أسيـرة "داعـش"

part 42

مساء الخير

أسيرت داعش

الكاتبه اسينات

لا تنسون التصويت وتعليقاتكم الحلوه بين الفقرات وتابعو حسابي الواتباد lrayh1234

•~•~•~••~•~•~•~•~••~•~•~••~•~•~•~••~•~•
عيوني دور على أنحاء الغرفه كلها الخوف متملكني واكو غصه بكلبي واكفه مجلبه واحاول اقنع روحي واجذب نفسي واكول حلم ماكو شي من هذا جذابين

حسن ما بي شي مستحيل يصير بي شي ما عندي غيره بس صوت الصياح اسمعه احس لا مستحيل أردت انزل اشوف شكو بعدين ركضت

نزلت بسرعه بدون حجاب اركض ركض بس اريد اشوف ليش جاي يصرخون ليش

اشوف عمتي ام حسن تلطم ومنتهيه والكل يبجي وخواته مكطعات روحهن وكل الي يطلع من حلكهن

:-اخويا ولك خويه ليش هيج سويتو بينه

احس هذا هو روحي راحت مجاي اتقبل الي جاي يصير

صرخت بصوت عالي يعبر عن شكو وجع بكلبي

:-مااا بييي شييي ميعوفنيي حسنن ميعوفننييي

كابلتني خالتي تدك وتلطم :-ولججج يمههه ما تهنيتيي ولجج دومج متعوببه شنووو من حظ عندج ولجج ليش حاسدنيكم

واني دمعه وحده منزلت من عيني وصافنه هذوله شبيهم مخابيل والله

:-ما بي شي يمعوده خاله جذب والله حسنن ميعوفنني

صاحت عمتي :-ولكك يمهه ولدي ولكمم بزررر بطني راح ولكمم يمهه ولديي راحو ولكمم يمههه ليشش هيج

رحت يم عمتي احجي :-ولج عمه ما بيهم شي يجذبون عليج

وهيه متسمعني تبجي احس كلبي حيل دياذيني اريد ارجع للواقع احس روحي بلحم

صرت اضرب خفيف على راسي واردد :-حلم والعباس لا لا ليتحقق ما اريد ماا ما احبب الاحلام راحو مني هواي ما اريد بعد ما عندي قابليه

لمحت الولد كلهم يبجون واني بس اباوع بالوجوه لمن لزمتني عمتي تحجي وتبجي :-ولج يمه راح رجلج ولج راح حسن ولج جهالي راحوو ولجج الي تعبت عليهم راحو مني

هزيت راسي بلا :-لا خاله مسوين بينه مقلب هسه يطب حسن ويطب ضياء شبيج هسه يجيني حسن واحتضنه هسه يجي عمار ونتعارك اني وياه

ضربت خدوده:-ياريتت ولججج يمههه ياريتتتت ولكممم روحييي راحت ولكمم راحح اموت ودوني يم ولدييي ولككك

اجه عليه إخو عمار وهوه يبجي وحالته حاله أكثر من شهرين محد يرد علينه

واني صافنه ضحكت بصوت عالي كلت :-لا يمعودين يله وين عمار يطلع يكول مقلب وين حسن يجي يرزلكم وين ضياء الي يضحك