احببت مغتصبي

الحلقه التاسعه 9

جيت قعمزت علي السرير وشفت الساعه القيتها الساعه 1:30 اتفكرت كيف أمان خطبني وكيف مشي هدا اليوم من غير لا امي ولا بوي وتفكرت كل شي قعدت نبكي بكل جهدي ونكرر في كلمت يربي ..
حرفيا ساعتها كانت الدنيا ضايقه بيا ..
.. خش أمان لي دار لارين وسكر وراه الباب بالمفتاح وقعد يشبح لي لارين ...
لارين ... قامت راسها اول ما شافت امان واقف قدامها الخوف سيطر علاها ..: اااا .. أمان 😨😨
أمان .. قرب من لارين ..: ليش خفتي ... متخفيش بش ح ندير شي بس جاي نبي نقولك كلمتين وماشي ..  اسف علي كل شي ح تشوفيه معاي
لارين : شن قصدك؟؟
أمان : تو بعدين تفهمي شن قصدي اه صح نسيت لون الأحمر طالع عليك حلو  ..  وطلاع...
لارين...  أول ماسمعت كلام أمان زاد الخوف عندها أكتر وكتر ومكانتش عارفه شن مستنيها القدام...
ـــــــــــــــــــــــــــــــــــــــــــــــــــــــــــــــــــــــــــ

تاني يوم...

أمان...  نضت الصبح علي صوت تلفوني..
_ الو مني معاي
أدهم : مشاء الله عليك قاعد راقد تي نوض ياسرك نوم
أمان : تمام أهو نايض...
نضت خشيت لي الحمام ( حشاكم) غسلت وبعدها لبست حوايجي...  وطلاعت
أمال : تعال أفطر معانا
أمان : لالا بنطلاع بنمشي لي أدهم من أنبكري يتصل بيا
أمال : باهي تعال كول حتي شوي
أمان : لالا كولو انتم تو ناكل مع أدهم
أمال : تمام
أمان.. يلبس في سبيدروه.. : بوي طلاع
أمال : اي طلاع من الساعه 8
أمان : تمام هي سلام... وطلاع
لارين..  بصوت واطي..:  ان شاء الله دير حادث في الطريق يرب
أمال : قلتي شي
لارين : اي قتلك صبيلي شاهي
أمال : حاظر .. اي صح خديتي دواك بتع الصبح ولاه
لارين : اي خديته وعندي واحد بعد لاغدي وبعد لفطور
أمال : تمام
ـــــــــــــــــــــــــــــــــــــــــــــــــــــــــــــــــــــــــــــــ

أمان : صباح الخير
أدهم : صباح الورد وين هدا كله نوم
أمان : اي تعرف خدي في عيني النوم ورقدت..  اي قولي هما إداخل
أدهم : اي الداخل بس ميعرفوش هما توا عند مني
أمان : كويس تعرف من أمس ندور في شي نفش غلي فيه...  وخشو
.
.
.
.
الهاشمي : ااااخ بس لو نعرف مني بس
أمان ... اشر لي الولد الي كان واقف ينحي لقماش الأسود الي كان علي عيونهم ..
أالهاشمي& حكيم ... نصدمو اول ماشافو أدهم أو أمان واقفين قدامهم
حكيم ... بصدمه ...: لا مستحيل تكونو انتم السبب في كل شي صار
أمان .. ضحك علي جنب ..: هههه لا متنصدمش 😏
الهاشمي : كنت عارف من الأول انكم السبب في كل شي قاعد يصير
أدهم : والله طلاعت شاطر يا الهاشمي وحنا منعرفوش 😂
الهاشمي : معاك الحق تتسهوك ماهو كان بش رابطيني راهو وريتك كيف شكلها لبصاره 😡
حكيم : انتم ليش درتو هكي شن هوا السبب
أمان .. طلاع صورة قيس ..: هدا تقريبا تعرفوه من يكون
حكيم : قيس
أدهم : بضبط قيس اهو طلاعت تعرف
الهاشمي : وانتم من وين تعرفوه قيس
أمان : كيف تبينا منعرفوشي وهوا خونا أو صحبنا وكان نصنا التاني
أدهم : وانتم في يوم 25/7/2019 يوم عيد ميلاده خديتوه منا وقدام عيونا
أمان : وجي اليوم الي ننتقمو فيه منكم
_ فتح الشنطه الي كانت محطوطه علي الطاوله كانت كلها الات تخص التعديب ..
أمان : ح نخلوكم تكرهو اليوم الي جيتو فيه .. أدهم شن رايك انت تاخد حكيم وانا ناخد الهاشمي
أدهم : لا يا قنين انت تاخد حكيم وانا الهاشمي تعرفني من قبل متحلف فيه الهاشمي
أمان : تمام منتخالفوش ...
_________________________________________