معاذ : احجي ومنو منو متردين تطعنية غير زنبق
يثينة ،، ال ال ردت انطق اسمة بس اذكرت اذا كلت اسمة حزيد الحجي علية انتة مادخلك واذا عندك ذرة رجولة ودخل الشك بكلبك عوفني خلي يكتلني ويغسل عارة
عفتة ومشيت الداخل للبيت وركعت الباب حيل حسيتة يريد يتفلش صرت مثل لمخبلة افتر داير مداير نفسي واصابعي تخللت داخل شعري لمبلل شسوي بعد شسوي حتة من اريد اموت ميتركوني بحالي وميصدكون بية عايفين المجرم يتحرك براحتة ويعيش حياتة مرتاح وميعوفوني ديدمرون حياتي نزلت للكع وضليت اعيط بكل صوتي بس مدينزل دموع احس عيوني تحركني بس مجاي تطلع دموع قطع صوتي دكة الباب
معاذ ،، بثينة انتي بخير ليش دتعيطين بثينة اذا مرديتي اكسر الباب وافوت
بثينة ،،روح اللة ياخذك انتة وكل واحد حرك كلبي اللة ينتقم منكم
ركمت واني اتعثر صعدت الغرفتي طلعت ملابس واني ارجف رحت سبحت ودخلت الغرفتي مندون مامشط دخلت لفراشي واني ارجف حسيت نفسي اغمة علية منمت
،،،،،،،،،،،
تالة
بعد مراحو زنبق وزهور احس البيت صار علية فارغ ثاني يوم جنت انضف وادندب بغنيتي المفضلة دخل علية معاذ وهوة مبلل
.هاي شصاير بيك ليش هيج مبلل
.مشي بسرعة بدلي وتعالي وياي
.هسة غير اعرف شصاير
صاح علية خلاني اكمز اروح ابدل بسرعة وجيتة
.انطيني تلفونج
.حضنت تلفوني ليش شتسوي بي مانطي
. انطينيا بدون نقاش يلة مد ايدة وهوة يخزر بية
.هاك بس ترى واللة اخذت اعز شي عندي ومراح اسامحك
. اتحركي كدامي البيت عمج محمد بسرعة
هرولت برجلية لان اذا ناقشت وسئلت ماخلص من ايدة لان عصبي مو مثل الياس يتناقش
وصلنة البيتهم دكيت الباب كلي مو منا الباب مقفول
. عزة بعينك معاذ تريد تعبرنة على بيت العالم وهمة مموجودين هيج ضاعت تربية ابوية بيك متوقعتك معا الاسف عليك عود انتة تريد تصير اب
چان يخلي بلطابوكات علمود اعبر وعاط بية اني راح اصعد علمود اتلكاج مناك وبدون لغوة زايدة يلة هوة طفر من السياج واني صعدت على لطابوك شفتة واكفلي كعدت على السياج
.بداعت امك وزنبق وابنك وكل عزاز كلبك ماريد اطفر راح اتكسر
.بت المسموط اطفري
.ما ما اخاف
. هسة شلون تريدني اشعل العشيرة كلها لج اطفري اني الزمج
.ماثق بيك
.فتة عيونة ايا طايحة الحظ وعود اني اخوج
. اليطفر على بيت عمة وهمة مموجودين ميتأملة تعذرني خوية
ماشوف الة سحبني من رجلي حيل ونزلني
ردت تموتني ليش ولك بايكة ورثك حتة الورث تنازلت بي للياس انتة روح متستاهل
