حكايه سمر

عشيرة ابليس في هيئه بشر

-ادخلي استحمي ونزلي القرف اللي علي جسمك ده
ذُهِلت منال من طريقة المعامله في أول دقيقه من زواجها
وقالت: ماشي يا صلاح
ودخلت لتستحم قامت بتبديل ملابسها ولم تقول له شئ ولم تعاتبة علي طريقته السيئة معها كي لا تفتح باباً للشجار في يومها الاول . 
مر أول أسبوع وكان الجو بينهم إلي حد ما معقول ومنال كانت تتجنب اي موقف يؤدي إلى خناق معه
     _بعد الأسبوع الأول
نزل صلاح الي عمله (مدرس لغه عربيه في مدرسه اعداديه بنين )
وكانت منال في الفرقة الثانية في كليه التجارة وكانت تداوم في  الكليه اربعة ايام في الاسبوع وكانت غير معتادة علي شغل البيت ولازالت صغيرة لا تحتمل مسئولية البيت بالإضافة إلى دراستها فهي الفتاة المُدللله التي تعيش في بيت ملئ بالخدم اصبحت مسئوله عن بيت كامل ومن هنا بدأت المشاكل اليومية 
عندما عاد صلاح إلى المنزل وجد الطعام علي الطاولة مغطي ولكن منال كانت نائمة مرهقة من التعب فهي ليست معتادة علي هذه الحياة فهي كانت تذهب الي جامعتها بسيارة والدها وسائق خاص اصبحت الأن تذهب في زحام المواصلات وكانت ايضاً معتادة ان تعود الي المنزل تجد كل ما لذ وطاب من الطعام في انتظارها لكن الأن اصبحت هي التي تعد الطعام بعد عودتها الي المنزل وتعبها في الجامعه
-صلاح: مناال.. مناال انتي يا ست يا اللي في البيت
افاقت منال من نومها علي صوت صلاح وهو يناديها بحدة فأجابته بصوت مرهق
-ايوه في ايه
-في ايه؟! فين الأكل
-مهو قدامك اهو يا صلاح
-انتي بتسمي ده اكل؟ بطاطس مهروسه  وبيض وجبنة؟ ده اكل واحد شقيان طول النهار؟!
-اعمل ايه طيب يا صلاح م انا مش بعرف اطبخ انا عمري م دخلت المطبخ
-تتعلمي يا هانم.. يا اما ترجعي علي بيت ابوكي ولما تبقي تتعلمي تبقي ترجعي
اجابت منال بنفاذ صبر – م انا بتعلم اهو يا صلاح وبعدين م انا كمان تعبانه طول النهار في الجامعة وبعدين ارجع اعمل شغل البيت ولسه المفروض اذاكر
-وانا مالي انا ليا اني ارجع الاقي حاجتي جاهزة انتي سامعه دا ايه القرف ده
ثم تركها واتجه نحو باب الشقة ليقوم بفتحه
-انت رايح فين
-نازل اكل عند امي م انا متجوز واحده فاشلة في كل حاجة 
ثم خرج و قام بغلق الباب بقوة
نزل صلاح الطابق السفلي عند والدته التي كانت تعد اصنافاً من الأكل الشهي
- معلش يا حبيبي.. مهو انت بردو اللي مسمعتش الكلام  قولتلك بنات فهمي مينفعوناش
-غلطت يا ماما غلطت واديني بدفع تمن غلطتي
-وتدفع التمن ليه، م تطلقها وتتجوز واحدة تعرف تطبخلك وتدلعك
ثم اكملت بنبره سخرية
-ولا ناوي تقضي بقيت عمرك علي البطاطس المسلوقة.
نظر لها صلاح بخوف فأجابته قائلة
- اه م انا مش هفضل عيشالك العمر كله عشان تيجي تاكل عندي
قطع حديثهم دخول حليم المنزل (الأخ الأصغر لصلاح وكان في الصف الثالث الثانوي)
-ابيه صلاح؟ امال فين منال منزلتش معاك ليه
-فريال : تنزل فين دي منكدة عليه عيشتة دا حتي مش عارفه تعمله لقمة ياكلها
-واحده واحده هتتعلم.. م تعلميها انتي يا ماما
فقالت فريال بحِده
-ولد ملكش دعوة بالكلام ده وخليك في دراستك  سامع
-حاضر

في اليوم الثاني
بعد خروج صلاح الي عمله صعدت فريال إلي الطابق الثالث والذي به شقة منال ومن هنا تبدأ الدراما
-طلبت فريال من منال ان تعد لها كوب شاي بالحليب ثم اكملت بسخرية قائله " ولا محتاجة تتعلمية هو كمان"
-منال : لا خالص ثانية واحدة
تقوم منال بتحضير ما طلبته والدة زوجها وتعطها اياه 
-منال:. اتفضلي
-فريال : شكرا..
-منال: معلش هدخل أخلص كام حاجه في المطبخ وحضرتك مش محتاجه اقولك البيت بيتك يعني
-فريال : تسلمي يا حبيبتي روحي انتي عشان متتعطليش
تدخل منال لتكمل شغل المطبخ 
وتدخل فريال خلفها  قائلة
-بتعملي ايه بطاطس وجبنة بردو ههه
فأجابت فريال قائلة : لا يا طنط هعمل لحمة وبسله ورز
-طيب ابقي شوحي اللحمة كويس كده 
ثم امسكت بيد منال بشدة وهي تقلب اللحمة علي النار واخذت تقلب بيدها وتخبطها في اناء الطبخ وهو ساخن بحجة انها تعلمها ولكن بالفعل هي تعذبها  ثم  تركت يدها بعد ان شوهتها قائلة بسخرية :بس ياارب اكلك يعجب جوزك اصله مش بيحب العك اصله متعود على اكل المحترفين بتاعي  
ثم اكملت قائلة : انا هنزل انا بقا عشان سايبه الاكل على النار
ثم خرجت فريال من المطبخ لتتجول بسرعة في الشقة وتقوم برمي كل شئ علي الأرض لتقوم منال بإعادة ترتيبة ثم نزلت فريال الي شقتها وكأنها لم تفعل
عند ميعاد عودة صلاح من عمله
*في الدور الارضي:  قامت فريال عندما شعرت بعودة صلاح يدخل من الباب الكبير خرجت بسرعة والدموع تملأ وجهها
زُهِل صلاح من منظر والدته وهي تبكي
-في اي يا ماما خير
-فريال : هيجي منين الخير طول م انت متجوز الحرباية اللي فوق دي
   ____________
متنسوش تصوتوا للروايه لو عجبتكم عشان تشجعوني اكملها ❤️