حكايه سمر

كيف لأخ أن يكون حاقدا علي أخيه

-دخل وليد فجأه : الحق يا أبيه صلاح تعالي بسرعه...
-صلاح وقف في مكانه قائلاً بقلق في ايه
-وليد: منال داخت ووقعت علي السلم
قام صلاح بحمل منال ووضعها علي السرير وحاولوا افاقتها مِراراً حتي فتحت عيناها لغاية ببطئ
-فهمي : انا طلبت الدكتور وجاي حالا
وصل الدكتور وقام بفحص منال
-الدكتور: مفيش اي حاجه شوية إرهاق بس من الحمل هكتبلها علي فيتامينات تاخدها طول فترة الحمل
-فهمي : يعني بنتي كويسه يا دكتور
-الدكتور: جداا المهم متعرضوهاش لأي ضغط نفسي ولا تعمل اي مجهود
-فهمي : حاضر
       *********
  جلس منال وصلاح في منزل فهمي ثم عادوا الي منزلهم  وحياتهم الطبيعيه والروتين اليومي  من عراك وخلاف ولكن هذه المره ما حدث كان أكبر بكثير من قبل
خرج صلاح إلي عمله  كالعادة وبعدها خرجت منال لتشتري بعض الأغراض للمنزل من السوق
وعندما كانت تنزل منال السلم قابلها شوقي وهو ينظر لها نظرة احتقار ويقوم بشدها بعنف من حجابها التي ترتدية.
-شوقي: انتي فاكره اني هسيبكوا تفرحوا واقف اتفرج... وضحك ضحكه خبيثة ثم اكمل وقال لها .. دا ع جثتي...
كانت منال تحاول بشده لكي تبعده عنها وهي تصرخ قائله: حرام عليك انا عملتلك اي عشان كل ده دا انا حتي بنت عمك يعني من دمك
- شوقي : ههههه.. وقام بضربها علي بطنها وهي تحاول تبعده بكل الطرق حتي دفعته دفعه قويه اوقعته علي الأرض لتنزل مهروله علي السلم وهي تمسك ببطنها خوفاً على جنينها ولكن شوقي لم يستسلم وقام ليلحق بها فوجدها خرجت الي الشارع
قام شوقي بقفل الباب الرئيسي للمنزل قائلاً  : ابقي وريني هتطلعي ازاي
بكت منال بشدة وكانت لا تعلم ما الذي يجب أن تفعله سوي ان تذهب الي منزل ابيها  استقلت منال إحدى سيارات الأجرة  واتجهت إلي منزل والدها وهي مُتعبة جداً ولا تشعر بما يدور حولها  وعندما وصلت امام المنزل حاولت مجاهدة نفسها ان تقف علي رجليها وتقوي نفسها حتي تدخل المنزل  وعندما دخلت منال المنزل ورأت البواب أشارت له بيدها كي يأخذها ويساعدها
-البواب: حمد الله علي السلامة يا ست منال
-منال : الحقني ي عم متولي .. بطني.. بطني ي عم متولي  ثم أغشي عليها
حاول  متولي إفاقتها ولكن دون جدوي  فأخذها داخل المنزل ليقوموا بإسعافها
-متولي: يا أم احمد تعالي بسرعه ست منال وقعت من طولها ومش عارف افوقها
اتت ام أحمد من المطبخ لتري  هيئة منال لتضرب بيدها علي صدرها بصدمة  وصارخة  رجت ارجاء المنزل قائلة :
-أم احمد: . ست منال؟
قامت ام احمد بوضع بعض الماء علي وجه منال ولكنها لم تفيق  ثم جعلتها تشم البصل اعتقاداً منها انه سيفيقها ولكن دون جدوي 
فزعت رجاء والدة  منال من صوت الصرخة ونزلت من غرفتها لتري منال مغشيه عليا ومتولي وزوجته يحاولون إفاقتها  فتصرخ بشدة قائلة
-: منااااااال بنتي اي اللي حصلها
-متولي: والله يا هانم م أعرف اي اللي حصل انا لقيتها داخله من البوابة الكبيرة شاردة وباين عليها التعب ومش قادرة تمشي وماسكه بطنها وبتقولي إلحقني وبطني وفجأة وقعت من طولها ومش عارفين نفوقها
-رجاء: اسماااااااااااء
-اسماء بفزع : .. نعم يا ماما في اي.. وقعت عينها علي منال.. فشهقت  قائله منااااااال مالها
-رجاء: أجري هاتي برفان من أوضة ابوكي بسرعه
-اسماء: ح.. ح. حاااااضر  ثم أسرعت لتأتي بالعطر من غرفة والدها
-رجاء:فهميي
نزل فهمي وهو تنتابة حاله من الهلع والفزع لما يسمعه من صراخ متكرر من كل اهل البيت
