أسيـرة "داعـش"

part 38

#أسيرت داعش

بقلم :-الكاتبه اسينات

لا تنسون التصويت وتعليقاتكم بين الفقرات ومتابعه للحساب

بسم الله الرحمن الرحيم 🤍.
•~••~•~•~•~••~•~•~••~•~•~•~••~•~••~•~••
مشهد من البارت السابق لحتى تتذكرون الاحداث

ضلينه واكفين لمن صار دورنه رحنه دخلت للقاعه ورسميا صرت زوجه حسن شرعا وقانونا ..

باوعلي وحجه وهوه يحاول يلمح

"مشتلي صار الي وعلى عناد الي ما رادونه نصير سوه "..

•~•~••~•
ورده

الدموع اتجمعت بعيوني احساس غريب لازم ايدي وشابكهم وهوه يباوع العيوني ويضحك شهكت من جرني وحضني ضحكت

من ضحكو كلهم اجر النفس كوه هيج من الفرح دفعني عمار وخرت منه حضن حسن يباركله وباركلي

عمار:-كلووش

ضحكت باركولنه والكل فرحان وصلنه اللمياء باوعله ورفع ايدي الي شابكه وي ايده وضحك وهيه محموسه وتباوعلنه صفح اخذني وراح

يركض ركبت بالسياره بس اني وياه وساق واني اضحك بكل قوتي اباوعلهم من الجامه يضحكون درت وجهي ما احس الا وشفته صارت على كصتي غمضت عيوني

:-مبروك حبيبي

باوعتله:-يبارك بيك حسنسن

ضحك شغل اغنيه جان انت روحي ونغني نوب طلع اغاني اعراس واني لازمه التلفون وأصيح

:-مو حلو ..لا انتضر هاي حلوه

هلهت وصوتي عالي اغني

الشوك بويه الشوك اخذني
عنودي ما يقبل يهدني
الشوك بويه الشوك اخذني
عنودي ما يقبل يهدني

نوب شكو اغنيه قديمه ردح تطلعه ونركص وهوه يفرفرني ببغداد كله واني فرحانه حيل واكمز واني كاعده وهوه يطك اصبع واصور ستوريات واحنه نغني والفرحه مبينه بعيونه اتصل عمار رد يضحك

:-ها لك كلووووشش

واحنه نضحك ومن يهلهل يموت ضحك

:-شوكت العرس ولكم اريد اكل بقلاوه

ورده:-بعد وكت

حسن:-نجبي بعد وكت شنو

عمار:-شوكت

باوعتله وحجيت بصوت ناصي :-شنو هوه بكيفك عرسي لو عرسك

حسن:-عرسنه اثنينه