عند رضى لي لايقل عن خيال طريقو كولو لدار وداكرتو كترجعو لشنو وقع .. تنهدد تنهيدة طويييلة كتعبر على مدى تعبو وإرهاقو.. طول هاد سنوات لي دازو او بأصح العبارة من نهار عرفات مو بعلاقتو بخيال وهو عايش فهاد الحالة .. فحل مرة كان كيسول نفسو شنو دنبي واش دنب لي درت هو أني بغيتها وعشقتها !! الا كان هادا هو دنبي فأنا راضي بيه حيت غيكون احسن دنب هو عشقي ليها ..
دوز يدو بإهمال على شعرو .. زير على يديه بعصبية فاش تفكر مو وشنو دارت فاش مشا عندها وخبرها بلي تمشي معاه يخطبو خيال كانت ردة فعلها قاصحة .. خسرات عليه كلمات فقط .. لي كانو عبارة عن ..
"عمرك تحلم نحط رجلي فديك دار ولا نخطبها ليك عمرك تحلم أنها تكون مرتك بموافقتي على موووتي أولد كرشي على موتي"
غمض عينيه بعصبية وزاد كره راسو وعيشتو فاش تفكر ختو لي تاهيا موافقاتش تمشي معاه بدون موافقتو .. ناس لي بقاو ليه فهاد دنيا عطاوه بضهر ووقفو قدام سعادتو وعشقو .. تنهد تنهييدة طويلة فاش لقا راسو وصل لدار حل لباب بساروت وطلع ديريكت لبارطمة فاش كيݣلس بدون مايقلب على مو ولا يكلمها ..
دخل لدوش لي فغرفتو يحيد عليه العيا تهاد نهار .. دور عليه فوطة وخرج كيقطر بالما .. توجه ديريكت لبيرو ديالو ݣلس وجبد لبيسي كيحاول يتلها شويا فخدمتو بيما يجيه نعاس .. مدة طوييلة معاقش براسو تلقا جوج دليل ضربات سد البيسي وتلاح فبلاصتو وقبل مينعس صيفط ميساج لخيال كيف ديما عاد غمض عيونو ...
عند خيال لي كيف وصلات لدار لقات واليديها ݣالسين فقاع دار كيتفرجو ݣلسات معاهم بعدما سلمات عليهم .. مدة قليلة تناضت خدات عشاها كلاتو وجمعات ماعن فاش كلات ودخلات لبيتها تنعس حاسة براسها فحالا كانت فشي حرب ... حاولات تغمض عينيها بدون متفكر فهادشي لي كيوقع ليها محاولة تتغلب على عقلها ...
كيلبس فحوايجو وابتسامة على وجهو كيف كل صباح ضروري خصو يسمع صوتها قبل مايمشي لخدمتو باش يدوز نهارو زوين ...
خيال(مكشرة): دب ربي واش معيتيش ضروري كل صباح تفيقني اهئئ أعوااام اعيباد الله فكل صباح تصوني تخصر عليا نعاسي
رضى(كيحرك راسو بالنفي كأنها كتشوفو): من سابع المستحيلات احياتي ميمكنش هههه تبغي يدوز نهاري خايب ها!!؟
خيال: باااز بااز
رضى: غافرحي بهاد نعاس اتسالي العطلة وديك ساع اتشبعي نعاس مزيان ياكما يصحاب ليك ورا الباك كاين غنعاس !!
خيال(كتغبن) : ضروري تفكرني زعما!!
رضى: ضروووري .. فكرتيني نيت كيخصك تراجعي لي كونكور مزيان انا انراجع معاك هاد ليام ..قلتي باغا طب
خيال(مبتاسمة): حلمي هاداك
رضى: ايتحقق
خيال: نشاء الله ..
رضى(ركب فلوطو): انا دب انمشي لخدمة فالعشية انجي نديك باش نراجع معاك شوي
أنت تقرأ
الهوس السرمدي
Romance•بقلم: "Nassima ERs" و من قوانين عشقنا .. أنه أبدي لا نهاية له ! إنه الهوس السرمدي ♡هي تريد أن يحبها بجنونِ .. كجنون قيس ب ليلى ! و بشغف .. كشغف نزار القباني ! ♡ أما هو فيريد أن تعلم و ان تعي بلهفة هوسه بها و رغبته و شوقه لها .. فقلبها موطن الازهار...
