حكايه سمر

عودة مبشرة

وبعد محاسبة صلاح وتوبيجة لمنال فوجئت بما لم تكن تتوقعة من صلاح
-صلاح بصوت حاد وعالٍ :مفيش كليه تاني.. هتعملي بيها اي يعني. هتشتغلي؟... معنديش حريم بتشتغل.
-منال بصدمه:.. بس ده مكانش اتفاقنا
-صلاح : وبردو مكانش اتفاقنا أنك تموتيلي ولادي
-انهارت منال في البكاء قائله : انا م موتهومش.. دول ولادي انا كمان مش ولادك لوحدك.. وبعدين ده قضاء ربنا يعني انا مليش دخل فيه
-صلاح : ونعم بالله ياستي. بس بردو مفيش كليه وخلص الموضوع
-منال : حرام عليك ده مش باقيلي غير السنه الجاية بس
-صلاح : ملهاش لازمه.. انتي مش هتشتغلي.. واقفلي يا منال علي الموضوع ده
-منال : بنبره حزن وبكاء: حاضر..
نامت منال في هذا اليوم  وهي منهاره علي ضياع مستقبلها وحلمها الذي حكم عليه زوجها بالإعدام وخاصه انها كانت في السنه الثالثة وتقديرها في السنين التي مضت كان امتياز...
استسلمت منال للأمر وجلست في المنزل مثلها مثل اي سيدة ...
بعد مرور خمسة أشهر
ذات يوم صعدت فريال لتجلس مع منال بعض الوقت
-فريال : طب انا هدخل اتوضي عشان أصلي الضهر
-منال : اتفضلي يا طنط
ورغم كل ما حدث من فريال وشوقي الا أن منال كانت تعاملهم بلطف  وكأنهم لم يفعلوا  اي شئ...
دخلت فريال الحمام وقامت بقطع الخرطوم الذي يصل من اسطوانة الغاز إلي السخان وقامت بفتح اسطوانة الغاز ثم خرجت وقامت بقفل باب الحمام
-فريال : انا نازله عندي شويه حاجات في الشقه عاوزه أعملها
-منال : طب أجي اساعدك
-فريال : لا شكرا شوفي انتي اللي وراكي وادخلي خدي شاور كده جوزك زمانه جاي
-منال : ابتسمت..  حاضر يا طنط لو احتاجتي حاجه ناديني
-فريال : ماشي
نزلت فريال تجلس في شقتها تنتظر الخبر الذي يسُر قلبها
انهت منال ترتيب المنزل ثم دخلت إلي الحمام لتستحم ولكن عندما دخلت اختنقت من رائحة الغاز ولم تستطع حتي ان تخرج واغشي عليها داخل الحمام
وعندما عاد صلاح الي المنزل استطاع ان يشم رائحة الغاز بمجرد ان قام بفتح باب الشقة واخذ ينادي منال فلم تُجبه فأخذ يتجول في ارجاء الشقة باحثاً عن منال
-صلاح : منال..  انتي ازاي سايبه الغاز مفتوح كده.... منال.. منااااااااال
اتجه صلاح نحو المصدر التي تأتي منه رائحة التسريب فيجد منال ملقاه في أرض الحمام
-صلاح : مناااال؟!، قام صلاح بقفل الغاز وحملها واخرجها ليضعها علي السرير وحاول افاقتها ولكنها لم تفيق ثم قام بتفحص نبضها ليجد نبضها ضعيف
قام صلاح بحمل منال ونزل يجري على السلم واخذها  في سيارة احد الجيران  بسرعه علي المستشفى
دخلت منال المستشفي في العناية المركزة
-صلاح : طمني يا دكتور.. في اي
-الدكتور: هو اي اللي حصل بالظبط
-صلاح : مش عارف بالظبط بس هي اختنقت من الغاز
-الدكتور : يبقي هو ده اللي سببلها في تسمم بس الحمد لله ربنا ستر.. وقدرنا ننقذها هي والجنين.. حمد الله ع سلامتها
-صلاح : منال حامل؟!
