منطقة الحُب

الحلقه العشرون

بارت20

يا من ملكتم مهجتي بهواكمُ
بالله رفقاً ارحموا خفقاني
ماكنت ادري ما الغرام وما الهوى
حتى تضرم فيكم نيراني
قطعتمُ بسيوف الهجر اوصالي
والحب هز جوانحي وكواني

‏"كمْ مِنْ كلِيمٍ شَكا لِلنَّاسِ لَوعَتَهُ
‏فزادَهُ النَّاسُ وَجْدًا فوقَ مَا وَجَدَا"

‏"أُضِيءُ لك العُمْرَ الذي طال ليلُهُ
‏فتطفِئُني! يا بِئسَ ما أنت فاعل"
**********************
قراءة ممتعه....

طيبة_مرت الايام والبيت وحشه اني وزينب نتصفن بوجوه بعض لان تبقى اختنه سنين احنه سوا وعينا سوا اما امي يوم ويومين وسدت موضوعها بعد ماعرفت شسوت لغتها من حياتها
شاهين يجي يسبح ويبدل ويطلع منعرف وين وهيج مشت الايام

فاطمة_مر شهر وبديت اداوم لان اجاني انذار وشاهين مااشوفة هواي لان دوام ونوم وآكل هذا روتيني بس من ارجع مرات اشوف سيارته بالباب

بيوم رجعت من الدوام اني ونور وهية دخلت لبيتهم واني رحت لبيتنه بدلت وامي جانت بدوامها وابوي هم كعدت اكل بملل كملت آكل وبقيت احوس
_اوفففففف هسه ليش اريد اروحلة شنو حلالي الوضعععععع
لبست كبوس الهودي ورحت جان عندي حساس بس اريد اروحلة
دكيت الجرس اكثر من مره يلا طلع
جان لابس بس فانيله سوده وبنطرون اسود وعيونه حمر

شاهين _ها فاطمة

فاطمة_هاا... سمعت صوت طفله تبجي وتشهك
اكو احد يمك؟

شاهين_اي تعالي بعدين

فاطمة_ فتحت عيوني منو يمك حسيت الوضع غريب

شاهين_محد

فاطمة_جان واكف على عرض الباب حتى ماادخل
دنكت وفتت من بين ايديه

شاهين _عطت فاطمة بطلي فضول

فاطمة_ماابطل دخلت للصاله شفته بنيه مقرفصه بالزاويه صغيره يطلع عمرها 10سنوات ووجها احمر مطبوع عليه راشدي وشعرها مبعثر وتبجي بخنيك واضح تخاف تبجي حتى وتشهك
حجيت بصدمة هاي منو شاهين

شاهين_ماعليج اطلعي

فاطمة_تقربت الطفلة كعدت بمستواها لزمت وجها حبيبتي شو باوعيلي
باوعتلي وتباوعلي بنضرة توسل
_عطت شاهين هاي منو!!!!!
ماجاوب بقى كاعد بكل برود