منقذي و قاتلي

نَــضرة 7

انه الـ كلش صعب بس سهل من الگاك
انه الـ ما ينعبر بس يقبل تعبرة

......

منقذي وقاتلي
نجمة وگمر ✨♥️

....

انسدت الباب بوجهي بكل قوة

وحسيت شي دفعني بقوة طفيفة

ما كانت عندي ردة فعل غير الصرااخ بأعلى صوتي

الدخان الي ملى الغرفة

أذاناتي الي بدة طنين بيهن وعيوني الي غوشت
والدوار الي ذبني للكاع كان شي مو طبيعي ابداََ

اسمع صوت ناصي يكول انتي ورة الباب راح اكسرها

غمضت عيوني لان حسيت نفسي بسكرات الموت

احاول افتحهن من جديد واندفر الباب بقوة ونفتح

فجأة..

أختفى كلشي ماعدا الدوار

دخل قسور وهو عاقج وجهة وبين خايف بين متعصب تقرب عليك ومروة واكفة تبجي وترجف

بعد شعري عن وجهي ورفعني من اكتافي

_بيج شيي!!؟ شصار احجي

_ماادري ماادري شصار الباب وحدها نسدت و و ودخان اي هنا دخان اسود جان هنا والله

حجيت ولساني ثكيل كلش

هو كأنما يعرف هالاعراض صار يدور عيونة بهدوء ودقة بالمكان

_مروة تحركي لَمي غراضجن متضلن هنا بسرعة احسب ثواني

نهضني من اكتافي

وسألني هم اكو شي تقرب الج

_لا بس كان
يم  الباب اي

_زين حسيتي مثل النار بعيونج وكف رجلج

_لا لا؛ ابد بس طنين اذاناتي وراسي دوار

التفتت لمروة لكيتها تلم بالغراض بالجنطة

وهو انتبه لنفسة هدني وابتعد عني

اني هم جريت شالي وحطيته على راسي
ومروة بلحظات كملت

هو فتح الشباك وضل يباوع

التفت كال كملتن!؟

_لوين حنروح؟

التفت خزرني ونتر كال معلليج انتِ

اني تفشلت وكمت من مكاني

وكفت بصف مروة الي ردت
_كملنا

_ما ناسين شي ترى ما ارجع بعد ابد

_ لالا ماعدنا اي شي

.....

شقة صغيرة نوعاََ ما شبه قديمة
بس كيف ما يكون هي صالحة للسكن وافضل من هذيج