شكراً يابو آدم
سليم"الشكر لله يام حزلقوم
اسيل "سليم
سليم"قلب سليم
اسيل "عايزه حاجه حادقه كده او اسبيسى هتلى شيبسى
سليم"حاضر ،ذهب وفتح الدولاب واخرج الشيبسى
أسيل "انت بتعمل بيه اى فى الدولاب
سليم"انا كنت عارف ان هتتوحمى على الحاجات دى فجبتها احتياطى
اسيل "يااجمل زوج فى العالم
سليم"بس مافيش تانى علشان ده غلط
اسيل وهى بتاكل الشيبسى "ماشى
*********""""
عند خالد كان جالس ينهى بعض الأعمال على الاب توب
"محتاج حاجه اعملها لك
خالد "لا شكراً
لما"ممكن أقعد معاك
خالد "أقعدى
لما"خالد
خالد "اى
لما"تحب أساعدك
خالد أغلق الاب توب ونظر للما
"فى يالما مالك عايزه حاجه
لما"اه خالد انت لسه بتحبنى زى الأول
خالد "اى السؤال ده
لما"رد عليا
خالد "لا
لما بحزن والدموع تلئلئت فى عينها
خالد"انا اتخطيت مرحلة الحب انا بعشقك
لما بفرح"بجد
خالد "والله بحبك بس أول مره تفرحى لما اقولك كده
لما بتوتر"علشان انا بحبك يا خالد
خالد "اى قولى تانى
لما"بحبك يا خالد
خالد قام من مكانه وشال لما ولف بيها من الفرحة "وانا بموت فيكى يا عيون خالد
لما"وفى حاجه كمان
خالد "اى
لما بكسوف"انا عملت اختبار حمل النهارده وطلعت حامل
خالد بفرح "ده كتير عليا ألف حمد وشكر ليك يارب
**********"""""""""""
فى اليوم التالى
خرجو الفتايات ليتسوقو
اشترت أسيل ملابس لابنها وهم خارجين
اصتدمت سما بشخص
سما"انا آسفة مكنتش أقصد
"ولا يهمك يا آنسه سما
رفعت سما نظرها لتجد
حسام "عامله ايه ياسما
سما "الحمد لله أخبارك حضرتك اى وطنط مرڤد أخبارها اى هى وعمو منصور
حسام"اى حضرتك دى وياستى هم بخير كلهم بس متقوليش حضرتك دى تانى
سما بتوتر "بس حضرتك ضابط شرطة وليك مكانتك واكبر منى ميصحش برضو
حسام"انتى هتفضلى عندية ودماغك ناشفه متغيرتيش
اسيل وجنه "أحم إحنا إسفين بس لازم نمشى
حسام"حرم سليم الدمنهوري صح
اسيل"اه اعتقد حضرتك الضابط اللى انقذنا
حسام"اه
اسيل"تشرفت بحضرتك بس بعد اذنك لازم نمشى يلا يا سما سحبو سما وركضو للخارج
حسام كان واقف مكانه"متغيرتيش عن زمان ياسما ،اخرج صورة من جيبة"لسه زى مانتى انا عمرى ما نسيتك
**************
كان سليم قاعد فى مكتبه حتى دخل
حسام"سلام عليكم
سليم"وعليكم السلام ورحمه الله وبركاته حسام باشا هنا نورت يارجل
حسام"ده نورك عامل اى أنت
سليم"الحمدلله بس انت كنت مختفى وموبايلك مقفول
حسام"والله كنت فى مؤمورية ولسه راجع وكمان شفت مراتك وبنت عمتك وسما
سليم بضحك"هتفضل زى مانت مش هتتغير عنيك بتفضحك
حسام"انت عارف انى منستهاش
سليم"وانا وعدتك اثبت نفسك وانا اللى هجوزهالك
حسام"اذا كان كده انا طالب أيدها منك
سليم"أيدها ولا رجلها
حسام"لا ودانها
سليم"طيب ما تخدها على بعضها عرض ومعاه برفيوم
حسام"انا ماشى غيرت رايي ومش هتجوز
سليم بضحك"خلاص تعال انت معزوم على الغدا العشا النهارده ومافيش مجال للرفض ده امر
حسام"علم وينفذ يا باشا
*****************
دخل الفيلا هو وحسام رحبت بهم فريده ف حسام كان من الجيران القدماء وصديق طفوله
جلسو على السفرة كان الجميع يتناول الطعام
سليم "بما أننا متجمعين عايز اقولكم حاجه
فريده"قول
سليم "حسام طبعاً عارفينه من زمان ومش محتاج سؤال هو طلب ايد سما منى
،وجه نظر لسما"اى رائيك ياسما
سما نظرت ل حسام "ظلت صامته مم جعلهم مستغربين لكن حسام رغم صلابته إلا أن قلبه ينبض بسرعه خوف من رد سما طال صمتها لنصف ساعة
لتردف بعد صمت طويل"انا !!؟؟؟؟؟؟
#انتِ_ملك_قلبى
#بقلم_غاده_على
#الفصل_الواحد_والثلاثون
*الفصل قبل الأخير*
أنت تقرأ
انتِ ملك قلبى
Storie d'amoreقصة فتاه ملتزمة تحلم بحياة سعيدة لكن القدر له رائى اخر وستقع بين قبضة شيطان ترى ماذا سيحدث لكليهما هى شخصية قوية وعنيده وهو لا يستطيع أن يقف أحد فى وجه سيتقابلان وتنقلب الموازين رأسا على عقب