-الدكتور : أيوه وفي الشهر التاني كمان... انت متعرفش ولا اي
-صلاح : مذهول.. 
-الدكتور : الف مبروك... ومشي بعدها
تم احتجاز منال  في المستشفي حتي تتحسن حالتها
بعد مرور اسبوع
-صلاح : اي الأخبار يا دكتور
- الدكتور: اطمن بقت احسن الحمد لله وهكتبلها خروج النهاردة
-صلاح : شكرا يا دكتور
خرجت منال من المستشفي وعادت إلي شقتها
-صلاح : منااال.. بعد كده خلي بالك من نفسك.. انتي مش لوحدك
-منال : مش لوحدي؟! ازاي
-صلاح : أيوه مش لوحدك.. انتي حامل
-منال لم تصدق نفسها من فرحتها :... حاااامل؟!
-صلاح : أيوه...
         *****
  بعد مرور ثلاثة اشهر 
-فهمي: الوو.. إزيك يا منال
-منال : الحمد لله ازيك يا بابا عامل اي وماما عامله اي..
-فهمي: الحمد لله كويسين.. وصلاح عامل اي معاكي
-منال : الحمد لله يا بابا.. هتنزل مصر أمتي
-فهمي : هنزل كمان يومين جهزي نفسك عاوزك أول حد أشوفه في المطار
-منال : لا يا حاج انا هستناك هنا عشان عملالك مفاجئة وخبر حلو
-فهمي : مفاجأة اي دي..
-منال : هتعرف كل حاجه في وقتها..
-فهمي : ماشي ياستي.. سلام بقا دلوقتي عشان الحق أكلم فرحة أختك عشان تلحق تظبط أمور بيتها هي كمان
-منال : سلام
سافر فهمي الكويت بعد زواج منال بأسبوعين فهذه هي طبيعه عمله ولكن الأن اراد ان يأخذ اجازة ليقضي الوقت مع اولاده بمصر
في المطار
فرحه واولادها(محمد /هدير)تؤام منتظرين فهمي في المطار..
فرحه عندما وقع نظرها علي والدها فهمي هللت قائلة :  جدو أهو يا ولاد.. ثم هرولوا جميعا بإتجاه فهمي ليقوموا بإحتضانه
-فرحه: حمد الله ع السلامه
-فهمي : الله يسلمك
-رجاء: امال فين بقيت أخواتك يا فرحه
-فرحة: أسماء و وليد بيظبطوا الفيلا ومنال مجهزالنا مفاجأة هناك.. معرفش اي هي بس ربنا يستر (وضحكوا)
استقلوا سيارتهم واتجهوا نحو فيلا فهمي عبد الحميد
-منال : حمد الله ع السلامه يا بابا وحضنته.. حمد الله ع السلامه يا جوجو  (رجاء)
-فهمي : امال فين المفاجئة يا ست منال؟
-منال : بضحك وهي تشير إلي  بطنها.. والقنبله دي مش مالية عينك
ضحكوا جميعا .. الف مبروك مخدناش بالنا والله من فرحتنا برجوع بابا
- رجاء : يعني فرحانين برجوع ابوكوا وانا لأ.. أرجع الكويت تاني يعني؟!.. ماشي يا جزم
-فرحه : ازاي بس يا ماما ده انتي تاجنا
عاد صلاح  من عمله علي فيلا فهمي..
-سلم صلاح علي عمه : حمد الله ع السلامه يا عمي وحشتنا
-فهمي : الله يسلمك... الف مبروك صحيح
-صلاح :الله يبارك فيك يا عمي
-دخل وليد فجأه : الحق يا أبيه صلاح تعالي بسرعه...
_____________
ياتري ماذا يحمل وليد من اخبار ؟ سيئه ام ساره ؟