رواية انتقام لي صديقة (حقيقية) روايات ليبية

حلقة 2

#رواية_انتقام_لي_صديقة
#للكاتبة_سوسو_الشريف
#قصة_حقيقية

#الحلقة_الثانية

وجا اليوم الي بعده..
مشا يوم دراسي عادي مفش اي شي...وكان ياسر كالعادة ع الباب الخارجي للمدرسة...

كانن البنات ايهدرزن كالعادة ونادو علي سارة عشان اتروح💞...

وطلعت هيا وخواتها ابتهال الصف الثامن ونورة الصف الخامس...
ركبن في السيارة وحركو السيارة بس عطلت و وقفو قدام المدرسة مباشرة..

ابتهال:عليك فضايح ما قدرت تعطل الى قدام المدرسة عليك بخت😫..
نورة:جيعانه وعطشانه مش وقتها بكل نبي انروح نرقد تحت المكيف..

هنا قاعدات يشكن وكل اشوي واحد ايساعد في باتهن ويركب في السيارة ويقعد ايولع فيها وكل اشوي سارة ايكلمها باتها عشان اتولع وتساعد فيه لانها راكبه قدام..
وكلما يركب واحد في السيارة سارة تقعد تضحك ع المنظر وامعطيا وجها للجهة الثانية...
لعند ما جت عينها في عين واحد كان امصبي هو وصاحبه وايبحت فيها..
سارة معطاتش وجهه وخذت اميه شربت وغسلت بيها وجها...
وكمل باتها تصليح السيارة ويبي يركب السيارة يفتح الباب..
وفجأة تلقا حد خشش يده من الروشن و وجج الرقم هنا قلبها وقفف وخافت ايشوفها باتها معش عرفت شن ادير اول مرة حد يعطيها رقمه😳...
سارة اتفكر:شن اندير بيه الرقم انعدي نحرقه في الحوش ولا انقعه في اميه لعند ايتفتت ولا شنو ولقت باتها خش لي السيارة وجت الرقم بسرعة من الروشن..

وقعدت اتحاول اتكون طبيعية..
سارة طول الليل كانت اتفكر وحايرة شن الي مكتوب في الورقة مرات ميقعدش رقم...حاولت تنسا كل شي واتحاول ترقد

____"ســوسـو الـشـريــف💎"____

وبداية يوم دراسي جديد🌥️...

سارة ناضت في الصبح ومزال عندها فضول شن الي مكتوب في الورقة...
وفكرت في خطه اديرها عشان تاخذ الرقم...
طلعت و وصلها باتها هيا وخواتها للمدرسة..
سارة: مسكت محفظة ادواتي وكتاب حطيت فيه اوراق صغيرة وهكي ولما نزلت من السيارة وقفت علي نفس المكان الي عزقت في الرقم ودرت روحي كأنه طاحن ادواتي وانفتش واندور في الرقم بس ملقيتش🙂💔...اهم حاجة المجهود الي بذلته فخورة بنفسي اني حطيت خطة😎😂😂..

والبنات تلاقن وجوهن حلو...
سارة:بنات عندي لكن موضوع ح تنصدمن منه😍😂😂🔥...
ملاك:شنو؟؟..
ليان:الله عليك جو هيا احكي فيسع لنا زمان ع المواضيع المشوقة😂😍..
سارة:امس يحناتي بعد طلعت منكن ج...قاطعها جرس المدرسة..
نرجس:تو تحكيلنا بعدين توة خلينا انخشو تو ايهزبنا استاد الرياضيات..

الاستاد: هيا يا طالبات خشن لفصلكن...

وخشينا لفصلنا وكل وحدة فبنكها...
خذينا الحصص الاولى وجت استراحة الافطار...
والبنات بدن هداريز وطبعا شلتنا نست الموضوع ومجتش سألت وقعدن سارة ونرجس ايهدرزن برواحهن...
نرجس:هيا احكيلي شنصار حسك شوقتيني😂..
سارة: يحنه امس صارر..وقعدت تحكيلها شنصار...
نرجس:حي علما اتبصري😳...
سارة:وحق الله كل الي حكيته لكي صار و مكذبتش بحرف🙂..
نرجس:ينعلي باهي الي ماشافك باتك 😳🔥💔...
سارة:انا انقولك قريب طحت عليهم من الخوف ومعش عرفت شن اندير بيه قعدن افكار غريبه ايدورن فراسي تميت انقول اندسه ولما انجي للحوش نحرقه ولا انقعه في اميه لعند ما ايتفتت😂😂😂😂💔...
نرجس تضحك: هظا وقت تفكير توة اعزقي وانهي القصة😂...
سارة: وربي خلاص بابا فتح الباب ونا انوج الرقم من الروشن😂...ينعلي نا فجعني دكك يده من الروشن معش عرفت نستوعب الي صار😂💔...
نرجس:ينعلي عليك فجعه😂..
سارة:عارفة من منظره باين فيه صويع من حركاته ونظراته وتصبايته😂عارفة عيونه حلوات بكل ويقعد يلمس في حنكه وهو امطبس وايبحت بعدها قعد امصبي وايطلع في ورقة وقلم ومزال ايبحت معش حود عيونه بكل😂😂💔..
نرجس: حيحي ع الجو ريت ما يطلع منهم عيال التاسع😂...بعد خطرها حتى نا عندي موضوع لكي🌚...
سارة:شنو احكي؟؟؟؟
نرجس:هو صاير من قبل بس انسيت انخبرك..
سارة:معقوله له فترة ومخبرتينش؟..
نرجس:🤷🏻‍♀️...خلاص خليني نحكيلك يحنه انا ليا كم يوم في واحد ايبحت فيا وخلاص وكلما انبحت فيه نلقاه ايبحت وهذك اليوم كنت طالعه نا وباتي من المدرسة ونا نرجا في باتي لانه قاعد يحكي مع الاستاد وهو كان بجنب الباب الخارجي للمدرسة كنت انبحت عادي ونلقاه هو ايبحت فيا انحود عيني طول ومرة اخرى بحتت فيه غمزلي...

