الهوس السرمدي

part 9

وقف قدام لوطيل فاش گالسة امل مدة قليلة تكتوقف عليه.. نزل من لوطو طلع باليزتها لكوفر وحل ليها باب لوطو..

امل:جنتلمان مع راسك..
تبسم بجنب وطلع تاهو موجهين لمطار..

أمل :فخبارك اول مرة نمشي لأمريكا!
حرك راسو بالايجاب وهي عوجات فمها لجنب وضرباتو على كتفو
امل:تفااااعل معانا ازمر ونتا وليتي كئيب كتر من لقياس اصاحبي..
كمل تركيزو فطريق بدون مايرد عليها وهي تنهدات ودارت لكيت فودنها بيما يوصلو..

عند خيال لي يلاه فاقت من نعاس دخلات لدوش طرفات راسها ولبسات حوايجها وخرجات تفطر مع واليديها قبل مايمشي باها لخدمة..

عزيز: ايوا ابنتي شنو غاديري فهاد صيف قرب يسالي خصك تستاغليه..
خيال:معرفتش ماعندي تافكرة
عزيز:انشد كونجي لراسي فلخر دسيمانة وندي بنتي العزيزة ومراتي يسافرو يبدلو الجو..
حليمة:ولاهيلا بااغين نساافرو نبدلو نيت الجو..(شافت فبنتها) شباليك اخيال!

خيال(بدون حماس) :لي مرتاحين فيه ديروه (ناضت من على طبلة) بصحة وراحة شبعت..

دخلات لبيتها مخلية نضارات واليديها متبعينها بحزن..

گلسات فوق سريرها يلاه اتكا تسمعات صوت اشعار من تليفونها هزاتو تطل وبصدمة طاح تليفون من يدها وكتحرك راسها بلا..

طاحت من فوق ناموسية ودموع نازلين من عينيها..
خيال(كتحرك راسها بنفي) :لالالا مستحيل لا لا انا غير كنتخاايل (كتصرفق فوجهها) خيااال تهدنيي تهدنيي غير كتخاايلي لا لا هادشي ماشي بصح...
عاودات هزات لفون وتقرا حرف بحرف وتحقق فصورتهم بجوج.. كانت امل حاطة فصفحتها صورتها مع رضى فالمطار وكاتبة تحتها.. "بداية جديدة مع حياة جديدة فبلاد جديدة مع شخص مميز"

خيال(كتنطق بصعوبة) :ها هادشي ماشي بصح ماشي بصح(نزلو دموعها) ميمكنش يدير ليا هاكا هادشي غير كذوب هو قاليا عمرو يدوي مع شي بنت غيري واخا تكون هي ميمكنش يدير فيا هاكا لالا ميممكنش لاااااا (جرات الغطااا من على نامووسيتها وكتغوووت ولات فحااالا هيستييرييية.. دخلات مها وباها لعندها كيجريييو مخلووووعين.. تلاح عليها باها معنقها محاول يهدنها وهي تتركل)

خيال(كتبكيي وتغووت) :طلقتوووو منيييي طلقوووو منيي طلقوووو هئ هئئئ صااافي اهئئ(كضرب فراسها) مشااا صااافي مشااا اهئئ

شد ليها باها فوجها وعينيه مغرغرين على حال بنتو:بنتي خيال تهدني بنتي حنا معاك بنتي
شافت فعينيه وشدات فيدو لي على وجها ونطقات بحرقة :بابا بابا كيتحرق قلبي كيتحرق ابابا كنحس بغصة فحلقي ابابا (كتشهق) شنو ذنبي ابابا شنو ذنبي من غير اني بغيتو كنبغيييه اباابااا هو راجل تااني لي حليت عليه عيني بعدك علاش تحرمووني منو علاش تحرقو لياا رووحي اباابااا بغييت تموووت بغيييت هاد العافية تطفا (بعدات على باها وقربات لمها لي كانت تتبكي وتشهق) مااما متي غتفهميني اماما انا مكنتش باغاه يمشي لبلاد تانية مكنتش باغاه يبعد تال هاد درجة كنت باغا نطيع بابا وكنت باغا رضى يبقا متشبت بيا واخا نخليه(حركات راسها بالايجاب فحال شي حمقة) اااه انا اناانية ااه مكنتش باغاه ينساااني كيف قلت كنت باغااه يبقى مفكرني وقريب ليا ديمااا ومكيكووون مع تااشي وحدةة خراااااا امااما اهئئئ اهئئئئئئ ماابغااااهش يمشييي من حيااتي ماابغااااااااهش اهئء

حطات يديها على فمها كتبكي وبعدات عليهم بجووج وخشات راسها بين يديها ونطقات بصوت شبه مسموع..

خيال:بغيتو يبقا معايا ياسيدي ربي نتا لي لي عندي فهاد دنيا ياااسيدي ربي شد بيدي وعاوني ياااسيدي ربي يااربي لحبيب (كتبكي) يااربي

قرب ليها باها ومها معنقينها وقلوبهم تتحرق على بنتهم:حنا معاك ديما اتلقااينا جنبك ابنتي..

بعد مدة من البكا حسات بنفسها ولات سخونة غمضات عينيها وترخات بين يديهم نعسات..

هزها باها بين يديه حطها فوق سرير وحط يدو على جبهتها.. شاف فحليمة ونطق..

عزيز:جيبي ليا الما بارد وفوطة..

بسرعة جابتهم ليه حليمة وهو حط على راسها فوطة باردة حتى شهقات ونطقات بهمس:البرد فيا البرد..

بزربة هزات حليمة المانطات غطاتهم بيها وعزيز كيحط ليها الفوطة فيها الما والخل على راسها مدة تاحس بيها بدات الحرارة كتنزل ليها وخرج هو وحليمة من البيت..

عزيز (شاف فحليمة وبحزن ضاهر على صوتو نطق) :خصني نلقا حل لبنتي (سكت ثواني وعاود نطق) هاد البلاصة لي اتفكرها فيه انديها منها.. انصيفطها تقرا فمدينة خرا..