-فهمي : في اي يا رجاء مالك صوتك جايب آخر الد.. . ولكنه لم يكمل كلمته عندما رأي  منال بهذه الحاله مسطحه علي الاريكه ورجاء تبكي بجانبها
وقف فهمي  مكانه ولم يتفوه بكلمة
-رجاء : اتصل علي الدكتور بسرعه يجي حالاا.. انت سامعني.. فهميي بسرعه
اتجه فهمي إلي الهاتف الأرضي وهاتف الطبيب
-فهمي : أيوه يا دكتور لو سمحت تعالي بسرعه عندي البيت
-الدكتور : خير يا استاذ فهمي في اي
-فهمي : معرفش اي اللي حصل لمنال اغمي عليها ومش عارفين نفوقها
-الدكتور :طب انا جااي حالا
-فهمي : اسنديها معايا نطلعا اوضتها الدكتور جاي في الطريق
-رجاء : حاضر
طلعوا منال علي سريرها وقاموا بتغطيتها إلي حين ان يصل الطبيب  وكانت رجاء تجلس بجانبها تبكي قائلة
-:بنتي هتروح مني.. بنتي بتروح مني
-فهمي : أهدي بس يا رجاء ان شاء الله مفيهاش حاجه زي المره اللي فاتت هيطلع من الحمل
-رجاء ببكاء شديد :: يااااااارب
-فهمي : الدكتور وصل... اتفضل يا دكتور
دخل الطبيب وأجري الفحوصات للمريضة ولكن هذه المره كانت تعبيرات وجهه مؤسفة ومحزنه 
-فهمي : خير يا دكتور
-الدكتور : منال لازم تتنقل المستشفي حالا في خطر عليها وعلي اللي في بطنها
-رجاء صرخت :بنتييي 
تم نقل منال اإلي لمستشفي ودخلت العناية المشددة 
وعندما خرج الطبيب من غرفة منال وكان على وجهه بعض علامات الإرتياح
-فهمي: طمنا يا دكتور
-رجاء: بنتي فيها اي
- الدكتور : اهدوا يا جماعه احنا حطينها بس على اجهزه تنفس بس وهي دلوقتي تخطت مرحله الخطر بس الجنين حركته قليله تقريبا تعرضت لضرب لان الممرضه بتقول في اثار لكمات علي بطنها
-رجاء: شهقت وعنيها فتحت من الذهول،،معقولة؟ صلااااح!،،،اتصلي ع صلاح يا فهمي خليه يجي حالااا
-فهمي: كلمته كان ف الشغل وشوية وهيجي
صلاح وصل المستشفي
-صلاح: في اي يا عمي خير منال مالها
- رجاء: وانت مش عارف مالها! انت اللي بتسأل!  مش انت اللي ضاربها ع بطنها؟
-صلاح: ضارب مين! امتي! منال اللي قالتلك كده؟
-رجاء: الدكتور قال ان الممرضه شافت اثار لكمات علي بطنها هيكون مين ضربها غيرك
-صلاح: والله انا كنت في الشغل لسه جاي
-رجاء: امال هيكون مين يعني
-فهمي: بس يا رجاء كفاية مش وقته نتكلم فيه بعدين
بعد مرور ثلاثة ايام  خرجت منال من العناية وجلست يومين في غرفة المتابعة  في المستشفي تحت رعاية الطبيب وخرجت علي منزل والدها  فهمي
-رجاء: حمدالله ع السلامه يا حبيبتي
-منال: الله يسلمك يا ماما
فهمي ورجاء كانوا مع منال في غرفتها وكان صلاح يقف في احدي زوايا الغرفة
-فهمي: احكيلنا يا بنتي فهمينا اي اللي حصل وصلك لكل ده
-منال: هتصدقوني لو حكيتلكوا؟
-فهمي: انتي عمرك م كذبتي يا منال
-تنظر منال إلي صلاح بطرف عينها قائلة ،، في ناس مش بتصدقني ولا هتصدقني
-فهمي: قولي يابنتي انا مصدقك
-منال: كنت نازله علي السلم و……إلخ  قصت منال عليهم كل ما حدث لها
-رجاء كانت تسمع وهي في حاله ذهول وصدمة تسمع وهي تضع يدها علي فمها
-فهمي: طب اسمعوا بقا يا ولاد انتو مش هترجعوا هناك تاني انتوا هتعيشوا هنا في الفيلا...الفيلا واسعه وانا بسافر اقعدوا مع وليد واسماء وهنا الخدم وكل حاجه
-صلاح: بس يا عمي..
-قاطعه فهمي قائلا : من غير بس انا قولت خلاص انا مش مستغني عن بنتي المره دي ربنا ستر
-صلاح جعل نظرة  في الارض خجلا من عمه قائلا : اللي تشوفه يا عمي
بعد مرور شهرين سافر فهمي ورجااء إلي الكويت مره اخري 
-كانت منال تصرخ وتقوم بهز صلاح الذي هو غارق في نومة قائلة : ااااااااه اااااااه الحقنيييي