سارة:كذابة حي عليك عليش اتبحتي فيه تو يحسبك اتحبيه...

____"ســوسـو الـشـريــف💎"____

سارة:كذابة حي عليك عليش اتبحتي فيه تو يحسبك اتحبيه...
نرجس:نا مبحتش فيه نا لا اراديا بحتت في الباب بس عادي وقاعدة نرجا في باتي....
وانبحت فيه من غير قصد يغمزلي🤷🏻‍♀️...
وهو معاي في التقوية وايبحت فيا وخلاص لعند نقعد متلبكه من نظراته معش نعرف انركز في قرايتي..
وعارفة يا سرو ايهبلن عيونه وهكي اتحسي عنده شخصية 😂😂...
سارة:من ورانا يا نيرو معقوله مخبرتينش من قبل باهي قتلك امتى حقيتيه. 
نرجس:الايام هذين ...تو انوريه لكي كان قابلني..
سارة:تمام...
وقعدن ايهدرزن وايبحتن في الباب شوي ايجي..
نرجس:اهوه سفتيه هظا هو...
سارة:كيف انضني حتى نا شفته الي حكيتلك عليه🤨...
نرجس:كييف؟؟
سارة:لا اكيدة مشفتش كويس تو بعد يرقا ح اتوريه ليا...
مر اشوية وقت ورقا..
وفنفس الوقت نرجس وسارة شيرن عليه...
نرجس&سارة:اهوه🫵🏻..
وبحتن في بعضهن مصدومات😳...
وعاودن شافله وهو ضحكلهن😂😳💔... وقعدن ساعة ايحاولن يستوعبن الي صار..
سارة:كيف هكي قصدك يلعب ع الاثنين🙂😂💔...
نرجس: حسني استكيت🙂💔...
سارة:لا بس اللقطة امتاع نا وياك شيرنا عليه فنفس الوقت وبحتنا فبعضنا وبحتنا فيه لقيناه يضحك😂😂😂...
نرجس:😂...واحد حيوان الي اسمه ياسر🙂
سارة:وانتي من وين تعرفي اسمه يا فانص🙂..
نرجس:ماهو يقرأ معاي في التقوية يا غبيه...
سارة:اها صاح انسيت😂😂...
(طبعا سارة كانت دايرة الموضوع بصارة بس متعلمش بي نرجس الي قاعدة نار الغير تشعل جواتها)

وكمل الدوام ونزلنا للساحة...
وقعدن ايهدرزن..
وحكينا للبنات اخر لقطة صارت...
سارة:صقع عليكن بيش تعرفن انا ونرجس ف كل حاجة كيف بعضنا حتى بعد حبنا واحد حبنا مع بعضنا انا ونرجس ضرات😂😂😂💔...
ملاك: خزي باهي خلني معاكن ونحن طايح سعدنا مفش حد ايبحت فينا 😂😂..
سارة:تمام تمام تو انكلم قوزي ونحكيله ع الموضوع😂😂
نرجس: قصدك زوجنا نحن الاثنين😂....
وقعدن ايهدرزن بعدها سكتن..

سارة:بنات العيال وين؟؟
نرجس:عندهم علوم توة في فصلهم..
سارة:اها ان شاءالله يطلعو قبل منروح...
الاستاد:سارة### اطلعي باتك جا...
سارة:خسارة تو انروح قبل ما نشوفه😂😂..
سارة:طلعت ونا ندعي ياربي تعطل السيارة اخرى اليوم وانشوفه وايوجلي ورقة عندي فضول نعرف شن كاتب فيها مرات كلام اخرى غير رقم😂😂🙂...

وطلعنا وفعلن عطلت السيارة وقدام المدرسة مباشرة وهو طلع وشفته وقعد ايبحت.. امقعمز بجنب الباب وايبحت فيا ونا دايرة روحي مشفتاش...

#يتبع
Inst:"💎ســهـى الـشـريــف"
sahawi_66