أسيـرة "داعـش"

part 22

#أسيرت داعش

#الكاتبه اسينات

البارت الثاني والعشرون /22

لا تنسون التصويت وتعليقاتكم ومتابعه للحساب

بسم الله الرحمن الرحيم 🤍.

••••••••••••••••••••••••••••••••••••••••••••
طب عمار يضحك للغرفه يحجي وما منتبه عليه نفسه ما متغير بس صاير اضخم من قبل شوي وباعلي صافن ابتسمت كتله

:-شلونك عمار

:-هاي منو بس لا ورده صدك جذب ...سكت هدور فتح عيونه ضحك

:-اي والله لك حسن هاي ورده دخليك يا علي ... اتقرب واني اضحك وعيوني مدمعه وهو يحجي

:-ولج ورده خويه وينج ام حلك الاعوج دورنه عليج هواي وما لكيناج وين وليتي

:-هههههه عمار ..اجه يمي يباوعلي ومضيك عيونه واني اضحك لزم اصبعي وصار يدور بيه بحيث دخت من كثر ما دورني واني ميته ضحك

حسن:- كافي ..مرضه عمار يفر بيه اخر شي صاح بي حسن عافني يضحك يباوعلي مسحت عيوني

عمار:-ولك حسن دشوفه مو مصدك والنبي

حسن:-حتى اني من شفته مصدكت ..ضحك عمار

عمار:-ها اكول ليش تكول خلي نبقى ببغداد هههههه

حسن:-نجب كافي هههه

ضحكت :-اي شلونك مشتاقتلك

عمار:-بويه والنبي اني هم كل يوم نحجي بيج ودورنه عليج لحد ما تعبنه

سكتت

ورده:-اي اجيت لهنا ..ضحك

عمار:-اي ام حلك صارت دكتوره

ورده:-ههه اي

عمار:-كفوو عليج يله تعالي عالجيني كلبي يوجعني ..ضحكت ضربته كعدنه واني بس اضحك باوعت للساعه كمزت وكلت

:-عزززا نسيت نوره

حسن:-شكو

ورده:-لا بس وعدته اليوم نروح نجهز اني وياه للجامعه على طلب من ماما

عمار:-نوصلج

ورده:-لا سيارتي هنا

صفن بيه
عمار:-بويه انتي تشكين الكاع ضحكت اخذت جنطتي احط بيه غراضي احجي

:-اي بعد اتغيرنه ..نزعت الروب جنت لابسه بنطرون وقميص اسود وماروني وحاطه مكياج باوعلي حسن كال

حسن:-هيج طلعين

ورده:-اي ليش

حسن:-مو قصير