منقذي و قاتلي

أول مَـوت 3

مدري ليش ألگاك موتي وماا أهدك
ومدري ليش أتبيعني لـ حزني وأودك.
......... َ

.....

اجتي مروة كعدتني فتحت بسرعة

_هااا صباح الخير كعدي يلة الساعة ب11

نهضت روحي وكمت اول مرة بحياتي اتأخر لهيج وقت
قبل نورس متخلينا نايمين نكعد وية الاذان ومنتأخر دقيقة

_كعدت وية الاذان والباب كان مقفول ليش عود

_ماادري يلة. كومي

كمت غسلت وجهي ومشطت شعري ولبست تراك طويل
لان ابد ما ارتتحت لا لزوج امي ولا لابنه بالإضافة إلى ان هذا حرام مال اطلع كدامهم بالبس مال بيت

نزلت لكيت نصهم نايمات اذا مو كلهم

بس اني ومروة ورغد والولد

رغد دسوي ريوك وتحجي بالموبايل

اني شفت الصاله كابة هووسة شكبرها صاير بيها حرب

رحت للمطبخ اخذت كيس نايلون

ورحت للصاله هضيمة شكد الغراض بيها حلوة ومرتبة وغالية وكبيرة بشكل مو طبيعي
بس وصخة ومهوسة
عزا لو هاي مال نورس جا هسة خلتنا نمسحها بشعر روسنا

لملمت الاكياس مال الاكل و الكرزات وبقايا الجكاير واكو اكل ع الطبلات من البارحة باقي وبطاله اشكال غريبة
وبي محتوى وعلية كتابة انكليزية ماعرفتها اصلاَ

صحت لرغد كتلها هذولي شنو ذب

كالت ايي مشكورة فدوة نضيفيها وذبيي كولشي اني ميته تعب دروح انام

لملمت كلشيي وطلعتة

ورتبت الكوشات ورتبت الطبلات

صاحتني مروة

اكلنا اني وياها ورغد اكلت شوية وكبل راحت نامت وكالت حبابات نضفن البيت باحر هم يجي صخام مهيمن
وهذا الولد لبس وراح للمدرسة

مروك كامت تعزل بالمطبخ واني رجعت للصاله

كنستها كلها ومسحتها ومسحت الغراض

وحطيت بيها معطر

اجتني مروة باوعت بيها ضلت مصدومة

_ولج هااي شبسرعة اني اتشرد منها ينرادلهايوم كامل متنضف

_يمعودة كولي غيرها

_ههههه والله نادرة رهوف

نضفنا البيت كلة ومروة تتكاسل

ضليت اعلم بيها متعرف شي بالتنظيف
كتلها تنضيفج كلة كلاوات
وهيَ كوة تريد تكعد

وبطلاع الروح كملنا