منطقة الحُب

الحلقه الثاني عشر

بارت12
لقد كنتُ أرى العالم كُله في
عينيكَ ‏لكنكَ أثَرت عمَاي
‏لم يكُن بمَقدوري منعكَ
‏أو بالأحرى لم
يَكُن لي الحق في إيقافكَ
‏ثمَة غَصة في القَلب
ونُدبة في الروح ‏وضَياعٍ كبير
‏لم أعد أعلم على أي وجَع
سَأتكئ وكم جَرح
في داخلي سَيظل صامداً
في وجَه النَزيف.
*************
قراءة ممتعه

ام شاهين _يمه على سالفة خطابة طيبة نردلهم خبر لولا

شاهين_كليلهم موافقين

طيبة_فتحت عيوني بصدمة وبداخلي فراشات يركصن
باوعلي شاهين سويت نفسي طبيعيه اكل

شاهين_بس بشرط فترة الخطوبة تطول لازم تتعرف عليه بشهرين شلحك يحبها حتى لو تطول سنه المهم هيه مرتاحه وتكون جاهزه لاخر حبة

ام شاهين _يمه وحجي الناس شنو سنه

شاهين_*** بالناس شعلينا بيهم همه من يك** هم نحجي يايمه كلشي وحطيتي الناس مستقبل بنتج منو يفيدها الناس

طيبة_هزيت راسي
طلع شاهين وامي اتصلت على ام ايهاب وحددو موعد الخطوبة صعدت فوك اتصلت على فاطمة فرحاااانه

فاطمة_نايمه بسابع حلم ودفرتني نور ببطني
اخخخخ وهرش

نور_تلفونج سدي لاحطه بحلكج مو نايمين

فاطمة_جاوبت واني نايمه الو منو

طيبة_ها فطوم اني طيبة

_ها طيوبه

_شاهين وافق وراح يحددون موعد الخطوبة

_كمزت من الفراش جذاااابه

_والنبي فاطمة اني كلش فرحانه فراشات بمعدتي

_ضحكت بفرح عساها دوم يارب
ايهاب درة ؟

_لا تعاركنه البارحه جوز هسه نايم كال مراح اداوم

_لبست نعالي وطفرت روحي هسه اصورلج رد فعله خلضحك علي

_هههههه ماشي على كيفج لاينجلط

_ضحكت وسديته فتت لبيت عمي همه بنفس الحايط همه وبيت عمو سلام
عمتييييي

ام ايهاب_ها فطيم

_ايهاب درة لو بعده

_هههههه لا بعده نايم

_هسه اكعده بطريقتي
اخذت كاسه مي وصعدت فتحت الكامره ثببتها وفتحت الاضويه شفته نايم على بطنه والمخده بجهة والفراش بجهة تقربت كبيت عليه مي وجان باااارد
فز ووكع من الجرباية وعاط بصوت رجع الغرفة