منقذي و قاتلي

حُــزنٌ عَــظيم 10

                   كمت ما ادري اروح لوين
               اطب للبيت أحس شلون الملاگيك
               غلطتي بكل مكان ببيتنا محاچيك
                   ✨✨✨✨✨✨
 

منقذي وقاتلي 10
للكتابة نجمة و گمر..

.

رجعت دخلت للشقة وضليت كاعدة بس احس ممرتاحة ابد

وقت جية مروة ولازم تكون هسة بالبيت رنيت عليها اكثر من مرة جهازها مغلق ماكو ضل بالي يمها

كمت اصلي

رن تلفوني وكان رقم غريب فتحته اجاني صوت قسور

_رههفف مررروة بالبييت؟؟؟؟؟

_هووو وقت رجعتها بس تأخرت هواي ومدا تفتح جهازها مغلق
وبالي كلللش مشغول عليها والله

_لاياربيي روحي رهف ومثل ما كتلج قفلي بابج وكعدي

_شصاير قسور الله عليك فهمني

_ماكو شي بوية مثل ما كتلج سوي

_سد الاتصال وراح واني انشغل بالي اكثر واكثر

رحت توضيت حتى أصلي

بأستعجال خلصت صلاتي لان متوترة وخايفة حيل

ضليت كاعدة والخوف سيطر علية

المفروض هسة تكون بالبيت

ضليت اتصل عليها وميفيددد مغلق

طفيت الجهاز وضليت كاعدة وادعي ترجع  بالسلامة

مروة مو من عوايدها تتأخر ولا دقيقة
اول متخلص شغلها تجي ولا تتعطل ابد
واذا كان عدها شي ف تتصل بية كبل وتطمني عنها

رجعت اتصلت بقسور

وما فتح عليه

ضليت افتر وادعي اندك الباب كللش فرحت ركضت علية
طلعت طفلة جيرانه كالت خالة امي دزتني على ثوبها العندج تكول خلصتي؟

انطيتها ثوبها وراحت وضليت قلقة وزاد الخوف بداخلي

صارت الساعة 8:00 بليل واني كلبي صار نار

.رجعت اتصلت بقسور

كبل رفضه

كعدت ابجي من الخوف احس جسمي كلة يرجف

ياربي بس رجعلي مروة بالسلامة

اندك الباب كمت بسرعة علية فتحتة

شفت قسور متكأ ع الحايط واكو بدشداشته دم
كان لونها ابيض وصايرة من الوسط كلها دم
وعيونه محومرة

حسيت رجليه ماتن وكبل كعدت بالكاع ماكدرت اوكف وكل ذرة بية ترجف

دنك علية نهضني

كتلة مَــ روة وييبيينننها

_استشهدت بالانفجار رهف
حجاها وبجة