نزلات مكشرة وطاالع ليها دم بالمعقول.. مد يدو شاد فيديها وهي باغا تفلتها ولاكن مزيير عليها..
دخلو المول وتوجهو لبلاصة الملابس نسائية.. طلق من يدها ونطق..
رضى :ختاري شنو باغا ويكون مستور
خنزرات فيه وعطاتو بضهر.. خدات تيشورت فالابيض وسروال دجين وخرجات عندو
خيال: خلص
طلعها وهبطها..
رضى: هادا هو المستور عندك!!!
خيال(علات حاجبها وببرود نطقات) : نهار لول فاش تلاقيتيني كنلبس هاكا وحياتي كاملة كنلبس هاكا مغتجيش بين ليلة ونهار تبدل ليا سيستيم لباسي ارضى وهاد شخصية تليوووم مراااضيااااش عليها نهااائيا حيت عمرك هزييتي صووتك عليا وعمري انرضا عليها ودابا خلص وتبعني رجعني منين هزيتيني..
تخطاتو وخرجات من البوتيك.. هو بخفة خلص فلاكيس وتعبها.. لقاها واقفة جنب لوطو حل لباب ودخلات وتبعها.. قبل ميديماري دار كيشوف فيها مدة.. تنهد وحط يدو على راسها وبحنية نطق..
رضى: انا غااالط فحقك عارف سمحليا مكنتش قاصد نغوت عليك.. (تنهد) ولاكن فهميييني تانتي راا مكنقدش فككرة شي واااحد كيشووف فيك شوفة مااهياش نااار تتشعل فيا
شافت فيه ببرود وجاوباتو : يعني فيما تغير اتولي تسب سبان طايح؟ وتشرك لي سروالي من لفوق وماشي بعيد گاع شي نهار تهز يدك عليا اا
قبل متكمل كلامها كان ناطق مقاطعها : ليد لي تهز عليك نقطعها من جدر واخا تكوون يدي اخياااال
تنهدات تنهيدة مططوولة وضارت كتشوف فشرجم..
حط يدو على راسها مضور وجها ليك..
رضى: سمحليا عمرها تعاود
خيال:ولا تعاودات!!
رضى:انحاااول نتحكم فراسي
خيال:اوك
رضى(حط راسو على جبهتها) :متكعايش عليا
خيال:اخر مرة ارضى
رضى: اخرر مرة
بتاسم: تصالحنا!!
خيال:ضحكات: تصالحنا
رضى:صافي نمشيو لكافي دب!!
خيال:نمشييو
بتاسم وقبلها على جبهتها وضار مخدم لوطو متوجه لكافي
وصلو ودخلو لكافي مشادين باليدين .. طلعو لتيراس لفوق وݣلسو فطبلة فاش موالفين ديما كيريحو..
خيال: هاد الكافي تتحسسني براحة
رضى(بتاسم): حيت جات مقابلة مع البحر نسمات ديالو كيعششو فيك ..
جبد لبيسي ديالو حطو فوق طابلة..
رضى: زيدي نبداو
جبدات خيال جوندا لي تدون فيها داكشي لي مهم .. وقبل ميبداو كان جا سرباي حط ليهم طلبهم لي كان عبارة عن كافي دوبيو لرضى وكابتشينو لخيال ..
رشف رضى من قهوتو وبدا كيشرح ليها خطوة بخطوة وأي حاجه تتسولو عليها مفهماتهاش كيعطيها الخاطر ويشرحها ليها بتدقيق وتركيز ..
رضى: فهمتي هادي دب؟
خيال(قدات تريكوها ونطقات بغرور): واش حنا عسكر ولا زمر
رضى(حك على شعرها وهو كيضحك): هبيييلة
أنت تقرأ
الهوس السرمدي
Romance•بقلم: "Nassima ERs" و من قوانين عشقنا .. أنه أبدي لا نهاية له ! إنه الهوس السرمدي ♡هي تريد أن يحبها بجنونِ .. كجنون قيس ب ليلى ! و بشغف .. كشغف نزار القباني ! ♡ أما هو فيريد أن تعلم و ان تعي بلهفة هوسه بها و رغبته و شوقه لها .. فقلبها موطن الازهار...
